SERVISU MUNICIPAL PROTESAUN CIVIL E GESTAUN DE DEZASTRE NATURAIS HALO LEVANTAMENTO DADOS, VITIMA AFETADUS HUSI INSENDIU (AHI HAN).
Manatuto, dia 07 de Novembro de 2025
Servisu Munisipal Protesaun Civil no Gestaun Dezastre Naturais ne’ebe lideradu husi Xefe Departamentu Socorru no Operasaun Emergensia Sr. Jaime Alves, hamutuk ho Ekipa, halo Levantamentu Dadus ba Vitima Uma Kain ida (1), ne’ebe nia uma Ahi-Han, iha Aldeia Carlilo (Nu’u Laran), Suku Aiteias, Postu Administrativu Manatuto Vila.
Akontesimentu refere akontese madrugada, oras tuku 04:00 Otl. Tuir kronologia ne’ebe haktuir husi Vitima, motivo husi akontesimentu refere kausa husi Sirkuitu Linha Eletrisidade, hodi resulta Ahi Han no estragus Sasan dapur nian, inklui mos sasan uma laran sira hanesan kama toba, Ropa, Armari nst.
Ho ida ne’e ekipa SMPC &GDDN halo kedas intervensaun hodi halo Levantamentu Dadus, no iha fatin hanesan Ekipa mos Apoia Pakote Emergensia Ai-Han (Food) no Laos Ai-Han (Non Food) ba familia Vitima nain ida ne’ebe nia Uma Ahi-Han.
#PreveniremelhorqueSalval#
