Manatuto”10-04-2024″ S.E.Presidente Autoridade Municipal de Manatuto,Sr.Luis Inacio Henrique Fernandes, hamutuk ho Sekretário
dos Organizasaun Urbana,Natalino Martins Carvalho, Sekretária Planeamento (PIDI),Domingas Gilpia, Akompainha 𝐒.𝐄. MINISTRO ADMINISTRASAUN ESTATAL (MAE) 𝐓𝐨𝐦𝐚́𝐬 𝐝𝐨 𝐑𝐨𝐬𝐚́𝐫𝐢𝐨 𝐂𝐚𝐛𝐫𝐚𝐥 𝐇𝐨 𝐄𝐤𝐢𝐩𝐚 Quarta Ohin observa Direita Fatin 𝐁𝐚𝐥𝐤𝐚𝐮𝐧 𝐔́𝐧𝐢𝐤𝐮, no Centro Hakiak Fahi husi Provínsia Hunan Xina no Munisípiu Manatuto.
Seremónia lansamentu Balkaun Úniku no komemorasaun tinan-10 kooperasaun amizade internasional entre Provínsia Hunan ho Provinsia Povu Manatuto, sei realiza iha loron 4 to’o 5 fulan maiu tinan ne’e, iha Manatuto Villa.
Enkuantu, iha loron 9 fulan setembru tinan 2023, Sua Eselénsia Ministru Administrasaun Estatál, Tomás do Rosário Cabral, Governadór Provínsia Hunan Repubilika Xina nian, Mao Weiming ho eis Administradór Munisípiu Manatutu, Bernardo Lopes, lansa ona programa Kooperasaun Internasionál iha setór agríkola entre Provínsia Hunan, no Munisípiu Manatutu.
Ho akordu foun kooperasaun nian ida-ne’e, hakarak fó kontinuidade ba programa, ne’ebé hahú ona iha tinan 2014, hodi hametin kooperasaun iha área agríkola, ortikultura, pekuária, veterinária no peska nian.
Nune’e mós, iha loron 11 fulan dezembru 2023, Sua Eselénsia Ministru Administrasaun Estatál, Tomás do Rosário Cabral, S.E. Ministru Agrikultura, Pekuária, Peskas no Floresta, Marcus da Cruz, S.E.Vise Ministru Obras Públika, Júlio do Carmo, reprezentante husi Ministru Planeamentu no Investimentu Estratégiku, S.E. Embaxador China iha Timor-Leste, Wáng Wén Lì, no eis Administrador Munisípiu Manatuto, Bernardo Lopes, no mós reprezentante husi sidade amiga Hunan, hala’o ona lansamentu fatuk dahuluk ba Sentru Haki’ak Fahi husi Provínsia Hunan Xina no Munisípiu Manatuto, ne’ebé lokaliza iha aldeia Carlilu, Suku Aiteas, Postu Administrativu Manatuto Villa, Munisípiu Manatuto.
Iha tempu ne’ebé hanesan, sei halo mós treinamentu teknologia kona-ba Pekuária no Haki’ak Manu, inklui teknologia ba Biogas iha Timor, atu hanorin Ita-nia tekniku funsionáriu no To’os Na’in atu habelar liután haki’ak Fahi lokal, hasa’e vivel geral industria ba produsaun Fahi iha Timor-Leste, hasa’e kapasidade ba prevensaun no kontrola moras husi Fahi no halo seguransa ba Fahi, hasa’e populasaun nia nutrisaun, hasa’e rendimentu ekonomia ba komunidade sira ne’ebé hakarak haki’ak Fahi iha Timor, no promove desenvolvimentu ekonomia sosial iha Timor ho rápidu.
