Manatuto, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚, 𝟏𝟖 𝐀𝐠𝐨𝐬𝐭𝐨 𝟐𝟎𝟐𝟓

Autoridade Munisipál Manatuto hamutuk ho reprezentante Komandu Falintil Forsa Defesa Timor-Leste (F-FDTL), Tenente Koronel (Grad) Jacinto Soares, Xefe Divijaun Pessoal F-FDTL ne’ebé destakadu mai iha Munisípiu Manatuto, ho Povu Munisípiu Manatuto hala’o selebrasaun loron nasionál 20 Agostu 1975 no 20 Agostu 2025 ba dala 50 Ezistensia FALINTIL nian, atividade serimónia ne’e hala’o iha Kampu Administrasaun Munisipiu Antiga Manatuto Vila.

Ministru MAE, Tomas do Rosário Cabral sai nudar Inspetur serimonia iha okasiaun komemorasaun loron Falintil nian ba dala lima-nulu,(50).

Iha oportunidade ne’e mos S.E. Ministru MAE lori naran Governu Da-Sia hato’o parabens no hakuak bo’ot ba Falintil sira hotu iha munisipiu Manatuto no Timor laran tomak inklui Éroi sira nebe mak la hamutuk ona ho ita hodi komemora loron istóriku ida nee. Iha intervensaun S.E. Ministru MAE, konvida maluk membro Governo sira neebe prezenti, Autoridades no entidades iha munisipiu Manatuto atu servisu hamutuk ho objetivu no prinsipiu atu lori povu ba moris diak liu

Iha biban ne’e mos S.E. Ministru MAE, Tomás do Rosário Cabral hato’o agradese wain ba komisaun organizadora sira bele organiza eventu sira anivel munisipiu hodi komemora tinan lima nulu loron ezistensia FALINTIL nian iha munisipiu Manatuto no territorio Timor Leste.

Enkuantu iha serimónia ne’e iha mós Desfile Popular no Marsa Popular la’o ain ne’ebé partisipa husi, Prezidente Autoridade Munisipál Manatuto, reprezentante Komandu Falintil Forsa Defesa Timor-Leste (F-FDTL), Tenente Koronel (Grad) Jacinto Soares, Xefe Partidu Polítiku sira ne’ebé eziste iha tinan 1975 no Organizasaun Rezisténsia sira hanesan, Falintil Forsa Defesa Timor-Leste (F-FDTL), Polísia Nasionál Timor-Leste (PNTL) Munisípiu Lautém, Veterano/a, Família Mártires da Patria, Seguransa Sivil, Bombeirus, Funsionáriu sira, Estudante Sira Komunidade Sosiedade ne’ebé hale’u Kampu Administrasaun Antiga nia oin,Nune’e mos iha aktividade Karavana

Nu’udar Autoridade Munisipál Manatuto agradese tomak ba apoiu husi Ministériu Defeza liu husi Komandu F-FDTL ba tinan ida ne’e hodi bele selebrasaun tinan 50 Ezisténsia FALINTIL nian iha Munisípiu Manatuto, tanba Munisípiu Manatuto nu’udar Rejiaun Um Ponta-Leste.

Kona-ba Preparasaun ba atividade 20 Agostu tinan 50 Ezisténsia FALINTIL, responsavel iha Munisípiu Manatuto salienta, atividade ne’e enkaixa ba Komemorasaun mak hanesan, Desfile Popular, Karavana, Sertame, Kuis, Poezia, Dansa Kultural, Muzika Rezisténsia no atividade sira seluk inklui reflesaun kalan relasiona Historia Falintil 1975 to’o 1999.

Tanba Munisípiu Manatuto Selebrasaun 20 Agosto tinan 50 Ezisténsia FALINTIL, iha loron 18 Agostu 2025 no 20 de Agostu mak sei hala’o iha nasionál, tanba ida ne’e Munisípiu Manatuto nu’udar rejiaun Um Ponta-Leste.

#MEDIA PAM MANATUTO