Manatuto, 30 Julhu 2026 — Ministériu Administrasaun Estatál (MAE) hahú hala’o Avaliasaun Kondisaun Mínima ba Segunda Etapa iha Autoridade Munisipál Manatuto, atividade ne’ebé sei realiza durante loron rua (2).

Sesaun abertura lidera husi Sua Exelénsia Prezidente Autoridade Munisipál Manatuto, Sr. Luis Inácio Henriques Fernandes, ne’ebé iha nia diskursu hato’o boas-vindas ba ekipa avaliadora no partisipa sira hotu. Nia mós reafirma kompromisu Autoridade Munisipál Manatuto atu kontinua hasa’e kualidade governasaun lokal, fortalece jestaun institusionál no melhora prestasaun servisu públiku ba komunidade.

Avaliasaun Kondisaun Mínima Segunda Etapa ne’e nia objetivu mak atu sukat nivel kumprimentu padraun mínimu institusionál, identifika área sira ne’ebé presiza hadi’ak, no fó rekomendasaun atu apoia dezenvolvimentu administrativu no institusionál iha munisípiu.

Atividade ne’e envolve ekipa avaliadora husi MAE, lideransa Autoridade Munisipál no estrutura téknika relevante sira, ho prosesu verifikasaun dokumentu, observasaun no koordenasaun tuir kritériu no regulamentu vigora.

#MEDIA PAM MANATUTO