Manatuto, 22/06/2026-– Prezidente Autoridade Munisipal Manatuto, Sr. Luís Inácio Henriques Fernandes, simu vizita kortezia husi Embaixador Estados Unidos América iha edifísiu Autoridade Munisipal Manatuto.

Vizita ne’e nia objetivu mak atu reforsa no avalia koperasaun entre Estados Unidos da América no Timor-Leste, liuliu iha área sira ne’ebé bele kontribui ba dezenvolvimentu iha Munisípiu Manatuto.

Durante enkontru ne’e, parte rua troca hanoin kona-ba oportunidade koperasaun iha setór sira hanesan edukasaun, saúde, dezenvolvimentu komunidade no área prioridade seluk ne’ebé bele fó benefísiu ba populasaun Manatuto.

Enkontru ne’e reflete komitmentu atu kontinua hametin relasaun amizade no koperasaun entre nasaun rua hodi apoia prosesu dezenvolvimentu sustentável iha Timor-Leste.

#MEDIA PAM MANATUTO