S.E. Ministru MAE, Tomás do Rosário Cabral, hamutuk ho Vise Ministru Asuntu Parlamentar Aderito Hugo, no representante Embaixada Xina nian iha Timor-Leste, PAM Manatuto hamutuk ho Diretor Geral desenvolvimentu lokal no diretor agrikultur servisu municipiu halo atividade kultivasaun kolheta hare hybrida iha munisípiu Manatuto.

Serimoña kolheta hare iha Munisípiu Manatuto nudar rezultadu servisu kopersaun governu Xina atravez Embaixada Xina iha Timor-Leste ho governu Timor-Leste atravez Autoridade Munisípiu Manatuto iha area agrikultura nian. Serimoña kolheta hare hybrida ne’e hala’o iha aldeia Obrato, Suco Sau, Postu Manatuto Villa.

Iha biban ne’e mos PAM Manatuto, Luis Inacío Henriques Fernandes, hato’o agradese wain ba governu central nia apoiu ba servisu agrikultur nian iha munisípiu Manatuto. PAM Luis Inacío Henriques Fernandes afirma katak, ohin ita bele hamutuk iha ne’e hodi halo kolheta hare hybrida tamba hetan apoiu husi governu central. PAM Luis Inacío Fernandes nafatin husu governu centra atu kontinua apoiu agrikultur iha Munisípiu Manatuto hodi nune’e bele hakbesik nafatin servisu hamutuk ho produtor agrikultur sira iha produsaun hare nomos produsaun sira seluk.

Hafoin remata atividade kolheta hare hybrida S.E. Ministru MAE ho komitiva kontinua halo observasaun ba irigasaun bé ba natar iha mota area postu Laclo nian, no kontinua ba observa mos projeitu konstrusaun postu saúde Laicore iha postu Laclo, no ikus liu S.E. Ministru MAE ho komitiva ba observa mos konstrusaun Kapela Kristu Liurai iha Aldeia Rembor Suco Aiteas postu Manatuto Villa hodi remata atividades ba loron ohin nian iha munisípiu Manatuto.

#Remata

#Media@Mae_2025