Manatuto; Quinta-feira, 29/08/2024. Presidente da Autoridade Municipal de Manatuto Sr.Luis Inacio Henrique Fernandes ”Akompanha husi Sua Eselénsia Ministro Planeamentu no Investimentu Estratéjiku Eng. Gastão Francisco de Sousa hamutuk ho funsionáriu MPIE Komemorasaun Loron Konsulta Populár ba Dala-25, iha Sede Veteranus Munisipio Manatuto
𝘖𝘣𝘫𝘦𝘵𝘪𝘷𝘶 𝘩𝘶𝘴𝘪 𝘢𝘵𝘪𝘷𝘪𝘥𝘢𝘥𝘦 𝘪𝘥𝘢 𝘯𝘦’𝘦 𝘮𝘢𝘬𝘢, 𝘢𝘵𝘶 𝘩𝘢𝘭𝘪𝘣𝘶𝘳 𝘌𝘴𝘵𝘶𝘥𝘢𝘯𝘵𝘦, 𝘑𝘶𝘷𝘦𝘯𝘵𝘶𝘥𝘦 𝘯𝘰 𝘱𝘢𝘳𝘵𝘪𝘴𝘪𝘱𝘢𝘯𝘵𝘦 𝘴𝘪𝘳𝘢 𝘩𝘰𝘵𝘶, 𝘩𝘰𝘥𝘪 𝘩𝘢𝘴𝘢’𝘦 𝘬𝘰ñ𝘦𝘴𝘪𝘮𝘦𝘯𝘵𝘶 𝘯𝘰 𝘬𝘰𝘮𝘱𝘳𝘪𝘦𝘯𝘴𝘢𝘶𝘯 𝘴𝘪𝘳𝘢, 𝘳𝘦𝘧𝘭𝘦𝘵𝘦 𝘣𝘢 𝘒𝘰𝘮𝘦𝘮𝘰𝘳𝘢𝘴𝘢𝘶𝘯 𝘓𝘰𝘳𝘰𝘯 𝘬𝘰𝘯𝘴𝘶𝘭𝘵𝘢 𝘗𝘰𝘱𝘶𝘭á𝘳 𝘯𝘪𝘢𝘯.
Atividade ka seminário ida ne’e importante tebes mai ita hodi halo reflete fila-fali ba tempu hirak liu ba ho prosesu ida ne’ebé mak naruk tebes, tan ne’e husu Komunidade no partisipante sira hotu atu akompaña no konsentra ba saida maka testamunha nain 4 atu mai fo Sasin ba Akontesimento antes no Votasaun 30 de Agostu atu fó sai mai ita ho nune’e, ita bele hatuur buat hotu tuir nia dalan ka babain ema hateten katak, Ida maka hahú, ida maka hatutan no ida maka hakotu, no Reflesaun badak husi Komite Orientadora 25 Hateten PAM-Manatuto iha âmbitu partisipasaun atividade semináriu Komemorasaun Loron Konsulta Populár ba Dala-25.
Intervensaun husi Ministro MPIE Eng.Gastaõ Fransisco de Sousa, Ohin ita hotu halibur hamutuk iha fatin ida ne’e, atu halo reflesaun klean Ida kona-ba esforsu povu doben Timor-Leste ba hahalok brani, hahalok matenek, hahalok funu na’in, hahalok terus na’in nian hodi hakotu sira nia terus no halerik iha 24 nia laran. Durante tinan 24 nia laran povu funu terus nonok hein oportunidade ida atu konkista direitu ne’ebe konsagra iha rezolusaun ONU 1514 ne’ebe garante “ Direitu povu ne’ebe kolonizadu ba auto-determinasaun no independênsia”.
Mundansa ba konjuntura internasional, hamosu kondisaun di’ak atu Indonesia, liuhosi Prezidente BJ. Habibi aseita ka simu fo eskolha liu husi referendu ba povu Timor-Leste, atu hakarak ukun rasik-a’an ka hakarak autonomia ho Indonesia. Nune’e, iha loron 5 maio, Portugal, Indonésia ho Nasoens Unidas Asina akordu ida atu realiza konsulta ba povu Timor-Leste
Loron 30 Fulan Agostu 1999 hanesan loron konsluta popular hodi determina no realiza hakarak ukun-an husi funu bário no terus ne’ebé povu hasoru. Ohin mos iha território Timor laran tomak, povu hotu-hotu selebra dadaun loron istoriku ne’e hodi komemora no hanoin hikas buat ne’ebé akontese iha tinan 25 liu ba akontese iha ita nia rai doben Timor Lorosa’e
Povu doben Munisípiu Manatuto tinan 25 liu na povu terus nain mak Lori pregu hodi determina ita-nia dalan baliberdade no ukun rasik-an nuudar rezultadu 78.5% hili ukun-an no 21.5% hili nafatin Autonomia Indonesia. Loron 30 agostu hanesan loron ikus ka kulminasaun ba funu naruk durante tinan 24 nia laran kontra invasor Indonesia. Iha tinan 25 liu ba, nasaun barak iha mundu la fiar iha ita nia funu Maibe povu Timor-Leste hatudu ba mundu katak ita iha mehi, ita iha fiar no ita hatene saida maka ita nia hakarak maske timor oan liu rihun atus tolu fakar ra’an no ruin nakleklar ho objetivu Ida deit Timor-Leste tenke ukun rasik a’an
Povu doben iha biban barak mak ita nia Komandante em Xefe MAUN BOOT KAY RALA XANANA GUSMÃO sempre hateten: “POVU MAKA HEROI”.
Ho Nunee, tema ba celebrasaun 30 agostu tinan nee maka: POVU MAK FUNU ! POVU MAK MANAN FUNU ! POVU MAK HERÓI BOOT, BA UKUN RASIK-AN!
reflete klean sentimentu povu doben nian. Povu tomak ba sentru vutasaun atu exerse sira nia direitu atu eskolha nia nasaun nia destinu.
Intervensaun husi rep. Comité Orientador 25 iha Munisipio Manatuto Sr.Jasinto “hateten katak, Comité Orientador 25 ne’e liuhosi rezolusaun governu nian iha nú 1/2017, hodi fó kbiit ida ba orientador atu hakerek livru istória rezisténsia iha organizasaun Juvenil no Estudantil ba rezisténsia hamutuk ho istoriadór sira. Tan ne’e reflete mai ita-nia aan katak, ita bele halo polítika, maibé istória ita labele halo manipula no sela’e ita husik hela buat ida ne’ebé maka ladiak ba jerasaun hirak tuir mai.
Iha okaziaun ida nemós orador/a sira emediata konta istória kona-ba partisipasaun iha prosesu registrasaun to’o rona rezultadu Konsulta Populár iha tinan 1999, ba entidades no partisipante sira hotu no ao mesmu tempu halo mós reflesaun hamutuk, no Loke Mos Filmajen ba Komunidade sira hodi hare Akontesimento sira iha Tinan hirak Liu ba.
Iha atividade ida ne’e hetan partisipasaun máximu husi, Comandante PNTL Manatuto, Diretor Serviço Municipal sira, Veteranu/a sira no inklui funsionáriu no partisipante sira hotu.
Aktividade ne’e Organiza husi Komisaun Organizadora 30 de Agostu,Presidente Komisaun Sr.Natalino Martins ho Ekipa.