Manatuto,15-06-2026 – Autoridade Munisipál Manatuto realiza asinatura kontratu Projetu PDIM 2026 ho kompanhia hamutuk 24 ne’ebé manan prosesu aprovizionamentu tuir regra no prosedimentu legal sira ne’ebé vigora.

Atividade ne’e marka hahú implementasaun projetu dezenvolvimentu infraestruturas no servisu públiku sira iha área oioin iha Munisípiu Manatuto, ho objetivu atu hasa’e qualidade infraestrutura no promove dezenvolvimentu sustentável ba komunidade sira.

autoridade relevante sira enfatiza katak kompanhia sira ne’ebé asina kontratu tenke hala’o servisu tuir espesifikasaun téknika, prazu implementasaun no prinsípiu transparénsia, responsabilidade no prestasaun kontas.

Projetu PDIM 2026 espera bele kontribui ba hadi’ak asesu komunidade ba infraestrutura básika no kria oportunidade ekonomia ba populasaun lokal durante períodu implementasaun projetu nian.

Autoridade Munisipál Manatuto kontinua kompromete atu akompaña no monitoriza implementasaun projetu sira ne’e hodi garante rezultadu ne’ebé di’ak no benefisia komunidade tomak.

#MEDIA PAM MANATUTO