Manatuto” 24-07-2024″ benefisiáriu hamutuk na’in 227 hosi munisípiu Manatuto simu pagamentu subsídiu programa Bolsa da Mãe Kondisionál hosi Banku Nasionál Komérsiu Timor-Leste (BNCTL, Sigla iha Portugés) ho totál orsamentu Dolar Amerikanu $46.892,00.
Durante diskursu, Prezidente Konsellu Administrasaun, Sra. Lúcia Flor, lori Konsellu Administarsaun nia naran espresa agradesimentu boot ba Governu, liu-liu Ministériu Soliedariedade Sosiál no Inkluzaun (MSSI), ne’ebé tau nafatin konfiansa ba BNCTL hodi responsabiliza pagamentu subsídiu kondisionál. Nia mós apela ba benefisiáriu sira atu komunika imediatamente ho banku ka ministériu, karik hasoru preokupasaun ruma, atendimentu la di’ak ka komportamentu la adekuadu husi funsionárius balun durante prosesu pagamentu.
Presidente da autoridade Munisipal de Manatuto Sr.Luis Inacio Henrique Fernandes agradese ba BNCTL Nebe tun direita ba Komunidade sira nebe hela iha Area Rural hodi halo pagamento ba Bolsa da Mae ida ne hanesan
Sua Excia. Ministra Soliedariedade Sosiál no Inkluzaun (MSSI), Sra. Verónica das Dores ho estrutura tomak agradese ba prontidaun no kolaborasaun BNCTL nian ba pagamentu ne’ebé la aplika kustu (sem fee) ne’e, tantu ba subsídiu Bolsa da Mãe, Terseira Idade no Ema ho Defisiénsia.
Ho abertura pagamentu iha suku Cribas Postu Administrativo Manatuto villa Munusipio Manatuto, marka pasu dahuluk ba pagamentu sira seluk ne’ebé BNCTL sei realiza iha 29 Jullu iha teritóriu Timor laran tomak. BNCTL kompromete hodi hakbesik aan no fó servisu bankárius asesivél ba nia benefisiáriu sira hotu.
Iha fatin hanesan, Prezidente Autoridade Munisipiu Manatuto, Luis Inacio Henrique Fernandes hatete, Inan-aman sira kbiit laek atu hatama oan ba eskola, tanba ne’e governu estabelese programa ida-ne’e apoiu tebetebes inan-aman sira. Nunee husu ba inan-aman sira atu ajuda oan sira ba eskola hodi nunee bele prepara oan sira ba futuru nasaun nian.
Ikus liu benefisiariu Luis da Costa Ximenes hato’o agradesimentu ba MSSI tanba bele apoia ona osan uitoan hodi ajuda hatama ninia oan ba eskola. Maske nune’e nia husu atu governu bele aumenta tan kuantia osan, katak nia.
