MANATUTO” 09-07-2024

Presidente da Autoridade Munisipal de Manatuto Sr. luis Inacio Henrique Fernandes halo lansamento ba loron dahuluk Estudante UNTL halao Estajiu iha Munisipio Manatuto, nebe Komposto husi mane 9 feto 34 hamutuk 44 Pessoas, mai husi Departemento,Biologia,Fisika, Portuguesa, Tetun, no Matematika, Nebe sei destaka ba postu 6 iha Munisipio Manatuto .

Mensajem husi Presidente da Autoridade Munisipal de Manatuto Sr. luis Inacio Henrique Fernandes husu ba Estudante estajiadu sira atu aproveita oportunidade ida ne’e hodi hasae kualidade edukasaun iha Munisipio Manatuto liu husi ita bo’ot sira nia hanorin, edukasaun xave importante ba desenvolvimento nasaun, Munisipio Manatuto tau Prioridade liu ba edukasaun,tamba ne’e Lori Autoridade no populasaun munisipio Manatuto nia naran hakarak hato’o agradese tamba ita bo’ot sira bele hili Profisaun ida ne’e, no ohin ita bo’ot sira nia Prejensa iha Manatuto Ami Autoridade Simu no odamatan Edukasaun Munisipio Manatuto Nakloke ba ita bo’ot sira. Tenik PAM.

Iha aktividade ne’e Partisipa husi Director Edukasaun, Comandante PNTL Munisipio, Definisi Suku AiteasAiteas, Assesor, Dosente UNTL no Professores Sira.