𝐃𝐈𝐋𝐈, 𝐒𝐞𝐠𝐮𝐧𝐝𝐚-𝐅𝐞𝐢𝐫𝐚 𝟏𝟓 𝐉𝐮𝐥𝐥𝐮 𝟐𝟎𝟐𝟒—Ministru Administrasaun Estatal, Sua Eselénsia 𝐓𝐨𝐦𝐚́𝐬 𝐝𝐨 𝐑𝐨𝐬𝐚́𝐫𝐢𝐨 𝐂𝐚𝐛𝐫𝐚𝐥, hamutuk ho Diretor Jerál Desentralizasaun no Governu Lokál, Sr 𝐀𝐧𝐭𝐨́𝐧𝐢𝐨 𝐀𝐮𝐠𝐮𝐬𝐭𝐨 𝐆𝐮𝐭𝐞𝐫𝐫𝐞𝐬, konvoka reuniaun ho Prezidente Autoridade Munisipal (PAM) nomós Prezidente Interinu Autoridadade Administrativa Ataúro (PAAA) sobre progressu ezekusaun orsamentu kapital dezenvolvimentu.
Sua Eselénsia Ministru Administrasaun Estatal, informa, enkontru ida ne’e realiza hafoin iha reuniaun Konsellu Ministru liubá sobre preparativus orsamentu tinan-2025 nian ne’ebé ko’alia mós kona-ba kapital dezenvolvimentu ba munisípiu sira, tamba munisípiu sira agora iha ona poder administrativa ho poder finanseiru, sira-nia ezekusaun la liu ona husi governu sentral, maibé ezekusaun diretamente ba iha sistema no Ministériu Finansas. “Ohin munisípiu sira dehan katak sira-nia ezekusaun mais de 50%, mais relatóriu husi Ministériu Finansas menus husi ida ne’e, entaun ohin loron tomak ho sira atu hare fila fali ezekusaun 2024 nian, i preparativus sira-nia orsamentu ba 2025, tamba governu deside katak orsamentu menus husi 500 mill mai kraik, sei entrega ba munisípiu sira hodi atende no hadi’a kondisaun sira iha eskola, sentru saúde, ema vulneravel, agrikultura, merkadu ho saneamentu no administrasaun”, Sua Eselénsia Ministru MAE informa ba jornalista sira iha salaun Multi Uso GMN, Bebora.
Sua Eselénsia Ministru Administrasaun Estatal, hateten, prioridade husi MAE nian mak tenke atinje objetivu ba hari governu lokál. Se sira (munisípiu) iha ona governu lokál, sira iha ona poder polítiku, tamba agora sira iha poder rua de’it, poder administrartivu ho poder finanseiru, poder polítiku iha hela governu sentral.
“Ohin iha Ha’u-nia introdusaun sira mak ne’e, autoridade munisipal sira liu-liu PAM sira, tenke iha papel ida, tamba sira mak reprezenta governu sentral, orgaun sira seluk iha kraik ne’e tenke rona no tenke submete ba desizaun ne’ebé iha. Hanesan ita hotu hatene, servisus sanulu-resin-sia (19) mak governu sentral fo tiha ona sira, Saúde, Edukasaun, Agrikultura, Protesaun Sivil no seluk tan”. Sua Eselénsia Ministru MAE dehan.
PAM Manatuto Sr.Luis Inacio Henrique Fernandes haktuir Projeto PDIM ba tinan 2024 nian 9 Projeto 5 iha Processo Aprojunamento sei konklui iha Semana oin no asina kontrato Antes de Agostu iha estimativa ona no projeto ne sei termina iha fulan novembru,projeto ne durasaun ho tinan badak liliu mak Dada be Klinika ne’e sei termina,Pam mos husu ba Juridiku sira iha ne sira iha ne’e, orsamento ne iha restante osan lubun bo’ot ida,atu halo Novu Projeto ka atu Finasia fali Lista ida PDIM Deside la tama iha iha Orsamento iha buat rua, Novu Projeto ami sei liu husi Conselho Cordenasaun Munisipal (CCM)/lista ida aprova iha 2023.
Enkuantu, reuniaun ne’e marka mós prezensa husi Diretor Ezekutivu FEDA, Diretor Nasionál MAE, Diretor PDIM, SECPIDI, Sekretariu Administrasaun Finansas, Diretor Finansas, Diretor PNDS, Diretor Obras Públika, Diretor Agrikultura, Diretor Saúde, no Diretor Aprovizionamentu.