Soibada, 14 Abril 2024-Presidente da Republika J. Ramos-Horta, iha Domingo ne’e, vizita Postu Administrativu Soibada, Munisipiu Manatuto, hodi inaugura Pixina antigu ne’ebé foin reabilita, estátua Dom André Doutel Sarmento ho Dato na’in 3 nian, Gruta no mós fó apoio sosiál ba familia vulneravel sira.

Pixina ne’ebé Prezidente inaugura nu’udar pixina antiga husi Colegio Soibada ne’ebé iha tinan naruk abondonadu maibé tinan 2022 no tinan 2023, hetan reabilitasaun husi Administrasaun Postu inklui harii gruta Maria Auxiliadora no monumentu ba Dom André Doutel Sarmento, Dato Laku (Dato Lakumalik)-Manufahi, Dato Kere (Dato Lakere)-Leohat no Dato Siri (Dato Sirikeli)-Manlala. Konstrusaun ba obra hirak ne’e halo ho orsamentu ne’ebe ki’ik maibe ho kualidade no maioria povu no juventude Soibda-oan maka halo rasik obra hirak ne’e.

Durante vizita ne’e, Prezidente Ramos-Horta apresia ho resepsaun ida-ne’ebé organiza husi Administrasaun Postu Soibada. Iha eventu ne’e Prezidente Repúblika fornese mós asisténsia oin-oin ba grupu vulneravel sira iha área refere, hanesan Televizaun no Parabola ba estasaun PNTL lokál, ekipamentu desportu, instrumentu muzikál, livru no mós sasán hakerek sira ba biblioteka Eskola Sekundaria Prezidente Nicolau Lobato, no entrega mós nesesidade báziku sira seluk hanesan foos, mina, manu-tolun no manta ba komunidade sira.

Prezidente Ramos-Horta hateten: “Inisiativa ida-ne’ebé lidera husi komunidade ne’e importante tebes no di’ak tebes. Hau kontente tebes atu haree ema iha Soibada mai hamutuk hodi ajuda sira ne’ebé presiza no investe iha sira-nia infraestrutura.”

Prezidente mós aproveita oportunidade atu fahe memória pesoál kona-ba nia tempu iha Soibada durante tempu koloniál Portugal nian, hodi konta kona-ba nia luta atu asesu ba ai-han nu’udar joven ida. Maske rekoñese importánsia husi esforsu komunidade nian, Prezidente Ramos-Horta hateten katak papél prezidénsia iha ne’e hanesan fó apoiu umanitáriu, la’os intervensaun eskala boot maibé inisiativa ida atu kompleta programa apoiu sosiál governu nian.

Prezidente Repúblika nota katak nia administrasaun evita ho konsiénsia atu sosa karreta foun ba edifísiu prezidensiál, maibé kontinua uza karreta ne’ebé sosa husi prezidénsia uluk nian. “Hodi halo ida-ne’e, ami konsege aloka rekursu barak liu tan hodi suporta komunidade vulneravel sira iha Timor-Leste laran tomak,” dehan Xefe Estadu.

𝐼ℎ𝑎 𝑓𝑎𝑡𝑖𝑛 ℎ𝑎𝑛𝑒𝑠𝑎𝑛, 𝑃𝑟𝑒𝑠𝑖𝑑𝑒𝑛𝑡𝑒 𝐴𝑢𝑡𝑜𝑟𝑖𝑒𝑑𝑎𝑑𝑒 𝑀𝑢𝑛𝑖𝑠𝑖𝑝𝑖𝑢 𝑀𝑎𝑛𝑎𝑡𝑢𝑡𝑜, 𝐋𝐮𝐢𝐬 𝐈. 𝐇. 𝐅𝐞𝐫𝐧𝐚𝐧𝐝𝐞𝐬, 𝑖ℎ𝑎 𝑛𝑖𝑎 𝑑𝑖𝑠𝑘𝑢𝑟𝑠𝑢 ℎ𝑎𝑡𝑒𝑡𝑒𝑛, 𝑟𝑎𝑖 𝑖𝑑𝑎 𝑛𝑒’𝑒 𝑙𝑎’𝑜𝑠 𝑏𝑢𝑎𝑡 𝑓𝑜𝑢𝑛 𝑖𝑑𝑎, 𝑚𝑎𝑖𝑏𝑒 𝑟𝑎𝑖 𝑖𝑑𝑎 𝑛𝑒’𝑒 ℎ𝑜𝑟𝑖 𝑢𝑙𝑢𝑘 𝑏𝑜’𝑜𝑡 𝑛𝑎𝑛𝑖𝑠 𝑖ℎ𝑎 𝑓𝑎𝑡𝑖𝑛 𝑛𝑒’𝑒𝑏é 𝑠𝑎𝑖 𝑡𝑒𝑏𝑒𝑠 𝑠𝑒𝑛𝑡𝑟𝑢 𝑠𝑒𝑣𝑖𝑙𝑖𝑧𝑎𝑠𝑎𝑢𝑛 𝑖ℎ𝑎 ℎ𝑖𝑠𝑡ó𝑟𝑖𝑎 𝑇𝑖𝑚𝑜𝑟-𝐿𝑒𝑠𝑡𝑒 𝑛𝑖𝑎𝑛 ℎ𝑎ℎ𝑜𝑟𝑖𝑠 𝑚𝑎𝑡𝑒𝑛𝑒𝑘 𝑤𝑎’𝑖𝑛 𝑚𝑎𝑖 ℎ𝑢𝑠𝑖 𝑓𝑎𝑡𝑖𝑛-𝑓𝑎𝑡𝑖𝑛 𝑖ℎ𝑎 𝑡𝑖𝑚𝑜𝑟 𝑙𝑎𝑟𝑎𝑛, 𝑖𝑘𝑢𝑠 𝑚𝑎𝑖 ℎ𝑜𝑑𝑖 𝑠𝑒𝑟𝑏𝑖 𝑛𝑜 𝑏𝑎𝑙𝑖 𝑟𝑎𝑖 𝑑𝑜𝑏𝑒𝑛 𝑇𝑖𝑚𝑜𝑟-𝐿𝑒𝑠𝑡𝑒. 𝑁𝑖𝑎 ℎ𝑎𝑡𝑒𝑡𝑒𝑛

Aleinde inisiativa sira ne’ebé lidera husi komunidade, Prezidente Ramos-Horta mós ko’alia kona-ba apoiu ne’ebé simu husi kolega internasionál no diplomátiku sira iha Timor-Leste, nune’e mós kontratu ho profisionál médiku rua foin dadaun ne’e hodi fornese kuidadu espesializadu ba populasaun vulneravel sira iha nasaun laran tomak.