SERVISU MUNICIPAL ÁGUA SANEAMENTO E AMBIENTE (SMASA) HETAN FORMASAUN HUSI PARSEIRO HAMETIN DEZEMVOLVIMENTO SUKU NO ADMINISTRASAUN MUNISIPIO (MANATUTO).
Manatuto, 16 de Março 2026.
Servisu Municipal Água Saneamento e Ambiente (SMASA) ninia funsionario sira hetan kapasitasaun liu husi formasaun kona ba Gestaun Rekurso Bee no konservasaun bee. Enkontru refere lideradu husi Diretor Municipal Serviço Municipal Água Saneamento e Ambiente (SMASA) akompanã husi Advisor PARTISIPA.
Partisipa iha enkontru husi Xefe Departamento Planeamento, Xefe Departamento Saneamento, Xefe Departamento Ambiente, Ekipa PARTISIPA, Fasilitador Posto Barique, Laclubar no Laleia, Funsionario iha SMASA nian.
Formasaun ne’e ho objetivu atu kapasita funsionario sira ninia koñesementu bázika ba jestaun rekurso bee no konservasaun bee, hodi garantia ba prezerva bee ne’ebe ho di’ak. Liu husi formasaun nee bele foti alvu importante sira iha risku bee ba prezerva rekurso bee iha futuro. Formasaun refere hala’o durante loron lima inklui halo survey ba areia afetadu no halo simulasaun ba pontu ne’ebe afetadu. Aleinde ida nee iha Simulasaun pratika iha terrenu halo kona ba tipu konservasaun hanesan debu, kuda ai oan, terasese no travasaun.
