𝐀𝐍𝐂.𝐈𝐏 β€“πƒππˆπ‚ π’πŽπ’πˆπ€π‹πˆπ™π€ 𝐏𝐀𝐏𝐄𝐋 𝐀𝐍𝐂 𝐍𝐎 𝐀𝐒𝐔𝐍𝐓𝐔 πˆππ…π‘π€π„π’π“π‘π”π“π”π‘π€ πˆπ‡π€ π’π„π“πŽπ‘ π“π„π‹π„πŠπŽπŒπ”ππˆπŠπ€π’π€π”π Postado em: 13 August 2025

  • InΓ­cio
  • NotΓ­cias
  • 𝐀𝐍𝐂.𝐈𝐏 β€“πƒππˆπ‚ π’πŽπ’πˆπ€π‹πˆπ™π€ 𝐏𝐀𝐏𝐄𝐋 𝐀𝐍𝐂 𝐍𝐎 𝐀𝐒𝐔𝐍𝐓𝐔 πˆππ…π‘π€π„π’π“π‘π”π“π”π‘π€ πˆπ‡π€ π’π„π“πŽπ‘ π“π„π‹π„πŠπŽπŒπ”ππˆπŠπ€π’π€π”π

Manatuto, 12 Agostu 2025 – Representa Prezidente da Autoridade Munisipal de Manatuto Secam Asuntos Sosiais Sr.Natalino Martins Carvalho Partisipa iha sosializasaun Papel ANC no Asuntu Infraestrutura iha Setor Telekomunikasaun, hamutuk ho Autoridade Nacional de Comunicaçáes (ANC.IP) no Diresaun Nasional Infraestrutura no Komunikasaun (DNIK), iha salaun Parokia Manatuto.

Autoridade Nacional de Comunicaçáes (ANC.IP) hanesan instituntu pΓΊbliku ida ne’ebΓ© mak ho personalidade jurΓ­diku, investidu ho autonomia finanseira no administrativa, orsamentu no patrimΓ³niu prΓ³priu, estabelese husi Dekretu-Lei nΓΊ. 15/2012, 28 Marsu kona ba regulasaun setor telekomunikasaun, ho misaun atu ezerse funsaun sira hanesan entidade reguladora setor telekomunikasaun nian, iha atribuisaun, obrigasaun no poder atu regula setor telekomunikasaun iha Timor-Leste liu-liu iha telekomunikasaun, radiukomunikasaun, radiudifuzaun (parte balun) no Internet, no iha biban hanesan, asumi direitu no obrigasaun hodi asegura reprezentasaun Governu Timor-Leste iha organismu no eventu sira nasional, regional no internasional iha setor telekomunikasaun nian.

Objetivu husi sosializasaun ne’e atu partilla informasaun kona ba papel ANC oinsa regula no superviziona servisu operador no asuntu infrastrutura telekomunikasaun iha Timor-Leste, hakbesik programa IX Governu Konstituisional ne’ebΓ© iha relasaun ho servisu MinistΓ©riu Transporte no Komunikasaun, promove partisipasaun pΓΊbliku iha prosesu dezenvolvimentu infrastrutura iha setor telekomunikasaun no hasa’e koΓ±esimentu konsumidores telekomunikasaun liu husi literasi digital nomos fahe informasaun relevante kona ba diretu no obrigasaun konsumidor nian.

Entertantu programa sosializasaun ne’e loke no taka husi Xefi Gabinete MinistΓ©riu Transporte no Komunikasaun Sr. JosΓ© da Costa.

Enkuantu programa ne’e partisipa husi Diretor JerΓ‘l Administrasaun no Finansas Sr. Aniceto Leto Soro, Diretor Ezekutivu TIC Timor Sr. VenΓ’ncio Pinto, Reprezentante Prezidente Autoridade Munisipiu Manatuto, Administrador Postu, Xefi Suku, Estudante, Joventude, PNTL,Reprezentante operador telekomunikasaun Timor Telecom, Telkomcel,Telemor nomos konvidadus seluk.

#MEDIA PAM MANATUTO

© 2025 Administração Município de Manatuto