Manatuto, 17, Juñu 2026 – Estudante Uniaun Laclubar marka audiénsia ho Prezidente Autoridade Munisípiu Manatuto (PAM), Sr.Luis Inacio Henrique Fernandes no akompanha husi Diretor DNTT hodi hato’o Preokupasaun no diskute kona-ba servisu transporte públiku, liuliu ba motorista sira ne’ebé durante ne’e sustenta moris husi atividade tula pasajeiru entre Manatuto–Dili no Manatuto–Laclubar.

Iha enkontru ne’e, parte estudante sira hato’o katak servisu transporte iha Diresaun Manatuto–Laclubar durante ne’e para hela, ne’ebé afeta mobilidade komunidade no rendimento ekonómiku motorista sira. Nune’e mos, audiénsia ne’e sai oportunidade ida atu buka solusaun no promove diálogo entre autoridade relevante sira hodi responde ba nesesidade transporte komunidade nian.

Prezidente Autoridade Munisípiu Manatuto simu Preokupasaun hirak ne’e no reafirma kompromisu atu kontinua koordena ho parte relevante sira hodi buka alternativa ne’ebé bele fasilita asesu transporte no apoiu sustenta vida komunidade.

#MEDIA PAM MANATUTO