𝐇𝐔𝐍𝐀𝐍—𝐒𝐞𝐬𝐭𝐚-𝐅𝐞𝐢𝐫𝐚, 𝟐𝟓 𝐎𝐮𝐭𝐮𝐛𝐫𝐮 𝟐𝟎𝟐𝟒, Governu Repúblika Populár Xina, Liu husi Governadór Provínsia Hunan, entrega Ambulánsia tolu ba Munisípiu Manatuto ne’ebé simu diretamente hosi Sua Eselénsia Ministru Administrasaun Estatál, 𝐓𝐨𝐦𝐚́𝐬 𝐝𝐨 𝐑𝐨𝐬𝐚́𝐫𝐢𝐨 𝐂𝐚𝐛𝐫𝐚𝐥.
Governu Provínsia Hunan entrega ambulánsia ne’e ba Munisípiu Manatuto tuir Governu Hunan nia promesa no kometimentu bainhira vizita Munisípiu Manatuto iha loron 4 to’o 5 fulan Maiu 2024 liubá wainhira komemora tinan-10 amizade entre Munisípiu Manatuto no Provínsia Hunan, hodi ajuda munisípiu haforsa atendimentu Saúde ba populasaun sira iha Munisípiu Manatuto.
Enkuantu, Sua Eselénsia Ministru Administrasaun Estatál, Tomás do Rosário Cabral ho delegasaun, hala’o vizita ofisiál ba Provínsia Hunan, hodi partisipa mós iha “Espozisaun Internasionál Mákina Agríkola 2024”, ne’ebé mak kuaze partisipa husi nasaun 50 resin iha eventu ne’e.
𝐑𝐞𝐦𝐚𝐭𝐚#
𝐌𝐞𝐝𝐢@𝐌𝐚𝐞_𝟐𝟎𝟐𝟒