MANATUTO-17-06-2025

Prezidenti da Autoridade Munisipal Manatuto Sr.Luis inacio Henrique Fernandes Akomapinha Diretor Jerál Institutu Nasionál Administrasaun Públika (INAP), Sr. Policarpo Boavida, nu’udar Koordenadór ba Asistensia Tekniku hodi Mellora Prestasaun Servisu iha Administrasaun Lokál, hamutuk ho ekipa, kontinua presta asisténsia ba Autoridade Munisipal Manatuto iha Salaun Auntoridade Munisipiu Manatuto.

Iha ambitu atividade ba loron daruak nian, partisipa másimu husi PAM, Sekretariu Munisipal, Administrador Postu Administrativu sira, Diretores Servisus Munisipais, Xefe Departamentu no Funsionariu sira, hodi kontinua halo aprezentasaun ba materia kona-ba Toponímia das Organização dos Aglomerados husi tékniku DG-STOU, Sra. Felismina,; Aprezentasaun Prosedementu Implementasaun PNDS husi Diretor PNDS, Sr. Bartolomeu Dias Tilman; Aprezentasaun Timeline Planu Dezenvolvimentu Munisipal husi Tekniku SEDL, Sra. Fidelia; Aprezentasaun Liga Ba Kuadru Pesoal Iha Autoridade Munisipal, Autoridade Administrativa Atauro no RAEOA husi Sr. Mariano, no Remata ho sesaun husu no hatan.

Iha sesaun ida-ne’e iha intervesaun husi Diretor Unidade Aprovizionamentu Desentralizadu Sr. José Ramos Marçal, hodi fahe informasaun jerál kona-bá lala’ok no progresu aprovizionamentu nian, inklui ekipa konjunta aprezenta mós kestionáriu husi Sr. Luis, Chefe Gabinete DG-INAP nian, inklui fahe mós formatu kestionáriu nian ba Diretor Servisu Munisipal sira hodi prienxe tuir perguntas hirak ne’ebé iha ona kestionáriu ne’e rasik.

Iha okaziaun importante ida ne’e, ekipa sei hala’o atividade refere durante loron tolu, hahú husi 16 to’o 18 Juñu, tuir ajenda ne’ebé planeia tiha ona.

#MEDIA PAM MANATUTO