Dili, 25 de Juñu de 2026: Prezidente Autoriedade Munisípiu Manatuto Sr.Luis Inacio Henriques Fernandes ho Espoza hamutuk ho Estrutura sira husi Servisu Autoridade Munisipál Manatuto, Presta Homenagen ba Saudozu Eis Prezidente Repúblika, Eis Prezidente Parlamentu Nasional RDTL Sua Exelençia Dr.Françisco Guterres”LU-OLO” iha Saudozu nia Rezidensia Farol Dili

Ho laran todan, respeitu boot no solidariedade nasional, Prezidente Autoridade Munisípiu Manatuto, Sr. Luis Inacio Henriques Fernandes ho Espoza Hamutuk ho Estrutura Administrativu tomak, hahú husi nivel Munisípiu, Postu Administrativu, Suku, Aldeia no Komunidade tomak iha Munisípiu Manatuto, hato’o sentidu Profunda Kondolénsia ba família Enlutada ba”

SUA EXCELÊNCIA FRANCISCO GUTERRES” “LÚ-OLO”

Eis Prezidente Repúblika Demokrátika Timor-Leste Eis Prezidente Parlamentu Nasional RDTL no Prezidente FRETILIN

S.E. Francisco Guterres “Lú-Olo” mak lider nasionál ida ne’ebé dedika nia moris ba luta libertasaun, harii Estadu, hametin demokrasia no serve povu Timor-Leste ho kompromisu, coragem no humildade.

Nia hakotu iis mak lakon bo’ot ba família, ba FRETILIN, ba povu Timor-Leste no ba nasaun tomak. Maibé nia obra, sakrifísiu no valór sira sei hela nafatin hanesan memória nasionál no inspirasaun ba jerasaun ohin no futuru.

Iha tempu tristeza ne’e, povu Manatuto hamutuk ho Autoridade Munisípiu Manatuto hato’o solidariedade kle’an ba família enlutada, ba estrutura FRETILIN, ba lideransa nasionál no ba povu Timor-Leste tomak.

Ami harohan atu Maromak simu nia klamar iha dame, fó kbiit ba família no fó matenek ba ita hotu atu kontinua lori ba oin valór unidade, liberdade, demokrasia no servisu ba bem komún ne’ebé nia husik ba nasaun.

Deskansa iha dame, Sua Excelência Francisco Guterres “Lú-Olo”.

Memória no kontribuisaun boot sei moris nafatin iha fuan povu Timor-Leste.

#DiliFarol

#Saudozu_Françisco_Guterres_Luolo

#MEDIA PAM MANATUTO