Manatuto—03-07-2025–Prezidenti da Autoridade Munisipal de Manatuto Sr. Luis Inacio Henrique Fernandes Partisipa Enkontru Avaliasaun ba Progresu no Obstakulu sira husi Implementasaun Planu Asaun Nasional Ba Ema Ho Defisiensia (PAN-EHD),iha Salaun Ulfa Inkero Quinta-Feira Semana Ne’e

Ministra Solidariedade Sosiál no Inkluzaun, Verónica das Dores, parabeniza Embaixadóres husi liñas ministeriais sanulu resin ida (11), tanba atinji progresu ne’ebé di’ak tebes iha implementasaun Planu Asaun Nasionál ba Ema ho Defisiénsia (PAN-EhD) periodu fulan neen husi Janeiru to’o Juñu 2025.

“Parabens ba Embaixadóres husi liñas ministeriais sira hotu, tanba iha durante fulan neen nia laran, atinji progresu ne’ebé di’ak tebes iha implementasaun PAN. Maibé aproveita biban ida-ne’e, ha’u mós hakarak enkoraza Embaixadór sira husi liñas ministeriais, atu kontinua tau prioridade ba planu asaun sira hodi atinji objetivu ne’ebé ita hotu hakarak atu atinji iha fulan neen oin mai”, dehan Ministra antes abertura sorumutuk avaliasaun implementasaun PAN-EhD, iha Postu Administrativu Manatuto Vila, Munisípiu Manatuto.

Iha oportunidade ida-ne’e, Ministra mós kongratula Ministériu Finansas no Ministériu Administrasaun Estatal, ne’ebé foin hola parte hanesan liñas ministeriais ba implementasaun PAN-EhD.

Sorumutuk avaliasaun ne’e abertura husi Ministra MSSI no ensera husi Vise-Ministra MSSI, Céu Brites iha tempu lorokraik.

#MEDIA PAM MANATUTO