𝐌𝐀𝐍𝐀𝐓𝐔𝐓𝐎,𝟐𝟕 𝐅𝐞𝐯𝐞𝐫𝐞𝐢𝐫𝐮 de 𝟐𝟎𝟐𝟔

Serimónia ne’e lidera husi Sua Exelénsia Primeiru-Ministru, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨, no akompaña husi Ministru Administrasaun Estatál, 𝐓𝐨𝐦𝐚́𝐬 𝐝𝐨 𝐑𝐨𝐬𝐚́𝐫𝐢𝐨 𝐂𝐚𝐛𝐫𝐚𝐥, Prezidente da Autoridade Munisipal de Manatuto Sr.Luis Inacio Henrique Fernandes hamutuk ho membru Governu, Deputadu, Amu Paróku, Estrutura Munisipiu Manatuto, Líder Komunitáriu, Veteranus,PNTL no komunidade sira.

Serimónia ne’e akontese durante vizita ofisiál Primeiru-Ministru ho komitiva ba Manatuto hodi haree besik servisu munisipál Manatuto husi rezultadu “Avalisaun Kondisaun Mínima” molok avansa bá eleisaun poder lokál ne’ebé sei akontese iha 2027.

Iha intervensaun, Sua Exelénsia Ministru Tomás do Rosário Cabral informa katak projetu edifísiu Asembleia Munisípiu Manatuto dezeña nu’udar protótipu nasionál ba munisípiu hotu-hotu iha Timor-Leste.

“Projetu ida ne’e sai hanesan modelu ida ba munisípiu ida-idak. Ami agradese ba Ministru Planeamentu no Investimentu Estratéjiku ne’ebé aprova ona inisiativa ida ne’e.Konstrusaun iha Manatuto sei sai hanesan referénsia no prototipu ida ne’ebé sei habelar ba munisípiu sira seluk”. Ministru afirma.

Iha biban ne’e, Primeiru-Ministru halo mós inaugurasaun ba Eskola Ensinu Báziku (EBF) ne’ebé foin harii, hamutuk ho dapur no aula merenda eskolár suku Haturalan, Postu Administrativu Laleia, Munisípiu Manatuto. Fasilidade sira ne’e hetan finansiamentu liuhosi Programa Nasionál ba Dezenvolvimentu Suku (PNDS).

#MEDIA PAM MANATUTO

#Foto Media MAE