Exelénsia Prezidente Autoridade Munisipál Manatuto Sr.Luis Inacio Henrique Fernandes, akompaña husi Sekretáriu Munisipál na’in 3, Diretóres Servisus Munisipais, Partisipa iha reuniaun Konsellu Kordenasaun Territorial mak enkontru ofisial ne’ebé hala’o husi Ministeriu Administrasaun Estatal (𝐌𝐀𝐄) ho Autoridade Administrativa territorial ho varios entidades atu diskute asuntu importante kona-ba dezenvolvimentu no administrasaun lokal.

Reuniaun KKT ne’e abertura husi Sua Exelénsia Primeiru Ministru RDTL, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨, akompaña husi Exelénsia Ministru Administrasaun Estatál, 𝐃𝐫. 𝐓𝐨𝐦á𝐬 𝐝𝐨 𝐑𝐨𝐬á𝐫𝐢𝐨 𝐂𝐚𝐛𝐫𝐚𝐥, ho membru governu sira seluk ne’ebé marka prezensa.

Molok tama ba aprezentasaun iha intervensaun Sua Exelénsia Primeiru Ministru RDTL, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨, husu Autoridade Munisipais ho nia estrutura tomak hakbesik-an ba komunidade sira hodi lori programa governu nian tun to’o báze. Liuhusi dezenvolvimentu infreastrutura sira mak bele fó benefisiu ba komunidade sira.

Objetivu husi Konsellu Kordenasaun Territorial (KKT) mak atu sai hanesan fórum Konsultasaun no Koordenasaun entre Governu Sentral, Autoridade Munisipál no estrutura lokal sira, hodi asegura Planeamentu no Dezenvolvimentu Territóriu lao ho di’ak no responde ba nesesidade komunidade nian. Nune’e, reuniaun KKT importante atu garante prosesu governasaun lokal ne’ebé partisipativu, transparente no responde ba nesesidade komunidade nian.

Partisipa iha reuniaun Konsellu Kordensaun Teritorial mak Prezidente Autoridade Munisipáis, Prezidente Autoridade Administrativa Ataúro, Autoridade Reijuan Administrativa Oe-Cusse Ambeno, Sekreatáriu Munisípais Diretóres Servisu Munisipais inklui tékniku sira.

#MEDIA PAM MANATUTO