Manatuto, 16-06-2026-– Secretária Municipal dos Asuntus Planeamentu, Investimentu no Dezenvolvimentu Integradu (PIDI), Sra. Domingas Gilpia, Abertura Aktividade sosializasaun kona-ba implementasaun rejime jurídiku sertifikasaun no inskrisaun empresa konstrusaun sivíl no konsultura téknika sivíl husi Ministério Obras Publiku iha Munisípiu Manatuto.

Iha aprezentasaun ne’e, partisipante sira simu informasaun kona-ba implementasaun Dekretu-Lei Nú. 27/2010, loron 22 Dezembru, ne’ebé altera hosi Dekretu-Lei Nú. 17/2021, loron 22 Setembru, kona-ba rejime jurídiku sertifikasaun no inskrisaun empresa konstrusaun sivíl no konsultura téknika sivíl.

Sesaun ne’e mos aborda objetivu sertifikasaun no inskrisaun empresa konstrusaun sivíl no konsultura téknika sivíl, inklui klasifikasaun empresa sira iha nivel nasionál, alinhamentu ho Dekretu-Lei Nú. 1/2025 kona-ba Kódigu Aprovisionamentu no Kontratu Públiku, no Dekretu-Lei Nú. 9/2022 kona-ba Rejime Jurídiku Edifikasaun no Urbanizasaun.

Atividade ne’e realiza atu hasa’e koñesimentu no kompreensaun ba empreza sira no parte interesada sira kona-ba regulamentu ne’ebé vigora iha setor konstrusaun sivíl, hodi garante kumprimentu ba padraun legais no promove dezenvolvimentu sustentável iha setor refere.

Aktvidade Sosializasaun ne’e Hetan Partisipasaun masimu husi Diretor Companhia sira Iha Munisipiu Manatuto.

#MEDIA PAM MANATUTO