𝗠𝗮𝗻𝗮𝘁𝘂𝘁𝗼, 𝗞𝗶𝗻𝘁𝗮-𝗳𝗲𝗶𝗿𝗮, 𝟭𝟯 𝗡𝗼𝘃𝗲𝗺𝗯𝗿𝘂 𝟮𝟬𝟮𝟱

Ekipa Prezidensial da Repúblika, ne’ebé lidera husi 𝗦𝗿𝗮. 𝗩𝗶𝗲𝗶𝗿𝗮𝘀 𝗣𝘂𝗝𝗮 𝗠𝘂𝗹𝗶𝗮 nu’udar tékniku Profissionál ofisialmente distribui material sira relasiona kompetisaun Arte Públika nian ba Autoridade Munisípiu Manatuto ne’ebé tema sentral “𝗣𝗿𝗼𝗺𝗼𝘃𝗲 𝗨𝗻𝗶𝗱𝗮𝗱𝗲, 𝗔𝗺𝗶𝘇𝗮𝗱𝗲 𝗻𝗼 𝗞𝗼𝗹𝗮𝗯𝗼𝗿𝗮𝘀𝗮𝘂𝗻 𝗶𝗵𝗮 𝗩𝗮𝗹𝗼𝗿 𝗙𝘂𝗻𝗱𝗮𝗱ó𝗿 𝗔𝗦𝗘𝗔𝗡” ho objetivu atu promove Dame no Unidade, ne’ebé envolve husi Artista no Pintor sira iha kada Munisípiu espesial iha Munisípiu Manatuto, hodi haburas sidadania hafurak espasu publiku iha kada Munisípiu no hametin parseria.

Iha intervensaun, Reprezentante Prezidente Autoridade Munisipál Manatuto Sekretáriu Munisipál Asuntos Sosiais Sr.Natalino Martins Carvalho enkoraja ba joven foin sa’e sira ne’ebe naran selesionadu atu tuir eventu Kompetisaun Pintor Públiku ida ne’e, nune’e atu tuir Kompetisaun ida ne’e tenke ho responsabilidade ba Pintura ne’ebé sei dezena.

Ho ida ne’e, Autoridade Munisipál Manatuto nafatin apoiu ba kualker atividade husi nasional, Ajensia no Parseiru dezenvolvimentu sira seluk inklui NGO lokal, Nasional no Internasional sira bainhira iha benefisiu ba Povu.

Tamba ida ne’e, ekipa sira husi Prezidensial da Repúblika mai iha Autoridade Munisipál Manatuto ho objetivu atu distribui materiais ba artista sira simbolikamente liu husi Autoridade Munisipal Manatuto no Pontu Fokal SEAK husi Munisípiu Manatuto.

Programa ne’ebé Prezidensial hala’o ne’e kona-ba Arte Públika ne’ebé envolvimentu husi Komunidade no Artista Pintor Lokál liu husi konkursu nasional ida hodi kria obra iha espasu publiku kada Munisípiu la inklui RAEOA, tamba limitasaun Orsamentu.

Aleinde Ekipa Prezidensial da Republika distribuisaun materiais ba Autoridade Munisipál mak hanesan Tinta hamutuk 5 kompostu husi tinta dasar Balde Bot ida, tinta Kor 5 mak hanesan Tinta Kor Mean, Kinur, Azul no Metan inklui koas rol no Koas Pinsel.

Programa Arte Públika refere finansial husi Prezidensial da Republika no apoiu Instituisionál no Koordenasaun husi Sekretáriu Estadu Arte no Kultura (SEAK).

#MEDIA PAM MANATUTO