Orador ba materia rua ne’e maka Ministru Asuntu Kombatentes Libertasaun Nasional, Gil da Costa Monteiro Oan Soru no Prezidente KFP, Agostinho Letêncio de Deus.

Prezidente KFP, Agostinho Letêncio de Deus ko’alia kona-ba etika profisionál servidór Estadu iha ámbitu serbí povu no nasaun” hateten topiku ne’e relevante ba 4 mandatu komisaun Funsaun Públika oras ne’e iha hela prosesu reforma Administrasaun Públika no Funsaun Públika, atu fó susesu ba servisu administrasaun pblika no funsaun públika iha futuru presiza transforma mentalidade funsionariu sira tenki banati tuir valor etika, disiplina, sistema servisu administrasaun iha tempu rezisténsia ne’ebé laiha kondisaun maibé, konsege konkista Timor-Leste nian Independensia. Tanba ne’e iha faze dezenvolvimentu funsionariu no servidor Estadu hotu atu halo reflesaun ba istoria pasadu administrasaun nian atu kuda metin valor etika, disiplina liu husi muda mentalidade ema nian ba serbí ho komimentu aás, kualidade ba prestasaun servisu ida ne’ebé efisiente, efikasia no dever prinsipal ba halo atendimentu públiku ho oin midar.

Entretantu, Ministru Asuntu Kombatentes Libertasaun Nasional, Gil da Costa Monteiro Oan Soru husu funsionariu sira halo reflesaun hodi hateke ba sistema administrasaun tempu pasadu hodi hametin espiritu unidade nasional, sentidu pertense, etika profesional iha atendimentu no kompromisu aás servisu hamutuk ba povu no nasaun Timor-Leste nian di’ak iha futuru mai.

Iha Fatin Hanesan Presidente Autoridade Munisípal Manatuto Sr.Luis Inacio Henrique Fernandes Hato’o onra boot ba ita bele Simu Sua Exelensia Ministro dos Asuntos Combatentes da Libertacao Nasional, No Presidente Comisaun Funsaun Publiku CFP, Mai halo Seminario Ida Ne’e hodi Partilha Informasoes Konaba Tema Hametin Espirito Nasionalismo no Patriotismo,Iha Ambitu Selebrasaun Aniversario 10 ano Komisaun Funsaun Publiku nian.

Semináriu regional ne’ebé hala’o iha salaun parokia Manatuto iha ambitu komemorasaun Loron Nasional Funsaun Públika ba dala 10 t ho Tema “Hametin Unidade Nasional, Tane Ás Étika Profesionalizmu hodi Serbí Povu no Nasaun” konta ho partisipasaun Prezidente Autoridade Munisipal Manatuto, Luis Inacio Henrique Fernandes, Administrador Postu, Funsionariu husi liñas Ministerias, komandante Polisia Manatuto, Komisario Komisaun Funsaun Públika no mós Prezidente Konsellu Nasional Veteranus, Vidal de Jesus Reak Leman hamutuk nia comisario balun kuaze ema hamutuk nain 162.

Semináriu regional ne’e abertura no ensera husi Ministru MACLN akompaña husi Prezidente KFP no Prezidente Autoridade Munisipal Manatuto.