Manatutu 9 Maiu 2025- Prezidenti da Autoridade Munisipal de Manatuto Sr.Luis Inacio Henrique Fernandes, Akomapinha Sua Exélensia, Ministru Administrasaun Estatal, Tomas do Rosário Cabral hamutuk S.E. Ministra Edukasaun, Dulce de Jesus Soares no S.E. Sekretáriu Estadu Formasaun Profisionál no Empregu, Rogério Araújo Mendonça, hala’o inaugurasaun ba edifisiu foun Sekretária Estadu Formasaun Profisionál no Empregu (SEFOPE) iha suku Aiteas, Postu Administrativu Manatuto Villa, Munisipiu Manatuto.
Iha intervensaun, Ministru MAE, hateten, SEFOPE konstrui fatin ne’e atu halo formasaun no atu prepara ema, SEFOPE hanesan instrumentu ida atu prepara kondisaun hodi responde nesesidade ne’ebé iha “Iha Dekretu 84 dehan katak tenke fó asistensia tékniku mai kraik, fatin ne’e vantagem ida ba povu manatuto no autoridade sira iha Manatuto, bele prienxe ba kritéria avaliasaun no kondisaun minimu. Avaliasaun kondisaun minimu, iha tinan 2024 Ha’u entrega ona ba PAM hotu-hotu servisus munisipais-19 no servisu autonomu mai iha kraik”.
Sekretáriu Estadu Formasaun Profisionál no Empregu, informa, edifisiu foun ne’e, sei haluan tan iha tinan oin, hodi fornese programa formasaun profisionál oioin, hodi fasilita partisipante sira atu asesu no hetan benefísiu hosi servisu sira, inklui oportunidade sira atu serbisu iha rai-li’ur.
Iha biban ne’e, distribui mós sertifikadu ba formandu sira ne’ebé tuir ona formasaun durante fulan 3, atu nune’e hasa’e sira-nia abilidade hodi ba servisu iha rai liur.
Entretantu, iha serimónia inaugurasaun ne’e partisipa mós hosi Xefi Gabineti MAE, Sr. Benigno H. da Cruz, Prezidente Autoridade Munispal Manatuto, Luis Inácio Henrique Fernandes, Diretor/a Jéral MAE, Diretor/a Nasionál MAE, Diretor Servisu Munisipal Manatuto, Veteranus, Komandante PNTL Munisípiu Manatuto, Xefe Suku no Formadu sira.
#MEDIA PAM MANATUTO
