Prezidente da Autoridade Munisípal de Manatuto Sr.Luis Inacio Henrique Fernandes hamutuk ho Diretor Edukasaun Munisípal Manatuto akompaña Prezidente Repúblika, J. Ramos-Horta no Embaixadór Japaun Tetsuya Kimura prezide serimónia inaugurasaun edifísiu Eskola EBC Nossa Senhora Aitara, Soibada. Eventu ne’ebé organiza husi ONG lokál Fundasaun Leobalu halibur ofisiál lokál sira inklui Autoridade Munisípiu hamutuk ho profesór, estudante no inan-aman sira husi eskola refere.

Projetu ne’e finansia liu husi Japaun nia eskema Projetu Baze no Seguransa Umanu (GGP) ho kontribuisaun USD $92,590. Fasilidade ne’ebé foin harii ne’e iha sala tolu no sala profesór ida, ne’ebé fornese fasilidade edukasionál ne’ebé hadi’a ona ba estudante na’in 102 no profesór na’in 13 iha Eskola Nossa Senhora Aitara.

Iha serimónia ne’e, Embaixadór Kimura hato’o ninia ksolok hodi selebra inaugurasaun ne’e hamutuk ho Prezidente Ramos-Horta no komunidade. Nia iha esperansa katak “eskola ida-ne’e sei sai fatin ba mehi no aspirasaun sira ba estudante sira, hodi fó oportunidade ba sira atu foti sira-nia pasu dahuluk sira ba sira-nia futuru ne’ebé nabilan,” no subliña kompromisu Japaun nian ba parseria kontinua ho komunidade.

Projetu ida-ne’e marka implementasaun ba dala 141 tuir eskema GGP Japaun nian iha Timor-Leste dezde ninia inísiu iha tinan 2000. Programa ne’e apoia ona dezenvolvimentu infraestrutura komunitária iha munisípiu 13 hotu-hotu iha Timor-Leste, inklui konstrusaun no reabilitasaun ba fasilidade eskola nian, postu saúde sira, no sistema fornesimentu bee-moos hodi hatán ba nesesidade báziku oioin umanu nian iha baze.

Prezidente da Autoridade Munisípal de Manatuto Sr.Luis Inacio Henrique Fernandes Lori Povu Manatuto nia naran hakarak hato’o Agradese wain ba Governo Jepaun liu husi nia Representante iha Timor-Leste ne’ebe mak Apoiu ona Timor-Leste iha Setor Edukasaun, Saude, Agrikultura no husu nafatin atu Apoiu ida ne’e atu kontinua nafatin iha Futuru.Tenik PAM