𝐄𝐒𝐓𝐔𝐃𝐎 𝐂𝐎𝐌𝐏𝐀𝐑𝐀𝐓𝐈𝐕𝐎 “𝐁𝐎𝐀𝐒 𝐏𝐑𝐀́𝐓𝐈𝐂𝐀𝐒 𝐄𝐍𝐓𝐑𝐄 𝐏𝐎𝐒𝐓𝐎 𝐀𝐃𝐌𝐈𝐍𝐈𝐒𝐓𝐑𝐀𝐓𝐈𝐕𝐎

Bazartete, 22 Julho 2026, Ministério Administração Estatal(MAE) Liu husi Direção Geral de Simplificação Modernização da Administração Local no Direção Geral Desentralização Governo Local Ohin Realiza Aktividade Estudo Comparativo ida ho tema Boas Práticas entre Nivel Posto Administrativo iha Salão Posto Administrativo Bazartete Munisipio Liquiça.

Objetivo husi Aktividade ne’e maka sai nudar parte ida hodi halo lina kordenasaun entre Posto Administrativo hodi hare direita serviço Administração nian nudar extensaun Servisu Autoridade Munisipal mai iha Postu sira liga ho Implementasaun Orsamental, Monitorizasaun no rekolha dadus sira no servisu Administração nia ho komunidade sira iha Baze.

Aktividade ne’e hetan Partisipasaun Husi Sua Exelencia Ministro Administração Estatal, Director Geral Sira, Director Nasional, Ekipa Ministério Nian rasik.

Estudo Comparativo ne’e nudar fase premeiro ba Administrador nain 35 no sei iha mos fase segundo nian tuir plano Ministerio nian. Aktividade ne’e halao durante loron tomak ida.

#MediaOfficerPASoibada

Manatuto, 16 Jullu 2026 – Autoridade Munisipal Manatuto realiza Enkontru Conselho Consultivo Munisipal (CCM) Extraordináriu ho objetivu atu aprezenta no halo diskusaun kona-ba Planu Asaun Anual (PAA) tinan 2027.

Enkontru ne’e lidera husi Prezidente Autoridade Munisipal Manatuto no partisipa husi membru Conselho Consultivo Munisipal, reprezentante instituisaun governamentál relevante sira, autoridade lokal no parte interesada sira seluk.

Durante enkontru ne’e, ekipa tékniku aprezenta prioridade sira iha Planu Asaun Anual 2027, ne’ebé inklui programa no atividade sira atu responde ba nesesidade komunidade no suporta dezenvolvimentu munisipiu iha setor oioin.

Iha oportunidade hanesan, Autoridade Munisipal Manatuto mos Fo Tomada de Posse ba membru foun Conselho Consultivo Munisipal (CCM) hamutuk ema nain 8. Membru foun sira ne’e mai husi reprezentante juventude, reprezentante feto, reprezentante Conselho dos Katuas Lider Komunitáriu (CM-CLN), reprezentante organizasaun relijioza no reprezentante partidu polítiku sira.

Tomada de Posse ne’e marka hahú mandatu membru foun sira atu partisipa ativamente iha prosesu konsultasaun, fó kontribuisaun no rekomendasaun ba planeamentu no dezenvolvimentu Munisipiu Manatuto, tuir knaar no kompeténsia Conselho Consultivo Munisipal nian.

#MEDIA PAM MANATUTO

Soibada, 10 de Julho 2026, Donna Tamarra ho Ekipa durante kria Amizade diak ho Komunidade Soibada (Frindship of Soibada) durasaun tempo naruk ohin halo visita Offisial mai iha Edifício Posto Administrativu.

Objetivo husi Visita ne’e hodi hametin liu tan relasaun amizade ho Autoridade Local sira no Apresenta mos sira nia plano no Aktividade balun ne’e sei halo hanesan Area Edukasaun, Saúde, Agricultura, no seluk tan durante visita iha Postu Administrativo Soibada.

Durante visita simu direita husi Administradora Postu Ho Funsionário sira iha Posto Soibada.Portanto iha visita ne’e Simu ho entusiamo tebes hodi rona no hato’o mos Observasaun, Plano no sugestões ruma liga ho Programa Donna Tamarra ho ekipa nudar Frindship OF Soibada Durante ne’e.

#MediaOfficerPASoibada

Soibada, 10 Julho 2026 Servisu Munisipal Secretarido Tecníco de Administração Eleitoral Munisipio Manatuto ohin Halo encontro ho Autoridade Local iha Salão Administração Posto Administrativo Soibada.

Objetivo husi Encontro ne’e hodi halo levantamento ba Centru Votasaun no Deskute no ba Preparativos Eleisaun Presidêncial ne’ebe sei akontese iha Tinan 2027 iha Territorio Nasional.

Iha Encontro ne’e Director STAE Munisipal Sr.Mariano Natalino S.da Silva hamutuk ho Director CNE Munisipal Sr.Juvito da Costa Carion ho Ekipa sira, no Encontro ne’e abertura no Encera husi Administradora Postu Administrativo Soibada Sra.Terezinha da Costa Moniz.

Partisipa iha Encontro ne’e Autoridade Local, Xefe Suku Sira, Inspector da Escola, Komandante PNTL Esquadra Soibada, Xefe Servisu Local no Ekipa Tekniku Sira hotu.

#MediaOfficerPASoibada

Manatuto – 6 de Julhu 2026, Prezidente da Autoridade Munisipal (PAM) Sr.Luis Inacio Henriques Fernandes ho ekipa tun direta ba terenu hodi observa no avalia situasaun depois de insidente ne’ebé akontese iha kalan iha Seurtulan, Suku Orlalan Postu Administrativu Laclubar, tamba mosu dezintedimentu entre Komunidade suku Fatumakerek no Orlalan ne’ebé afeta komunidade balun halo estragus ba uma residente sira.

Vizita ne’e nia objetivu atu haree diretamente impaktu husi akontesimentu, nune’e koordena ho autoridade relevante sira hodi identifica nesesidade urjente hodi fó resposta apropriada ba família afetada sira.

Iha tempu hanesan, Komandu PNTL Munisípiu Manatuto halo asaun lalais hodi evakua no asegura suspeitu sira ne’ebé presuntamente envolve iha insidente refere, atu fasilita prosesu investigasaun tuir lei no garante ordem no seguransa públika.

Durante vizita ne’e, PAM Manatuto mos hato’o apoiu emerjénsia ba família afetada sira no reafirma katak Autoridade Munisipal sei kontinua serbisu hamutuk ho instituisaun kompetente sira hodi asegura resposta lalais, apoiu umanitáriu no kontribui ba estabilidade no seguransa iha área refere.

Autoridade Munisipal apela ba komunidade atu mantein kalma, respeita prosesu legal ne’ebé lao hela no halo koperasaun diak ho autoridade kompetente sira durante Processu investigasaun.

Autoridade Munisipal Manatuto kontinua halo avaliasaun no koordena ho instituisaun relevante sira hodi fó apoiu emerjénsia ba família afetada sira no identifica nesesidade prioritária iha área refere.

Tuir dadus ne’ebe Autoridade Munisipiu Manatuto hetan husi observasaun iha terenu, insidente ne’e afeta uma kain hamutuk 11, kompostu husi uma kain 7 ne’ebé hetan estragus todan no uma kain 4 ne’ebé hetan estragus kmaan.

#MEDIA PAM MANATUTO

Manatuto – 02-07-2026–Secretária Munisipal ba Asuntu Planeamentu, Investimentu no Dezenvolvimentu Integradu (SECAM PIDI), Sra. Domingas Gilpia, ofisialmente loke programa lansamentu Sistema Digitalizasaun Livru Reklamasaun Konsumidor iha Autoridade Munisípiu Manatuto.

Programa ida-ne’e objetiva atu hadi’a transparénsia, efisiénsia no asesu ba mekanizmu hodi simu no jere reklamasaun husi konsumidor sira, liuhusi utilizasaun sistema dijitál ne’ebé bele fasilita prosesu atendimentu no monitorizasaun ba reklamasaun sira.

Reprezentante husi Direção Nacional Regulasaun Komersiál no Proteksaun Konsumidor, ne’ebé tutela husi Ministériu Komérsiu no Indústria, esplika katak objetivu husi implementasaun Sistema Eletróniku no Livru Reklamasaun Konsumidor mak atu fasilita sidadaun sira hato’o reklamasaun bainhira hetan problema iha atividade komersiál.

Tuir nia hateten, sistema ida-ne’e permite konsumidor sira hato’o reklamasaun karik sira hetan tratamentu ne’ebé la justo, hanesan presu sasán ne’ebé aas liu husi determinasaun, pesajen ka medisaun ne’ebé la loos, ka violasaun seluk ne’ebé prejudika konsumidor.

Nia hateten tan katak antes ne’e, ema barak hetan problema hanesan ne’e, maibé la hatene atu hato’o reklamasaun ba autoridade ne’ebé kompetente. Tanba ne’e, Ministériu Komérsiu no Indústria, liuhusi Direção Nacional Regulasaun Komersiál no Proteksaun Konsumidor, dezenvolve Sistema Eletróniku no Livru Reklamasaun Konsumidor atu sai mekanizmu ida ne’ebé simples, asesível no efisiente, hodi fasilita komunidade sira hato’o sira-nia reklamasaun no bele hetan akompanhamentu husi autoridade kompetente.

Secretária Planeamento Investimento Desenvolvimento Integrado(PIDI) iha nia Intervensaun katak Programa Ida ne Diak Tebes tamba bele tulun Komunidade sira liu husi Kompras Sasan sira iha Loja,tamba durante ne’e Supermercado sira Ladun tau atensau ba Presu no limitasuan Prazu,tamba ne’e ho Sosializasaun Ida ne Kosumidores sira bele komprende diak liu Tan.

Partisipa iha atividade ne’e mak, Diretor MTCI ,Diretor SERVE.IP, estudante no profesor sira husi instituisaun edukasaun sira iha Munisípiu Manatuto, ne’ebé hetan oportunidade atu rona esplika kona-ba importánsia direitu konsumidor, papel sidadaun sira iha, hato’o reklamasaun, no benefísiu husi implementasaun sistema dijitál ida-ne’e.

#MEDIA PAM MANATUTO

𝐌𝐚𝐧𝐚𝐭𝐮𝐭𝐨, 𝟎𝟐 𝐉𝐮𝐥𝐥𝐮 𝟐𝟎𝟐𝟔 – Presidente Autoridade Munisipiu Manatuto Sr. Luís Inacio Henriques Fernandes hamutuk ho , Eselénsia Sekretariu Estadu Kooperativas Eng. Arsénio Pereira da Silva, M.Agr nebé Akompaña husi Chefe Gabinete Sra. Francisca L. Araújo Simith, Asesor Tekniku Estanislau Claudio Ximenes, Secam Asuntos Sosiais ho Grupo Juventude Kreativu ba Futuru (JKF) Koilleta Bafo Kayrala no Modo Mostarda iha Area Base Cam Osuariu oin, Suku Aiteas, Munisipiu Manatuto.

Iha aktividade Lansamentu Koilleta Bafo Kayrala no Modo Mostarda ne’e, Sekretariu Estadu Kooperativas (SEKoop) Eng. Arsénio Pereira da Silva, M.Agr iha Ninia diskursu Hato’o katak Nia Sente hakfodak oituan tanba fatin nebé agora sira Koilleta ne’e desde uluk kedan abandona, maibe Jovens sira husi Grupu JKF konsege halibur malu no hala’o aktividades iha Fatin refere ho Kuda BAFO KAYRALA, Modo Mostarda, Aidila no Hakiak animal.

Alende ne’e SEKoop mós hatudu rezultado husi produto BAFO KAYRALA nebé produs husi Grupu Kooperativas nebé husi Timor oan rasik ho ninia alkohol 40%. No SEKoop mós iha parseria ho Kompaña HEINEKEN hodi bele produs tua husi BAFO KAYRALA Tamba ne’e iha tempu besik mai sei hala’o Lansamentu. Tamba ne’e mak SEKoop motiva Nafatin ba Grupo sira atu kontinua Nafatin Kuda BAFO KAYRALA.

Aktividades Lansamentu ne’e hetan partisipasaun husi Autoridades lokal, Reprezentante Komando Polisia Munisipiu Manatuto, Funsionáriu SEKoop nebé destaka iha Munisipiu Manatuto.

#Média PAM Manatuto

Manatuto, 1 Jullu 2026 – Prezidente Autoridade Munisipal Manatuto Sr.Luis Inacio Henriques Fernandes, Akompanha Husi Sekretario Asuntos Sosiais Sr. Natalino Martins Carvalho ,Diretor Fiskalizasaun,Diretor Finansas, Xefi Dep.Finansas, Responsável merenda Eskolar Munisipiu Manatuto, ohin tun diretamente ba terenu hodi halo observasaun no monitorizasaun ba kondisaun implementasaun programa Merenda Eskolar iha eskola balun iha munisípiu Manatuto.

Vizita ida-ne’e hala’o tuir informasaun ne’ebé publika iha media sosial iha loron hirak liubá, ne’ebé dehan katak estudante sira la simu merenda eskolar durante loron 22. Atu garante katak informasaun ne’ebé sai ba públiku loos no bazeia ba dadus reais, Prezidente Autoridade Munisipal Sr.Luis Inacio Henriques Fernandes deside atu tun rasik ba fatin hodi halo verifikasaun direta.

Rezultadu verifikasaun mos hatudu katak iha Eskola hasoru deit atrazu iha implementasaun programa merenda eskolar, tamba mudansa ba iha forneseedor foun no prosesu administrativu balun. Maibé, situasaun ne’e la signifika katak estudante hotu-hotu la simu merenda eskolar durante loron 22 hanesan alegasaun ne’ebé publika iha media.

Prezidente Autoridade Munisipal reafirma katak Governu Munisipál sei kontinua halo akompanhamentu no monitorizasaun regular atu garante programa Merenda Eskolar lao ho di’ak, transparente no fó benefísiu ba estudante sira hotu.

PAM Manatuto apela ba públiku atu sempre uza informasaun ne’ebé konfirmadu no fonte ofisiál sira molok fahe ba ema seluk, atu evita interpretasaun sala no informasaun ne’ebé bele kria preocupasaun iha sosiedade.

#MEDIA PAM MANATUTO

Manatuto-30,Junhu,2026-Exelénsia Prezidente Autoridade Munisipál Manatuto Sr.Luis Inacio Henrique Fernandes nu’udar Prezedente Konsellu koordensaun Munisipál (𝐂𝐂𝐌 , 𝐒𝐢𝐠𝐥𝐚 𝐏𝐨𝐫𝐭𝐮𝐠𝐞𝐬) lidera enkontru ordinariu ho Membru Konsellu Koordenasaun Munisipal, iha Salaun Autoridade Munisípiu Manatuto

Membru Konsellu Koordenasaun Munisipál kompostu husi Sekretáriu Munisipál na’in 3, Administradór Postu Administrativu na’in 6 Diretóres Servisu Munisipais, Diretores Delegasaun Territoriál inklui Autoridade Komunitária balun.

#MEDIA PAM MANATUTO

Manatuto, 2026 – Prezidente Autoridade Munisípiu Manatuto (PAM) Sr.Luis Inacio Henrique Fernandes Akompanha Prezidente Funsaun Publiku Representa Comisario Funsaun Publika,ofisialmente loke programa diseminasaun kona-ba leis, dekretu-lei no prosedimentu sira ba Kargo Cefia sira iha Salaun PNDS Munisipiu Manatuto Programa ne’e objetivu atu hasa’e koñesimentu partisipante sira kona-ba enquadramentu legal no prosedimentu administrativu hodi asegura profesionalizmu, efisiénsia no efikásia iha prestasaun servisu públiku, no Desiminasaun ne’e sei halao durante loron 5(Lima)

Atividade ne’e involve xefe sira husi instituisaun relevante hanesan KFP, IGE, MAE, MF, SEI, INSS, KRAM no CNC, hodi hametin koordinasaun no implementasaun servisu públiku ne’ebé transparente, responsável no tuir lei.

#MEDIA PAM MANATUTO