𝐏𝐀𝐌 𝐌𝐀𝐍𝐀𝐓𝐔𝐓𝐎 𝐀𝐊𝐎𝐌𝐏𝐀𝐍𝐇𝐀 𝐒𝐄𝐏 𝐌𝐀𝐔-𝐂𝐀𝐑𝐎 𝐋𝐀𝐍𝐒𝐀 𝐀𝐓𝐈𝐕𝐈𝐃𝐀𝐃𝐄 𝐓𝐀𝐑𝐀 𝐁𝐀𝐍𝐃𝐔 𝐓𝐀𝐒𝐈 𝐈𝐇𝐀 𝐁𝐄𝐇𝐄𝐃𝐀𝐍

𝐌𝐀𝐍𝐀𝐓𝐔𝐓𝐎, 𝟐𝟒 𝐌𝐀𝐑𝐒𝐔 𝟐𝟎𝟐𝟔 – Prezidente da Autoridade Munisipal de Manatuto Sr.Luis Inacio Henrique Fernandes akompanha Sekretáriu Estadu Peskas, 𝐃𝐫. 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨”, tersa ne’e lansa atividade Tara Bandu Tasi hamutuk ho komunidade peskadór sira iha Suku Uma-caduac, Postu Administrativu Laclo, Munisípiu Manatuto.

Serimónia ida ne’e organiza hosi Ajénsia Blue Venture ho objetivu atu hametin protesaun no konservasaun rekursu tasi sira, liu-liu ikan no biota marinha seluk, hodi garante sustentabilidade ambientál no ekonomia ba komunidade peskadór sira iha área refere.

Tara Bandu Tasi ne’e hanesan mekanizmu tradisionál ne’ebé importante atu regula atividade peska, prevene prátika ilegal hanesan peska ho bomba ka venenu, no promove utilizasaun rekursu naturál ho forma responsável.

Iha intervensaun, Sekretáriu Estadu Peskas nian, hateten Governu kontinua fó apoiu ba inisiativa lokál sira ne’ebé envolve partisipasaun komunidade atu jere rekursu naturál sira ho di’ak.

Nia mós haktuir, kolaborasaun entre Governu, autoridade lokál no komunidade mak sai fator importante atu asegura susesu implementasaun Tara Bandu Tasi iha terenu.

Prezidente da Autoridade Munisipal nian hak tuir Governu valoriza tebes atividade tradisionál hanesan Tara Bandu tanba bele ajuda proteje ita-nia rekursu tasi no asegura katak jerasaun oin sei bele aproveita nafatin,” tamba ne’e husu ba Komunidade sira nebe Pertense iha area refere tenki Garante Tasi mos,labele soe foer ba iha tasi atu nune labele estraga Ita nia Rikusoin tasi.dehan PAM

Autoridade lokál no lideransa komunidade iha Suku Uma-caduac mós hatudu sira-nia kompromisu atu implementa no respeita regra sira ne’ebé estabelese iha Tara Bandu Tasi, hodi asegura katak rekursu tasi sira bele utiliza ho forma sustentável no benefisia komunidade tomak.

Serimónia lansamentu ne’e remata ho atividade kultural no asinatura kompromisu husi parte relevante sira, hanesan simbolu unidade no responsabilidade hamutuk atu proteje no prezerva tasi ba futuru Timor-Leste.

Partisipa iha serimónia ne’e mak Prezidente Autoridade Munisípiu Manatuto, Administradór Postu Administrativu Laclo, reprezentante hosi Ambiente, Autoridade Seguransa no Defesa, Autoridade komunitáriu, no entuziasmu hosi komunidade peskadór sira, iha área refere.

#MEDIA PAM MANATUTO

𝐌𝐚𝐧𝐚𝐭𝐮𝐭𝐨—𝟐𝟑,𝐌𝐚𝐫𝐬𝐮 𝐝𝐞 𝟐𝟎𝟐𝟔

Manatuto—Ekipa Husi Agencia de Desenvolvimentu Nasionais ADN IP, Enkontru ho Prezidente da Autoridade Munisipal de Manatuto Sr. Luis Inacio Henrique Fernandes hodi koalia Konaba levantamento tekniku, atu produs Fotografia Monumentu 3 iha Munisipiu Manatuto no prepara Naran ba plaka Dom Martinu ninian.

#MEDIA PAM MANATUTO

𝐌𝐚𝐧𝐚𝐭𝐮𝐭𝐨-𝟏7,𝐌𝐚𝐫ço 𝐝𝐞 𝟐𝟎𝟐𝟔

Sekretaria Munisipal dos Asuntos PIDI Sra. Domingas Gilpia Akompainha Husi Administrador Postu Administrativu Barique Partisipa Workshop Munisipal atu hare Politika Nasional Konaba Konservasaun Marinha, ne’ebe Realiza Husi Ekipa Departemento Plano Especial do Mar CTC Sr. Costancio dos Santos, no Pontu Vokal National Cordinator Commete CTI iha Salaun Enkontru Postu Administrativu Barique.

Objetivu Husi workshop Ne’e atu Define Politika no Gestaun MPA Manatuto no Manufahi,nune’e bele habelar liu tan informasaun konaba Processu Estabelesimentu MPA Manatuto no Manufahi atu nune’e hetan Suporta Hotu konaba Estatuto MPA Manatuto-Manufahi

Partisipa Husi WORKSHOP ne’e mai Husi Cefi Suku Sira,PNTL Postu Barique,no Funsionario Sira.

#MEDIA PAM MANATUTO

𝐌𝐚𝐧𝐚𝐭𝐮𝐭𝐨-𝟏𝟔,𝐌𝐚𝐫ço 𝐝𝐞 𝟐𝟎𝟐𝟔

Prezidente Autoridade Munisipal de Manatuto Sr.Luis Inacio Henrique Fernandes Akompainha Husi Sekretario Administrasaun e Finansas, Patricio da Cruz Quintaun Enkontru ho Diretores Servisu Munisipais sira, Hodi hare Konaba Planu Asaun Anual 2026, ne’ebe Lidera Husi Diretor Ajensia Planeamento, Ernesto Matos Soares iha Salaun Autoridade Munisipal Manatuto.

#MEDIA PAM MANTUTO

𝐌𝐚𝐧𝐚𝐭𝐮𝐭𝐨 𝟏𝟎 𝐝𝐞, 𝐌𝐚𝐫𝐬𝐮 𝟐𝟎𝟐𝟔

𝑃𝑟𝑒𝑧𝑖𝑑𝑒𝑛𝑡𝑒 𝑑𝑎 𝐴𝑢𝑡𝑜𝑟𝑖𝑑𝑎𝑑𝑒 𝑀𝑢𝑛𝑖𝑠𝑖𝑝𝑎𝑙 𝑑𝑒 𝑀𝑎𝑛𝑎𝑡𝑢𝑡𝑜 𝑆𝑟. 𝐿𝑢𝑖́𝑠 𝐼𝑛𝑎́𝑐𝑖𝑜 𝐻𝑒𝑛𝑟𝑖𝑞𝑢𝑒 𝐹𝑒𝑟𝑛𝑎𝑛𝑑𝑒𝑠 𝐸𝑛𝑘𝑜𝑛𝑡𝑟𝑢,𝐾𝑜𝑟𝑡𝑒𝑧𝑖𝑎 ℎ𝑜 𝑇𝑒𝑎𝑚 𝐿𝑒𝑎𝑑𝑒𝑟 𝑛𝑜 𝐷𝑒𝑝𝑢𝑡𝑦 𝑇𝑒𝑎𝑚 𝐿𝑒𝑎𝑑𝑒𝑟 ℎ𝑜𝑠𝑖 𝐺𝑜𝑣𝑒𝑟𝑛𝑢 𝐴𝑢𝑠𝑡𝑟𝑎𝑙𝑖𝑎 𝑛𝑖𝑎, 𝑘𝑜𝑛𝑎𝑏𝑎 𝑝𝑟𝑜𝑔𝑟𝑎𝑚𝑎 𝑃𝐴𝑅𝑇𝐼𝑆𝐼𝑃𝐴 ℎ𝑜 𝐴𝑢𝑡𝑜𝑟𝑖𝑑𝑎𝑑𝑒 𝑀𝑢𝑛𝑖𝑠𝑖𝑝𝑖𝑢 𝑀𝑎𝑛𝑎𝑡𝑢𝑡𝑜.

Objetivu hosi enkontru ne’e mak atu atualiza informasaun kona-ba planu serbisu prioridade apoiu ba Autoridade Munisipiu iha 2026, nomos partilla informasaun sobre PARTISIPA nia apoiu iha faze I no faze II ne’ebe sei hahu iha Jullu 2026 – Junu 2028″.

#MEDIA PAM MANATUTO

𝐌𝐚𝐧𝐚𝐭𝐮𝐭𝐨-𝟏𝟎,𝐌𝐚𝐫𝐬𝐮,𝟐𝟎𝟐𝟔, Prezidente da Autoridade Munisipiu Manatuto Sr.Luis Inacio Henrique Fernandes Abertura Formasaun ba Kargu Dirijenti Autoridade Munisipal no Postu Administrativu Sira iha Salaun PNDS Manatuto Villa.

#MEDIA PAM MANATUTO

𝐒𝐞𝐠𝐮𝐧𝐝𝐚 𝐅𝐞𝐢𝐫𝐚, 𝟎9/𝟎𝟑/𝟐𝟎𝟐𝟔.𝐒𝐞𝐜𝐚𝐦 𝐀𝐝𝐦𝐢𝐧𝐢𝐬𝐭𝐫𝐚𝐜̧𝐚̃𝐨 𝐅𝐢𝐧𝐚𝐧𝐬𝐚𝐬 𝐏𝐚𝐭𝐫𝐢́𝐜𝐢𝐨 𝐝𝐚 𝐂𝐫𝐮𝐳 𝐐𝐮𝐢𝐧𝐭𝐚𝐮𝐧 𝐀𝐛𝐞𝐫𝐭𝐮𝐫𝐚 𝐅𝐨𝐫𝐦𝐚𝐬𝐚𝐮𝐧 𝐛𝐚𝐬𝐞 𝐝𝐞 𝐃𝐚𝐝𝐨𝐬 𝐛𝐚 𝐂𝐞𝐟𝐢 𝐒𝐞𝐤𝐬𝐚𝐮𝐧 𝐀𝐝𝐦𝐢𝐧𝐢𝐬𝐭𝐫𝐚𝐬𝐚𝐮𝐧 𝐏𝐨𝐬𝐭𝐮 𝐧𝐨 𝐅𝐮𝐧𝐬𝐢𝐨𝐧𝐚𝐫𝐢𝐨 𝐀𝐝𝐦𝐢𝐧𝐢𝐬𝐭𝐫𝐚𝐬𝐚𝐮𝐧 𝐌𝐮𝐧𝐢𝐬𝐢𝐩𝐢𝐮 𝐬𝐢𝐫𝐚, 𝐡𝐮𝐬𝐢 𝐈𝐧𝐬𝐭𝐢𝐭𝐮𝐭𝐨 𝐍𝐚𝐬𝐢𝐨𝐧𝐚𝐥 𝐝𝐚 𝐀𝐝𝐦𝐢𝐧𝐢𝐬𝐭𝐫𝐚𝐬𝐚𝐮𝐧 𝐏𝐮𝐛𝐥𝐢𝐤𝐨 (𝐈𝐍𝐀𝐏)

Objetivu husi formasaun ne’e oinsa atu eleva koñesimentu no abilidade funsionáriu sira nia iha parte Base de dados hodi reforsa servisu sira nia iha Administrasaun Publiko, atu hadi’ak liu tan prestasaun servisu no desenpeñu.

Iha formasaun ne’e hetan Partisipasaun masimu husi Cefi seksaun Postu Administrativo 6 no Funsionariu husi Diresaun 19, formador husi INAP

#MEDIA PAM. MANATUTO

Laclubar, 06-03-2026 : Comissão Anti Corrupção(CAC) ohin halo Sensibilizasaun ba Autoridade Local sira husi Postu Soibada Barique no Laclubar iha Edifício Administração Posto Laclubar nian.

Objetivo husi Sensibilizasaun ne’e maka atu habelar iha Formasaun kona ba Papel CAC nian no lei Nú.7/2020 kona ba Medidas de Prevenção e Combate no Motiva Partisipasaun husi entidades hotu hotu oinsa atu luta prevene no kambate Korrupsaun iha Timor Leste.

Iha Sensiblizasaun ne’e Apresenta materia husi Adjunto CAC Sr.Rosário Araujo ho Director Geral CAC….ho ekipa to’o remata.

No abertura ba Aktividade Sensibilizasaun ne’e husi Administrador Postu Laclubar Sr.Raimundo Soares.

Partisipa iha Aktividade Sensibilizasaun ne’e Administradores Postu tolu, Xefe Servisu Local Sira Postu nian, Comandante Esquadra Postu Laclubar, Padre Paroquial e Vigario, Madres, Inspetor Ensino Secundário Geral, Directores da Escola, Xefe Suku sira, Estudantes no Manorin sira iha Postu Laclubar.

#Media Officer PA Soibada

Iha Kinta-Feira (05/03) ne’e, Comissão Anti-Corrupção (CAC) liu-husi Diresaun Prevensaun no Sensiilizasaun (DPS) hala’o sensibilizasaun risku no medida sira prevensaun no krime korrupsaun ba kargu xefia no funsionariu sira munisipiu Manatuto nian iha salaun PNDS, Manatuto Vila.

Sensibilizasaun ne’e foku liu ba risku sira korrupsaun nian ne’ebé CAC identifika liu-husi servisu inspesaun no monitorizasaun programa no atividade instituisaun Estadu sira ho nia ezekusaun orsamentu, nune’e mós rejultadu estudu no avaliasaun risku korrupsaun sira iha administrasaun públika ne’ebé hala’o durante CAC nia mandatu.

Sensibilizasaun ne’e lidera husi Komisariu CAC, Rui Pereira ne’ebe hahú partilla uluk papel CAC nian iha servisu prevensaun no investigasaun nian, inklui atividade kooperasaun iha rai laran no mós rai li’ur. Komisariu Rui iha nia intervensaun hatete:

“CAC mai halo beibeik sensibilizasaun ba na’in hira, atu fó hanoin nafatin ita boot sira servisu tuir lei. Agora ita nia Governu halo hela preparasaun ba implementasaun politika desentralizasaun. Ita hanoin katak, aban bainrua munisipiu sira sei hamriik mesak, ida ne’e risku korrupsaun iha munisipiu sei makaas liu-tan”,

Komisariu hatutan: “Ami nafatin mai hala’o sensibilizasaun ba ita boot sira ne’e mós tanba knaar ne’ebe lei ne’e atribui ba ami. Ita boot sira balun asume kargu xefia kle’ur ona, balun foun tanba foin hetan fiar. Lei numeru 7/2020 ne’e, iha tipu krime foun lima ka neen mak aumenta iha ne’e, tanba ne’e mak setór privadu sira mós ami konvida mai. Lei ne’e mós kriminaliza setór privadu sira, ne’ebe halo projetu la tuir regras no han osan estadu, liu-liu ita boot sira ne’ebe la tau matan kontrola projetu ho di’ak”.

Alende ne’e, marka mós prezensa Diretór Jerál Prevensaun no Sensibilizasaun, Antonino Alves, hodi fahe koinesimentu espesifiku risku korrupsaun, prinsipiu no medida sira prevensaun korrupsaun nian, inklui hasa’e koinesimentu kargu xefia nian ba deklarasaun rendimentu, beins no interese.

Ba kargu xefia sira iha Manatuto, Diretór Alves partilla espesifiku rejultadu estudu no monitorizasaun projetu sira ne’ebé implementa husi instituisaun Estadu sira, ne’ebé barak mak la kumpre prinsipiu sira legalidade nian, liu-liu risku korrupsaun iha planeamentu, aprovizionamentu no implementasaun projetu sira Estadu nian to’o pagamentu finál.

“Iha tinan 2025, CAC nia monitorizasaun no inspesaun ba projetu iha Manatuto hamutuk neen (6). Iha projetu rua mak abandonadu, rua atraju. Iha tinan 2026, Munisipiu Manatutu hetan alokasaun orsamentu kuaze millaun neen (6) liu hodi ezekuta ba projetu kuaze 50 liu. Lista ami rekolla ona, agora ami partilla ba ita boot sira para tau matan lisuk, ami sei monitoriza”.

Diretór Alves mós aprezenta area risku sira ne’ebé presiza atensaun kargu xefia sira, liu-liu iha área planeamentu, aprovizionamentu, no parte kontrolu projetu nian no finansa. Área hirak ne’e presiza kumpre prinsipiu legalidade, transparánsia, akuntabilidade no justu, atu nune’e prevene monu ba konsekuénsia legál krime korrupsaun nian hanesan, subornu, konflitu interese, fraude konstrusaun no abuzu poder.

#MEDIA CAC

MANATUTO” 4-03-2026, Presidente da Autoridade Munisipal de Manatuto Sr.Luis Inacio Henrique Fernandes akompanha husi SECAM Finansas, SECAM Asuntos Sosiais, Diretores Munisipais, Delegasaun Territorial, Xefi Departementos, Administrador Postu 6, halao sorumutu ho Komisaun (C) husi Parlamento Nasional nebe trata asunto Finansas, halo fiskalizasaun ba ezekusaun orsamento tinan 2025/2026 iha salao Autoridade Munisipal manatuto.

#MEDIA PAM MANATUTO