Autoridade Munisipal Manatuto Realiza Formasaun Kapasitasaun Rekursu Humanos ba Funsionáriu Públiku no AAP
Autoridade Munisipal Manatuto realiza formasaun kona-ba kapasitasau rekursu humanos ba funsionáriu públiku no AAP sira. Formasaun ne’e objetivu atu hasa’e kapasidade no koñesimentu partisipante sira iha área jestaun rekursu humanos, nune’e bele hadi’a profesionalizmu no qualidade servisu públiku iha Autoridade Munisipal Manatuto.
Abertura formasaun ne’e lidera husi Prezidente Autoridade Munisipal Manatuto representa husi Sekretáriu Munisipal ba Administrasaun Finansas Patrício Quintaun da Cruz, Formasaun ne’e hala’o durante loron lima iha Salaun Autoridade Munisipal Manatuto ho partisipante hamutuk ema 30. Enkuantu formador sira mai husi INAP.
#MEDIA PAM MANATUTO
Manatuto,08-05-2026: Ministerio Finanças Serviço Hamutuk ho Ministério Administração Estatal no AutoridadeMunisipal Manatuto Organiza Sorumutu Kona ba Konsultasaun Sidadania iha Salaun Takon, Biskem Manatuto.
Objetivo husi Konsultasaun ne’e maka nudar Sidadaun atu partisipa iha Prosessu Governo nian ne’ebe halao hodi rona Povo nia Lian liu liu identifika Prioridade baze sira iha Baze hodi integra iha Plano Orsamental Estado nian kada Tinan.
Konsultasaun ne’e abertura Direita husi Presidente Autoridade Munisipal Sr.Luis Inacio Henrique Fernandes. No Involve kamada Sosial hanesan:Directores Munisipais, Directores Delegasaun Territorial, APA Postu neen, Liderança Komunitario, Representa Partidos Políticos, Relizioso, Sociedade Sivil, Xefe Seksaun kada Postu, Intelectual, Joventude Feto, Mane no Estudantes Sira.
Hodi rona no Input, Feedback, Prekupasaun, no desafios ne’ebe Komunidade no entidades sira enfrenta hodi integra no alinea iha Plano Orsamental tinan 2027.
#Media Officer PA Soibada
Manatuto, 06-05-2026: Presidente Autoridade Munisipal (PAM) Manatuto Sr.Luis Inacio Henrique Fernandes Konvoka Sorumutu ho Autoridades Munisipal no Autoridade Local sira iha Salaun Administração Munisipal.
Objetivo husi Sorumutu ne’e mak hodi halo Preparasaun ba Avaliasaun Kondisaun Miníma (AKM) iha Munisipiu Manatuto iha Tempo besik.
Partisipa iha Sorumutu ne’e Secretarios Munisipais, Directores Munisipais, Xefe Departamento, Administradores Posto, Xefe Servisu Local Sira Posto nian, Assesor Munisipal no Ekipa Tekniku.
No Fahe mos informasaun Adisional balun ne’ebe relevantes ba Servisu Munisipal no Iha Posto Administrativo Sira.
#Media Officer PA Soibada
Ministériú Ensinu Superiór, Siensia no Kultura (MESSK), liu-hosi Unidade Parseria no Kooperasaun (UPK) hakarak informa ba públiku katak, Universidade Marwadi – India Oferese bolsa estudu parsiál ba Timor-oan ne’ebé hakarak hala’o estudu ba 𝐏𝐫𝐨𝐠𝐫𝐚𝐦𝐚 𝐋𝐢𝐬𝐞𝐧𝐬𝐢𝐚𝐭𝐮𝐫𝐚 no 𝐌𝐚𝐬𝐭𝐞𝐫𝐚𝐝𝐮.
Informasaun klaru liu kona-ba 𝐩𝐫𝐨𝐬𝐞𝐬𝐮 𝐚𝐩𝐥𝐢𝐤𝐚𝐬𝐚𝐮𝐧, 𝐤𝐫𝐢𝐭é𝐫𝐢𝐮 no 𝐛𝐞𝐧𝐞𝐟í𝐬𝐢𝐮 husi bolsa ne’e:
* Bele asesu direita iha link ne’ebé anéxu:
https://mescc.gov.tl/tp/programa-bolsu-estudu-parsial-marwadi-university-india/
* Kuadru avizu MESSK ka halo konfirmasaun direita iha Unidade Parseria no Kooperasaun (UPK-MESSK), tuir oras servisu.
𝐃𝐚𝐭𝐚 𝐛𝐚 𝐚𝐩𝐥𝐢𝐤𝐚𝐬𝐚𝐮𝐧 𝐡𝐚𝐡ú 𝐡𝐨𝐬𝐢 𝐚𝐠𝐨𝐫𝐚 𝐭𝐨’𝐨 𝟑𝟏, 𝐟𝐮𝐥𝐚𝐧 𝐉𝐮𝐥𝐥𝐮 𝟐𝟎𝟐𝟔.
To’o iha ne’e deit, ba ita bo’ot sira nia atensaun ami hato’o obrigadu wain.!
Manatuto, 4 de Maio 2026 Autoridade Munisipal Manatuto (PAM) Sr.Luis Inacio Henrique Fernandes ofisialmente loke atividade jogu desportu sira hodi selebra loron Santo António nian iha Munisipiu Manatuto. Atividade ne’e realiza ho objetivu atu hametin unidade komunidade, promove saúde no dezenvolve espiritu desportivu entre juventude no komunidade iha área tomak.
Prezidente Autoridade Munisipal Manatuto, iha nia liafuan abertura, hateten katak selebrasaun ne’e la’ós deit seremonial relijiozu, maibé mos sai hanesan oportunidade atu fó espasu ba juventude hodi partisipa iha atividade ne’ebé positivu no produtivu. Nia mos husu ba parte hotu-hotu atu mantén disciplina no respeitu durante kompetisaun sira.
Jogu desportu ne’e envolve modalidade oin-oin hanesan futeból, voleibol no atividade rekreativu seluk, ho partisipasaun husi suku, no Komisaun organizadora asegura katak preparasaun hotu halo ona ho di’ak atu garante atividade lao tuir planu.
#MEDIA PAM MANATUTO
Dili, 30-04-2026: Ministério Administração Estatal (MAE) Konvoka Reunião iha Salão Delta Nova hodi halo kordenasaun no orientasaun ba Avaliasaun Kondisaun Miníma (AKM).
Objetivo husi Reunião ne’e maka hodi hare besik Servisu Munisipal hosi Resultado Avaliasaun Kondisaun Miníma antes atu hetan Implentasaun Poder Local iha Munisipio ida idak.
Partisipa iha Reunião ne’e Director Geral, Director Nasional, Xefe Departamento, Assesor Nasional, Presidente Autoridade Munisipal (PAM), Secretárias Munisipais, Directores Munisipais, Administradores do Posto Administrativos Sira no Parte hotu ne’ebe relevantes hotu iha MAE nian.
#Media Officer PA Soibada
Manatuto, 29-04-2026: Gabinete husi Vice Premeiro Ministro e Ministério Coordenador dos Assuntos Económicos ohin halo Divulgasaun ba Autoridades Sira iha Salaun PNDS Munisipio Manatuto.
Objetivo husi Sorumutu ne’e mak hodi halo Divulgasaun Nasional Kona ba Timor Leste nia Post Adezaun ba organizasaun Mundial Komersiu(OMK).
Sorumutu ne’e abertura husi Director Agência Fiskalizasaun Sr.Octávio Carcéres de Carvalho (Rep.PAM).
Partisipa iha Sorumutu ne’e Autoridades Munisipal, Administradores do Posto, Xefe Suku, Xefe Aldeia, Representante Partidos Políticos, Religioso, Veteranos Empressario Local Sira no Estudantes Sira
#Media Officer PA Soibada
Manatuto, 28 Abril 2026
Prezidente da Autoridade Munisípiu de Manatuto, realiza enkontru Conselhu Kordenasaun ho objetivu atu reforsa sinerjia no koordenasaun entre diresaun no unidade servisu sira iha ambitu administrasaun munisipál.
Membru Konsellu Koordenasaun Munisipál kompostu husi Sekretáriu Munisipál na’in 3, Administradór Postu Administrativu na’in 6 Diretóres Servisu Munisipais, Diretores Delegasaun Territoriál inklui Autoridade Komunitária balun. Reuniaun Konsellu Koordenasaun Munisipál koalia kona-ba dezenvolvimentu no programa iha Munisipiu Manatuto ho nia ordem traballu mak hanesan;
Molok tama ba apresentasaun Exelénsia Prezidente Autoridade Munisipal Manatuto , hanesnan mos Prezidente KKM, husu membru konsellu sira atu servisu hamutuk hala’o kna’ar ho didiak ho responsabilidade atu servisu ba progressu dezenvolvimentu sustentavél iha munisípiu hodi lori benefisiu ba komunidade sira.
Enkontru KKM ne’e hetan Partisipasaun masimu husi Diretores Servisu Munisipal,no Delegasaun Teritorial, Xefi Departemento,Apa Postu 6,no PNTL Munisipiu Manatuto
#MEDIA PAM MANATUTO
Manatuto, 28 Abril 2026 — Dosente husi Faculdade Economia no Gestão, Sr. Apolinari Magno, lori estudante sira husi Universidade Nacional Timor Lorosa’e (UNTL) mai entrega ofisial iha Autoridade Munisipal Manatuto hodi hala’o programa estájiu durante fulan rua.
Programa ne’e realiza ho objetivu atu fó oportunidade ba estudante sira hodi aplika koñesimentu teóriku iha prátika servisu públiku, nune’e mos atu hasa’e kapasidade profisionál no haburas esperiénsia iha área jestaun no administrasaun.
Prezidente da Autoridade Munisipal Manatuto Sr.Luis Inacio Henrique Fernandes akompanha husi Secam Asuntos Sosiais simu inisiativa refere no afirma katak programa estájiu importante tebes ba dezenvolvimentu rekursu umanu, liu-liu ba jovem sira ne’ebé prepara an atu tama iha merkadu traballu.
Aleinde ne’e, programa estájiu ne’e espera bele kontribui ba fortalesimentu kooperasaun entre instituisaun ensinu superior no governu lokal, no mos fó benefísiu ba melhoria servisu administrativu iha munisípiu.
Estudante estajiáriu sira hamutuk ema 21, kompostu husi mane 8 no feto 13, mai husi departamentu tolu iha Faculdade Economia no Gestão UNTL.
#MEDIA PAM MANATUTO
Manatuto, 28 Abril 2026 — Ekipa husi TrendInvest Timor-Leste no Ministériu Planeamentu no Investimentu Estratéjiku (MPIE), realiza kordenasaun ho Prezidénsia Autoridade Munisipál Manatuto Sr.Luis Inacio Henrique Fernandes hodi prepara akompanhamentu ba ministériu relevante sira atu halo Levantamento de dados no identifikasaun fatin potensial investimentu estaleiru Husi Kompanhia Tsuneishi iha Postu Administrativu Laleia.
Atividade ne’e inklui mos kordenasaun ho komunidade lokál sira, ho objetivu atu garante partisipasaun publiku no konsidera interese sosio-ekonómiku komunidade nian iha prosesu planeamentu projetu. Diskusaun sira foka ba aspetu tékniku, ambientál no sosial hodi determina viabilidade no sustentabilidade investimentu ne’e.
Durante enkontru, parte sira mos koalia kona-ba mekanismu kolaborasaun entre governu sentrál, autoridáde munisipál no komunidade, atu asegura transparénsia no implementasaun ne’ebé efetivu.
MPIE reafirma nia kompromisu atu kontinua servisu hamutuk ho autoridáde lokál no komunidade sira hodi promove investimentu estratéjiku ne’ebé bele impulsiona dezenvolvimentu ekonómiku no hadi’a moris povu iha Munisípiu Manatuto.
Iha Fatin hanesan Secam PIDI Domingas Gilpia no Administrador Postu Laleia Akompanha Ekipa Relevante sira tun direita ba terenu hodi Hare direita fatin ba investimento Estaleiru Iha Postu Laleia
#MEDIA PAM MANATUTO
© 2026 Administrasaun Munisípiu Manatuto
