Manatuto 08 Maiu 2025-Esélensia Prezidente da Autoridade Munisípiu de Manatuto Sr. Luis Inacio Henriques Fernandes akompañia mós husi reprezentante JICA-GCF Nelio Boavida Lay, no Koordenadór Jerál RAEBIA-TL Argentino Soares Kinta-Feira ohin iha Salaun Administrasaun Manatuto, abertura kick of meeting ba introdusaun programa Partisipatoriu Planu Utilizasaun Rai no Asesmentu Vunerabilidade Mudnasa Klimátika ne’ebé atu implementa Munisípiu Manatutu iha faze da-ruak iha Salaun Autoridade Munisipal Manatuto.

Iha abertura aktividade ne’e, Prezidente Prezidente da Autoridade Munisípiu de Manatuto Sr.Luis Inacio Henrique Fernandes iha nia Intervensaun hateten programa ne’ebé JICA-GCF liu-husi RAEBIA-TL mai implementa ne’e importante tebes, tanbá hanesan ita hotu hatene mundu dadaun ne’e preokupa makas kona-bá mudansa klimátika, liu-liu pais sira ne’ebé utiliza indústria bo’ot hodi estraga kamada ozum, entaun aktividade ne’e ajuda tebes hodi bele rekopera.

“Hanesan autoridade hakarak agradese ba JICA-GCF, no NGO RAEBIA-TL, espera iha implementasaun tuir mai iha Suku Lakumesak, Umanaruk no Funar, espera prezensa Administradór Postu Administrativu Laklubar no Laklo, atu akompañia projetu ne’e hó di’ak, tanbá ita nia rekursu husi Governu lato’o, atu finaliza aktividade hirak ne’e” hateten PAM Manatuto.

Prezidente Autoridade ne’e mós iha esperansa katak projetu ne’e ita bele utiliza hó di’ak no fó benefisiu iha futuru ba ita nia oan no bei-oan sira hodi bele konserva mundu liu-liu, konserva ita nia rai no ita nia bee.

Tempu hanesan reprezentante JICA-GCF (Japan International Cooperation Agency – Green Climate Fund) Nelio Boavida Lay hateten, JICA servisu hamutuk hó Governu Timor-Leste hodi fó apoiu programa ne’e iha tinan barak ona, haree rezultadu di’ak, nune’e maka expanda tan ba iha suku sira seluk.

#Media PAM Manatuto