𝐒𝐎𝐒𝐈𝐀𝐋𝐈𝐙𝐀𝐒𝐀𝐔𝐍 𝐈𝐍𝐅𝐎𝐑𝐌𝐀𝐒𝐀𝐔𝐍 𝐊𝐎𝐍𝐀 𝐁𝐀 𝐀𝐊𝐓𝐈𝐕𝐈𝐃𝐀𝐃𝐄 𝐊𝐎𝐋𝐄𝐒𝐀𝐔𝐍 𝐃𝐀𝐃𝐔𝐒 𝐁𝐀 𝐑𝐄𝐊𝐔𝐑𝐒𝐎 𝐁𝐄’𝐄 𝐈𝐇𝐀 𝐓𝐄𝐑𝐑𝐈𝐓𝐎𝐑𝐈𝐔 𝐌𝐔𝐍𝐈𝐒𝐈𝐏𝐈𝐔 𝐌𝐀𝐍𝐀𝐓𝐔𝐓𝐎

Manatuto, 14/11/2025

Ho Objetivu Fundamental Husi Aktividade Ne’e Mak Atu Sosializa Kona Ba Levantamentu Ka Survey Ba Bee Matan Hotu-Hotu Nune’e Bele Hatene Rekurso Bee Matan Hotu No Produz Mapa Ba Rekurso Bee Matan Inklui Areia Risku Menus Bee Iha Tempu Bailoron Iha Areia Munisipio Manatuto.

Programa Ne’e Hala’o Husi Smasa, Dnras, No Apoio Husi Parseiro Partisipa. Hodi Sosializa Informasaun Ba Autoridade Lokal Sira Molok Ba Koleksaun Dadus Bee Matan Iha Terenu.

#Media Offisial SMASA 2025

KOMANDANTE GERAL POLÍCIA NASIONAL TIMOR LESTE (PNTL) HALO DIÁLOGU KOMUNITÁRIU HO AUTORIDADE MUNISIPAL IHA MUNISIPIO MANATUTO.

Manatuto, 13-11-2025: Komandante Geral PNTL Komisáriu Sr.Henrique da Costa ohin halo Dialógu Komunitáriu ho Autoridade Munisipal, Autoridade Local no Liderança Komunitáriu Sira iha Salaun Administrasaun Munisipiu Manatuto.

Objetivu husi Aktividade Dialógu Komunitario ne’e maka hodi foka sai Sitausaun Seguransa iha rai laran no Rona direita Problema sira ne’ebe Autoridade Munisipal no Autoridade Lokal sira hasoru iha Munisipiu to’o iha Baze, Liu liu iha Munisipio Manatuto.

Iha Abertura Presidente Autoridade Munisipiu(PAM) Sr.Luis Henrique Fernandes lori Autoridade Munisipio nia naran hato’o Bemvindo ba Komisáriu ho Ekipa no apresenta mos Geograficamente no Situsaun Geral Munisipiu Manatuto nian.

Komisáriu PNTL Sr.Henrique da Costa mos akresenta Situsaun Geral iha ita nia rai laran no Problema sira ne’ebe sempre mosu liu liu krime Organizadu no Impaktu husi Teknologia hodi Informasun Hoax hodi habosok ita. Tamba ne’e husu atu tau atensaun didiak ho seriu hodi kombate Problema sira ne’e, no fo mos informasaun kona ba Planu hodi rekruta Membru Foun PNTL ne’ebe Lao hela ne’e.

Partisipa iha Aktividade ne’e Autoridades Munisipal, Komandante PNTL Munisipiu ho Membro Sira, APA Sira, Directores Munisipais, Xefe Suku no Parte hotu ne’ebe relevantes.

#Media Offisial PA Soibada 2025

Sekretario Munisipal dos Asuntos Administrasaun E Finansas Sr.Eduardo Gutrrres hamutuk Sekretaria Asuntos Planeamento Investimento Desenvolvimento Integrado PIDI Sra.Domingas Gilpia, Cefi Gabinete,Asesor, Simu Delegasaun husi Kambodia

Objetivu husi Vizita ne’e Atu hare konaba Agrikultura no Hotikultura iha Munisipiu Manatuto

#MEDIA PAM MANATUTO

MANATUTO 5 de Novembro de 2025

Adventure CFMM servisu hamutuk ho PNTL Municipio Manatuto (Seksaun Tranzito), Estrutura Sub Comitê 12 de Novembro Municipio Manatuto, Focal Point MJDAC Municipio, KO 12 de Novembro Posto Manatuto Vila no Comunity MTC. hodi simu Ekipa LOAD/Loriku Adventure ne’ebe Lidera husi Sr. “Nelson Turquel” iha Obrato no kontinua kedas komboiu mai iha resinto Administrasaun Munisipal de Manatuto, ho okaziaun ida ne’e Ekipa LOAD mos Introdus sira nia aktividade ba PAM Municipio Reprezenta husi Secam Asuntu Administrasaun & Finansas no Xefe Gabinete.

E depois sorumutu ne remata, Ekipa kontinua halo komboiu ba iha Semiterio Público hodi fo onra no tau aifunan ba Saudozu na’in 2 e depois ida ne’e Ekipa kontinua hala’o sra nia aktividade ba kedas Parte Leste.

#MEDIA PAM MANATUTO

MANATUTO 5-11-2025

Manatuto—Sekretario Munisipal dos Asuntos Sosiais Sr.Natalino Martins Carvalho Representa Prezidenti da Autoridade Munisipal Abertura ba Aktividade Apresentasaun Resultadu Indentifikasaun Auto-Avaliasaun no Metodologia Meloramento Prestasaun Servisu,husi Diresaun Desenvolvimento Lokal (SEDL) iha Salaun Autoridade Manatuto Villa.

#MEDIA PM MANATUTO

𝐃𝐢́𝐥𝐢, 𝟐𝟖 𝐎𝐮𝐭𝐮𝐛𝐫𝐮 𝟐𝟎𝟐𝟓, Governu atribui Tersa-Feira ne’e, lisensa ba empreza hat atu halo prospesaun no peskiza minerais metáliku no non metáliku iha Munisípiu Manatuto,Covalima, Aileu,Viqueque no Rejiaun Autónoma Oecusse. Empreza sira sei halo peskiza rekoñesimentu hodi deskobre distribuisaun rekursus, mapeamentu, foti amostra hodi sertifika kualidade no levantamentu dadus prelimináriu hodi relata ba ANM, atu halo servisu detalladu, inklui mapeamentu no avaliasaun inisiál ba impaktu ambientál, hodi projeta ba dezenvolvimentu.

Empreza Estatal Murak Rai Timor, E.P. sei halo prospesaun no peskiza ba minerais presiozu no komúm iha Suku Licore, Bahadic husi Postu Administrativu Laclo, Suku Sananain, Funar, Batara no Orlalan husi Postu Administrartivu Laclubar no Suku Aiteas ho Kribas, husi Postu Administrativu Manatutu Vila. Empreza Timor Orbit Persada sei halo prospesaun no peskiza ba Osan Mean no Metais Komúm iha Suku Bobmeto, Sub Rejiaun Oesilo no Suku Bobokase, Costa no Naimeco ne’ebé pertense ba Sub Rejiaun Pante Makassar.

Relasiona ho projetu ne’e, Prezidente Autoridade Munisipal Manatuto Sr.Luis Inacio Henrique Fernandes deklara prontidaun atu apoia empreza sira, no apela kooperasaun husi komunidade atu fó susesu ba investimentu ne’e, hodi impulsiona dezenvolvimentu ekonómiku.

Sua Eselénsia Ministru Petróleu no Rekursus Minerais, Francisco da Costa Monteiro tenik katak, MPRM ho entidade tutela sira kontinua assume iha promosaun ba potensialidade, hodi atria investimentu ne’ebé bele komplementa, rendimentu husi pertóleu no gás ne’ebé durante ne’e finansia ekonomia nasionál. Investimentu empreza husi Indonézia no Xina iha Timor-Leste, manifesta konfiansa ba rejime legal, administrativu, sistema ne’ebé hafasil investimentu, inklui propetividade jeolójika.

Atu kontinua promove Timor-Leste nia rekursu petrolífera no minerais, Sua Eselénsia Ministru Monteiro anunsia katak, iha fulan Novembru, ANM, I.P., no ANP, I.P. sei hamutuk no Ministériu Koordendór Assuntus Ekonómiku atu organiza simeira ba enerjia no minerais no planeia lansa bloku explorasaun, hodi buka rendimentu komplementár ba estadu.

Ba Sua Eselénsia Primeiru Ministru Interinu, Mariano Assanami Sabino, investimentu empreza internasionál sira la’os puramente negósiu, maibé manifesta sentidu soliedariedade, fraternidade humana no irmanidade. Apela mos ba empreza sira atu envolve ativamente iha prosesu konstrusaun estadu no sai parte integrante iha história Timor-Leste nian, hodi haforsa liu-tan ho adezaun Timor-Leste ba ASEAN, iha loron 26 fulan Outubru.

Ho atribuisaun lisensa ba empreza hat ne’e, Autoridade Nasional Minerais – ANM, I.P. konsege emite ona lisensa ba prospesaun no peskiza ba minerais metáliku no non metáliku, hamutuk 51 hodi autoriza empreza sira halo investimentu no deskobre potensialidade rikusoin iha rai-okos.

#MEDIA PAM MANATUTO 2025

Manatuto Quarta-Feira-15 de Outobru-2025 — Prezidente Autoridade Munisipál Manatuto hamutuk ho Ministériu Administrasaun Estatál (MAE) organiza Semináriu Nível Munisípiu nian kona-ba Desentralizasaun iha Timor-Leste: Progresu, Dezafiu no Oportunidade iha munisípiu Manatuto, ajenda ona ba loron 16–17 Outubru 2025.

Tema sentrál ba semináriu ne’e mak “𝐃𝐚𝐥𝐚𝐧 𝐛𝐚 𝐏𝐨𝐝𝐞𝐫 𝐋𝐨𝐤𝐚́𝐥”, ho sub-tema “𝐇𝐚𝐦𝐞𝐭𝐢𝐧 𝐆𝐨𝐯𝐞𝐫𝐧𝐚𝐬𝐚𝐮𝐧 𝐋𝐨𝐤𝐚́𝐥 𝐛𝐚 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐈𝐧𝐤𝐥𝐮𝐳𝐢𝐯𝐮 𝐧𝐨 𝐒𝐮𝐬𝐭𝐞𝐧𝐭𝐚́𝐯𝐞𝐥 𝐢𝐡𝐚 𝐀𝐦𝐛𝐢𝐭𝐮 𝐃𝐞𝐬𝐞𝐧𝐭𝐫𝐚𝐥𝐢𝐳𝐚𝐬𝐚𝐮𝐧 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐯𝐚 𝐇𝐨𝐝𝐢 𝐇𝐚𝐤𝐛𝐞𝐬𝐢𝐤 𝐆𝐨𝐯𝐞𝐫𝐧𝐚𝐬𝐚𝐮𝐧 𝐛𝐚 𝐏𝐨𝐯𝐮.”

Iha Munisípiu Manatuto, semináriu ne’e lidera husi Sra. 𝐌𝐚𝐫𝐢𝐚 𝐆𝐨𝐫𝐞𝐭𝐭𝐢 𝐌𝐚𝐫𝐪𝐮𝐞𝐬 𝐁𝐞𝐥𝐨, Diretora-Jerál ba Simplifikasaun, Modernizasaun, no Administrasaun Lokál (DG-SMAL)

Semináriu ne’epartisipa husi Membru Konsellu Konsultivu Munisipál, Sekretáriu Munisipal, Diretór Servisu Munisipál, Diretór Delegasaun Teritoriál, Xefe Departementu, Administradór Postu Administrativu, Xefe Servisu Lokál sira. Hafoin semináriu munisipál konklui, Prezidente Autoridade Munisipál sira sei kontinua fasilita sesaun hanesan iha nível Postu Administrativu sira. Semináriu ne’e hetan apoiu tékniku máximu husi ekipa PARTISIPA.

Entertantu, Governu Konstitusional da-IX Timor-Leste, liu husi Ministeriu Administrasaun Estatal Komprometidu atu kontinua implementa polítika desentralizasaun nu’udar meius ida atu hadi’ak governasaun, hasa’e prestasaun servisu públiku, hakbit komunidade lokál no hakbesik governasaun ba populasaun;

Ho promulgasaun Lei Nú. 23/2021 kona-ba Poder Lokál no Desentralizasaun Administrativa no Rezolusaun Governu Nú. 6/2025, 10 Fevereiru kona-ba “Execução da Estratégia de Descentralização Administrativa e de Instalação dos Órgãos Representativos do Poder Local 2025-2028”. Governu liuhusi Ministériu Administrasaun Estatál (MAE) ho Liña Ministériu relevante hirak ne’ebé deskonsentra ona kompeténsia ba autoridade munisipál halo ona progresu balun ba iha estabelesimentu institusional (segunda faze polítika desentralizasaun) iha nível Administrasaun Lokál Estadu hodi Hametin funsionárius kuadrus governasaun lokál nian.

Ho pensamentu prinsipal 2 iha leten maka Governu liu hosi Ministériu Administrasaun Estatal (MAE) realiza ona Semináriu Nasionál iha loron 15-16 setembru ho intensaun prinsipal atu Governu ho partes interessadas hotu iha nosaun/koñesimentu ne’ebé kle’an sobre polítika desentralizasaun no estabelesimentu poder lokál no atu lori pensamentu ne’e ba nível munisipal, Postus Administrativus, Sukus, Aldeias, ema hotu, maka Ministériu Administrasaun Estatal realiza ohin loron Semináriu Munisipal ida ne’e ho pensamentu ida hanesan kona-ba Desentralizasaun.

Seminário Munisipál ne’e sei fornese plataforma ba fahe informasaun, reforsa koñesimentu, no fó espasu atu hatene situasaun real husi implementasaun politika no prosesu desentralizasaun husi autoridade Munisipal, entidades, kuadrus no funsionárius Publikus. Ne’e atu reforsa ba planeamentu estratéjiku entre entidade Governu relevantes ho parte interessadas prinsipais.

Tan ne’e Semináriu Munisipal ne’e halibur ita hotu, Ofisial Senior husi Governu Sentral/MAE, Presidente Autoridade Munisipal ho nia estrutura, Postus Administrativus, Konsellu Konsultivu Suku, Forsa polítika, konfisoens religiosas, juventude no parseirus dezenvolvimentu ne’ebé servisu besik iha area Desentralizasaun nian hodi halo reflesaun kona-ba progresu ba programa, meius atu responde ba dezafius iha ámbitu desentralizasaun, no aliña prioridade ba futuru governasaun desentralizada iha Timor-Leste.

Ministériu Administrasaun Estatal (MAE) konsidera seminário nível munisipal ne’e importante tebes atu aliña prioridade no nu’udar preparasaun ida ba avaliasaun kondisaun mínimu husi autoridades Munisipal iha tinan 2026 hodi kumpri Rezolusaun Governu Nú. 6/2025 nian.

𝐎𝐛𝐣𝐞𝐭𝐢𝐯𝐮𝐬:

• Refleksaun sobre progresu, dezafius e oportunidade husi implementasaun polítika desentralizasaun durante ne’e.
• Aprezenta rezultadus husi avaliasaun funsionamentu servisu lokál no kondisaun existente Autoridades Munisipal nian ne’ebé hala’o husi MAE.
• Hametin liutan koordenasaun entre instituisaun governu sentral no Autoridade Munisipal hodi reforsa polítika no programa Desentralizasaun Administrativa no Poder Lokal.
• Identifika prioridade estratéjiku hodi reforsa kapasidade munisipiu prepara ba avaliasaun kondisaun minimu hodi prepara ba instalasaun Poder Lokál no Desentralizasaun Administrativa.

𝐑𝐞𝐳𝐮𝐥𝐭𝐚𝐝𝐮 𝐞𝐬𝐩𝐞𝐫𝐚𝐝𝐮:

• Iha komprensaun ne’ebe hanesan kona-ba progresu atual desentralizasaun iha Timor-Leste.
• Hatene progresu no lakunas husi avaliasaun ba funsionamentu servisu lokal no kondisaun ezistente Autoridade Munisipal ida-idak nian.
• Hatene progresu no lakunas husi implementasaun kompetensias mak delega ona ba Autoridade Munisipal iha ambitu desentralizasaun administrativa institusional.
• Hametin parseria servisu entre entidade governu nasional e parte interessada hodi re forsa prioridade Governu nian ba politika desentralizasaun administrativa.
• Iha ideia geral atu estabelese ekipa trabalho oinsa diskute forsa trabalho munisipal inklui reforsa kapasidade rekursu umanu hodi prepara autoridade munisipál sira ba avaliasaun kondisaun minimu no implementasaun poder lokal bazeia ba rezolusaun governu no. 6/2025, 10 Fevereiru “Execução da Estratégia de Descentralização Administrativa e de Instalação dos Órgãos Representativos do Poder Local 2025-2028”.

#MEDIA PAM MANATUTO

Banco Nacional de Comércio de Timor-Leste (BNCTL), S.A liuhosi divizaun Planu Negósiu no Komersializasaun (PNK) promove inkluzaun finanseira no literasia bankária ba autoridade lokál, funsionarius munisipais, reprezentante Câmara de Comércio e Indústria de Timor-Leste (CCITL), profesores no komunidade iha munisípiu Manatuto Vila.

Objetivu hosi atividade ne’e hodi fahe informasaun konaba produtu no servisu banku nian hanesan 𝐭𝐢𝐩𝐮 𝐤𝐨𝐧𝐭𝐚 𝐢𝐡𝐚 𝐁𝐍𝐂𝐓𝐋, 𝐝𝐞𝐩𝐨́𝐳𝐢𝐭𝐮, 𝐤𝐫𝐞́𝐝𝐢𝐭𝐮, 𝐬𝐞𝐫𝐯𝐢𝐬𝐮 𝐫𝐞𝐦𝐢𝐭𝐞𝐧𝐬𝐢𝐚, 𝐬𝐞𝐫𝐯𝐢𝐬𝐮 𝐦𝐨𝐯𝐞𝐥, 𝐬𝐞𝐫𝐯𝐢𝐬𝐮 𝐝𝐢𝐣𝐢𝐭𝐚𝐢𝐬 𝐡𝐚𝐧𝐞𝐬𝐚𝐧 𝐈𝐧𝐭𝐞𝐫𝐧𝐞𝐭/𝐌𝐨𝐛𝐢𝐥𝐞 𝐁𝐚𝐧𝐤𝐢𝐧𝐠, 𝐀𝐣𝐞𝐧𝐭𝐞 𝐁𝐚𝐧𝐤𝐮, 𝐬𝐞𝐫𝐯𝐢𝐬𝐮 𝐬𝐨𝐬𝐢𝐚𝐢𝐬 𝐧𝐨 𝐬𝐞𝐥𝐮𝐤 𝐭𝐚𝐧.

Iha intervensaun, Prezidente Autoridade Munisípiu Manatuto, Sr. Luís Inacio Henriques Fernandes agradese ba parte BNCTL ne’ebé koordena ho munisipiu hodi partilla informasaun banku nian atu nune’e autoridade lokál, funsionarius munisipais bele entende hodi asesu ba produtu banku no bele hatutan mos ba sira nia komunidade iha kada suku.

Entretantu, iha atividade ne’e partisipante sira hatudu interese no ativu hodi koloka kestoens konaba asesu ba kréditu, fasilidade konta iha BNCTL, uza aplikasaun dijitais, inklui preokupasoens ne’ebé sira nia komunidade hasoru iha kada suku, no iha fatin hanesan fó kedas resposta no solusaun. Iha sorin seluk, ekipa mos halo kedas atendimentu ba partisipante sira ne’ebé hakarak rejista ba Internet/Mobile Banking.

Portantu, sosializasaun ne’ebé realiza iha loron segunda-feira, 13 Outubru ne’e hola parte iha planu estratéjiku BNCTL nian hodi reforsa konfiansa komunidade iha sistema finanseiru nasional no garante Timor oan hotu asesu ba servisu bankárius ne’ebé seguru, modernu no asesível.

#MEDIA BNCTL 2025

𝐂𝐨𝐯𝐚𝐥𝐢𝐦𝐚, 𝐊𝐢𝐧𝐭𝐚 𝟎𝟗 𝐎𝐮𝐭𝐨𝐛𝐫𝐮 𝟐𝟎𝟐𝟓;

Festival Fronteira 2025, ne’ebe organiza husi Ministeriu Juventude Desportu Arte Kultura (MJDAK), liu husi Sekretariu Estadu ba Arte no Kultura (SEAK), Centro Nacional Chega, no PAM Covalima, hahu Lao ho atividade dialogu husi Lia Nain sira, ho tema “Hametin Rekonsiliasaun liu husi Lalaok Kultura” ne’ebe abertura husi Ministru Admnistrasaun Estatal (MAE), SE Thomas Cabral, iha salaun Ambo-One, Camnasa Suai Covalima.

Lia nain sira ne’e mai husi Munisipiu, hanesan Ainaro, Aileu, Atauro, Bobonaro, Covalima, Ermera, Likisa, Manufahi, Lautem, Viqueque, Baucau, Manatuto, no Regiaun Admnistrativu Espesial Oecuse Ambeno (Raeoa).

Atividade Dialogu ne’e, dirije husi Padre Juvito, Partisipa mos husi, Ministru Admnistrasaun Estatal, Thomas Cabral, Vise Ministru Obras Publika (MOP), Julio do Carmo, Sekretariu Estadu Dezenvolvimentu Lokal (SEDL), Mateus Talo, Sekretariu Estadu Asuntu Toponomia Urbanizasaun Urbana (SEATOU), Germano Santa Brites, Prezidente Autoriedade Baucau, PAM Manatuto, PAM, Likisa, PAM Ainaro, PAM Lautem, delegasaun sira husi NTT-Indonezia, komunidade no konvidadus importante sira.

#MEDIA PAM MANATUTO

𝙈𝙖𝙣𝙖𝙩𝙪𝙩𝙤, 08 𝙊𝙪𝙩𝙪𝙗𝙧𝙪 2025, Prezidenti Autoridade Munisipal Manatuto 𝗦𝗿. 𝗟𝘂í𝘀 𝗜𝗻á𝗰𝗶𝗼 𝗛𝗲𝗻𝗿𝗶𝗾𝘂𝗲 𝗙𝗲𝗿𝗻𝗮𝗻𝗱𝗲𝘀, hanesan mós Prezidenti (CCM sigla Portugês), iha salaun enkontru Administrasaun Munisipàl Manatuto.

Objetivu husi Konsellu Koordenasaun Munisipál mak hanesan: Aprezentasaun no Aprovasaun Ajenda Traballu no Manual, Pájina Identifikasaun Sosiál iha “Ordem do Dia” kona-ba progresu no dezafiu ne’ebé hasoru iha sosiedade durante ne’e iha Munisipíu Manatuto, iha ajenda daruak periode partisipasaun popular hodi fahe hanoin hamutuk entre Admnistrador Postu, Servisus Munisipais , Delegasaun Territorial no Representante chefe do suco Postu (6)  durante fulan ida nia laran.

Partisipa iha reuniaun Konsellu Koordenasaun Munisipál mak hanesan: Sekretárius Munisipiu, Administrador Postu, Xefe do Suco Representante postu 6, Diretores Munisipais, Delegasaun Territoriais, Kargu Xefia, Asesores, no ekipa tekniku administrasaun nian.

#MEDIA PAM MANATUTO 2025