Manatuto, 25 Setembru 2025 – Prezidente da Autoridade Munisipiu Manatuto Reprezenta husi Sekretario Administrasaun e Finansas Munispiu Sr.Eduardo Guterres, akoampinha husi Komandante Autoridade Protesaun Sivíl (APC) Munisípiu Manatuto Afonso Soares da Silva akompaña husi Komandante Corpo Bombeiros Domiber T.D.N Soares, hamutuk ho kargu Xefia husi DNGR, DNRE no Rekoperasaun inklui funsionáriu tomak ne’ebé iha APC Munisípiu Manatuto simu delegasaun husi UBPLP iha APC Munisipiu Manatuto liu-liu ba iha Korpu Bombeiros.

Delegasaun husi Uniaun Bombeiros Paises Lingua Portugues (UBPLP) kompostu husi ema nain hat, Vice Prezidente Bombeiros da Lingua portuguêsa Marco Filipi Simão, Comisário Bombeirus Prinsipal, Bravo Pereira Mendes, Comisário Bombeirus Konselleiru Komandante Servisu Protesaun Sivíl Bombeirus, João Bernardo Ambrósio, ho Superintendente de Investigasaun Kriminal Aurio Roberto da Costa Paty, husi Angola akompaña mós husi Diretór Bombeiros Anibal Paulo de Oliveira Maia ho Dir Exekutivu husi APC Guy Savio Vicente Caeiro

Komandante APC Munisípiu Manatuto Afonso Soares da Silva hato’o liafuan “ bemvindo ba delegasaun Uniaun Bombeiros Pais da Lingua Portuguesa (UBPLP) pela primeira ves Bombeiros Manatuto hetan vizita husi UBPLP, Ami orgulho no kontenti tebes ho prezensa husi UBPLP mai APC Manatuto liu husi vizita ida ne’e bele hametin koperasaun Servisu husi Korpu Bombeiros Timor-Leste no UBPLP sai di’ak no metin liu tan iha futuru oin mai”

Iha biban hanesan Comissário Bombeiros Prinsipal Angola Bravo Pereira Mendes hateten katak “buat ne’ebé importante tebes maka simbolu Maskato medalla rotativa UBPLP ba Timor-Leste iha Bombeiros ofisiál entrega símbolu transmisaun nian iha podér responsavel UBPLP ba Bombeiros Timor-Leste maka sai presidente rotativa iha tinan 2025”.

Iha serimónia ne’e hetan partisipante maximu husi Comando PNTL Munisípiu Manatuto, Prezidente Autoridade Munisípiu Manatuto inklui liñas ministeriál balun hodisimu ho tara tais ho serimónia aprezentasaun da parade ba husi Comando Corpo Bombeiros Munisípiu Manatuto

#MEDIA PAM MANATUTO