1. Jeografia

Município nee, iha nia fronteira: Sul, ho Tasi (tasi-Mane), Norte, ho Tasiestreiro de Weter (tasi-Feto), Este, ho Baucau no Viqueque, Oeste, ho Dili, Aileu no Manufahi. Município nee, hela iha centro Nação nian. Iha latitude ida ho 8o 03’- 9o 06’ no longitude ida 125o 45’ – 126o 10’. Iha superfície 1.785,96 Km2, nebe constitúi 2a superfície boot liu iha nível nacional no iha densidade populacional 33,4/Km2. Município nee deit mak fahe território Timor Leste ba parte rua.

2. Toponímia

Lia-fuan Manatuto etimologicamente, mai hosi lian Galolen ne’ebe significa; “Manu (galo) + Nutu (pica) eh iha Tetum, Manu-Futu”. Ho tempo nia muda ba Manatuto. Maibe, iha balu intrepreta lia-fuan ne’e hosi forma seluk. Buat hotu hanesan versão ne’ebe tenki considera. Conforme narração balu iha tempo uluk iha reino rua; Sau-Raha (agora Soraha), no ida seluk Sau-Lor (agora Saulidun). Iha sira nia aktividade lorloron,.sira nain rua moris keta-ketak, Grupo Sau-Raha hela iha foho Soraha, Grupo Sau-Lor hela iha foho Sauhuhun. Sira nain rua iha liurai idaidak nian. Sira nain rua maun-alin, Loron ida, hosi loro-monu, mai bero ida ho ema grupo ida, iha bero nia tutun, iha manu aman ida. Tuir dalan manu ne’e kokoroek, hodi buka fatin ida atu ema bele simu sira. Maibe laiha ema ida ne’ebe mai hasoru sira, Molok raihun-mutin, sira hare fatin ida ho naran Hiri latar welau. No manu-aman ne’e continua kanta no verso ida ne’e; “koko-roek- koe, Labuta rai, rai mak ne’ebe, Labuta rai, reinu mak ne’ebe“. Nune’e mos ba dala rua, Ba dala tolu, manu aman ida seluk iha foho-oan Malarahun, responde nune’e; “koko-roek-koe, Labuta rai, nia rai mak ne’e, Labuta rai, nia reinu mak ne’e “. Wainhira rona tiha lia-fuan hirak ne’e sira ne’ebe iha bero, hakbesik ba tasi-ibun, Hafoin ne’e, sira ba foho-oan Malarahun. Tuir sira konta foho-oan ne’e mak fatin original Manatuto nian.

Nudar ami hateten ona, lia-fuan nee forma hosi Manu–Nutu, ho tempo, nia transform aba “Manatuto”. Maibe, povo Laleia bolu povo Manatuto “Rentau”, wainhira sira hetan iha fatin ruma. Contrário ho povo Lacló, bolu sira, “Ili-Wai” (Ili=reino eh aldeia, Wa’i=barak; Reino eh aldeia barak).

3. Istória

Tuir istória, antes Portugues sira estabelese sira nian autoridade iha rai Manatuto, iha ona autoridade tradisional ne’ebé ukun. Iha tinan 1698, Governo Portugues introdús sira nia autoridade, liu husi Governador António Coelho Guerreiro. Iha tinan ne, sira começa halo intervensaun ba Autoridade tradisional sira iha Timor, inklui iha Manatuto. Iha loron 20 de Abril de 1859, liu husi Governador Afonso de Castro estabelese 11 Distritu, Manatuto mos sai hanesan disrtito ida ho nia naran Distritu de Manatuto Vila, no nia sede iha Manatuto ne’ebé kompostou husi reino Bubur-Susso, Kablaqui, Fulau, Faturo no Turiscai. Liu tiha Segunda Guerra Mundial, Governador Oscar Ruas muda komando militar ne’e transforma fali ba Circuscriação Civil ne’ebé kompostu husi postu administrativu civil Barique, Fatuberlihu, Laclo, Laclubar no Laleia. Iha tempu okupasaun indonésia, Manatuto sai hanesan Distritu no ikus mai sai hanesan munisípiu.

Risonhos da Antiga Divisão Administrativa de Manatuto

Molok português sira too, Timor organizado tiha ona hosi reino nebe autoridade tradicional sira iha nia território no nia comunidade. Divisão Administrativa território, hosi I Período Governo Frades Dominicanos nian (1515-1695), II Período Tentativas do Estabelecimento Português nian iha Timor (1642-1701) no III Período de Lifau (1702-1769) sidauk difine. Só iha meádos IV Período Estabelecimento Difinitivo ba Presença Portuguesa iha Timor (1769-1910), iha 1895, mak documento sira koalia konaba desobediência reino sira nian ba governo, hanesan iha Região Central reino sira la obedece mak, Boibau, Mahubo, Derebate, Ermera, Leimean, Obulo, Baboi, Marobo, Cailaco, Lessi-Lulic, Lamaquitos no Cablac; iha Sul, Tululuro, Maubessi, Manifai, Reimean, Camanasse, Suai no Taubesse; iha Norte, la obedece ba governo, mak reino Manumera; Iha Reino de Mothael, la obedece ba jurisdição sira: Calai, Mauholo, Lequidoe,

Manucate, Aileu, Maubisse, Hatu-Quero, Lessipare, Failacor e Caimauc; iha Centro, la obedece ba Governo, mak reino Funar no Laclubar sira; Iha zona Leste, hosi kedas Laivai too Ilha nia rohan; Iha Sul, iha hakmatek, graça ba

1. Hopólito dos Reis da Cunha e Hornay, nebe iha tempo neba, nudar secretário interino governo nian (Lv. Antigos Reinos de TL pg. 368). Buat hotu hatudu katak, iha Timor, divisão administrativa sei respeita organização antigo reino sira nian. Atu fo sinal katak, hafoin tinan ida Tratado Lisboa tinan 1859, colonia nee (Timor) fahe ba distrito 10 hosi governador Afonso de Castro Ho finalidade ida nee maka estabelece, inicialmente, 10 no depois 11 comandos militares

atu gere distrito hirak nee (Geoffrey C. Gunn em “Timor Loro sae 500 anos” ed. Lv. do Oriente, 1999). Maibe, wainhira governador Eduardo Augusto Marquês, oficial Estado Maior, nebe troca governador Celestino da Silva, nebe preocupa liu ba organização militar iha tempo neba. Economia Timor nian, triste tebes, tamba operações militares nebe governador Celestino halo. Nia hakarak poupa itoan atu labele prejudica governo no administração local.

Iha tempo neba, Jaime Augusto Vieira da Rocha, hanesan figura militar nebe governa nudar interino iha 1905. Eduardo Augusto, hanoin atu reduz número comando sira nebe iha ona. Ho hanoin ida nee, conselho Dili bele administra ona hosi ema sivil eh militar ida, tuir Decreto 30 de Dezembro de 1897. Maibe, Liquiça, Manatuto e Baucau, Comissões Municipais funciona ho presidência comandante militar ida-ida.

Ho nunee, “Breve História” nebe hateten iha leten, ita hetan Distrito balu bolu “comando militar”, tuir alteração território nian iha tempo neba.

-Iha 1946, estabelece tiha Conselho de Dili, Circunscricão de Baucau, Bobonaro, Cova-Lima, Ermera, Lautem, Manatuto, Oecusse Suro no Viqueque.

-Tuir Portaria No. 1.730 hasai tiha Circunscrição Covalima (24 de Novembro de 1951). Cria fali sede Conselho Dili nian no Circunscrição de Bobonaro no Manatuto.

-Postos Administrativos: Decreto No. 35. 751 de 18 de Julho de 1946, cria fali Postos Administrativos. Tuir Portaria no. 1.730, cria fali Postos Administrativos Remexio, Fohorem no Laclubar.

-Portaria No. 1.730 hasai fali postos administrativos Dili, Betano no Manatuto (Lv. Antigos Reinos de TL pg. 378).

–José Celestino da Silva, coronel cavalaria, sai iha loron 2 de Maio 1894 hosi Macau mai Timor, sai nudar governador Timor nian. Nia mak divide território ba Comandos Militares, ho ida-idak nia postos sira. Iha 1908 iha Timor iha ona comandos militares hirak nee: (Central do Sul) Batugade, Bobonaro, Maubara, Liquiça, Aipelo, Hatolia, Manufahi. (Central do Norte, sede em Mothael e depois em Aileu) Remexio, Manatuto, Baucau, Viqueque, Lautém no Oecusse (Lv. Antigos Reinos de TL pg. 423); hosi 1894 no 1908, iha tempo nebe hanaran “campanhas de pacificação”, estabelece iha interior, rede ida ba postos militares, barak liu mai depois, hodi fo fatin ba posto administrativo sira. Organização nee hanesan super-estrutura ida nebe sobre-põe ba sociedade tradicional, no la book barak ho nia (sociedade tradicional): Régulo/Liurai sira hanesan elemento articulação entre autoridade tradicional, Chefe de suco, no administração portuguesa, nebe povo quase laiha contacto directo ho nia.

-Iha 1920, governador Manuel Paulo de Sousa Gentil, capitão-tenente Armada, transforma Comandos militares ba Circunscriçães Civis. Sira hola fali estatuto ida nee, Liquica, Maubara e Baucau (Lv. Antigos Reinos de TL pg. 427);

-Iha 1929, governador César Augusto de Almeida Viana, coronel, realiza divisão administrativa nebe cobre conselho ida (Dili, incluindo a ilha de Ataúro), no Comandos militares 9: Bobonaro, Covalima, Manufahi, Suro, Hatolia, Mothael, Viqueque, Lautem no Oecusse; Circunscrições Civis tolu (3) (Liquiça, Manatuto e Baucau). Comandos no Circunscriçães divide fali ba Postos (Lv. Antigos Reinos de TL pg. 427);

-Iha 1931, Governador António Baptista Justo, hosi carta orgânica Colonia de Timor, define hosi lei território Timor nudar “divisão administrative império colonial português ida” forma nudar “organismo administrativo e financeiro autónomo” ida, maski iha controlo metrópole nian (Lisboa) (Lv. Antigos Reinos de TL pg. 428);

-Iha 1934-1936, governador Raul de Antas Monso Preto Mendes Cruz, continua medida transformação Comando nian ba Circunscrição (hosi Diploma Legislativo No. 1) (Lv. Antigos Reinos de TL pg. 428);

-Iha 1940, governador Manuel de Abreu Ferreira Carvalho, divide ba Conselho ida, Dili. Nebe inclui ilha Ataúru, Liquiça no Maubara. Circunscrição lima (5): sira mai hotu hosi tasi ninin Norte-Sul nian: Lautém, São Domingos Manatuto, Suro no Fronteiras, ida nee ho superintendência iha enclave Oecusse (Lv. Antigos Reinos de TL pg. 431);

-Iha 1945, governador Oscar Freire de Vasconcelos Ruas, divide ba Conselho, Dili (incluíndo Ataúro) no Circunscrições sia: Lautém (ho sede iha Lospalos), Baucau, Viqueque, Manatuto (ho sede iha Laclubar) no Oecusse ho sede iha Pante Macassar (Lv. Antigos Reinos de TL pg. 433); la hatene, wainhira no tan sa mak sede nee fila fali mai Vila Manatuto too agora.

-Iha 1963, governador Filipe José Freire Themudo Barata, hosi Decreto de 22 de Novembro de 1963, “Timor Português considera nudar Provincia Ultramarina ida”: Território: Província, Conselho, Posto Administrativo, suco no povoações (Lv. Antigos Reinos de TL pg. 434);

-Too 1974, Divisão Administrativa Manatuto hanesan: Conselho de Manatuto, ho sede iha Manatuto-Vila (la iha Posto Administrativo Manatuto-Vila) no 5 Postos Administrativos: Laleia, Lacló, Laclubar, Soibada no Barique; Suco no povoação;

-Iha tinan 1975-1976, Unilateralmente, Fretelin Proclama independência Timor Leste nian, maibe, la consegue hatur lolos divisão administrativa sira iha Timor Leste, tamba Indonésia invade tiha ona iha 7 de Dezembro de 1975.

-1976-1999 (ocupação Indonesia), conforme “UU No. 7 Tahun 1976 tanggal 17 Juli”, Indonésia anexa tiha Timor Leste ba República Indonésia no sira muda naran “Conselho de Manatuto” ba Kabupaten Manatuto (ho sede iha Manatuto-Vila); hosi Posto Administrativo ba Kecamatan (Manatuto-Kota, Laleia, Lacló, Laclubar, Soibada e Barique); hosi Suco ba Desa; hosi Povoação ba RK (Rukun kampung).

-Iha tinan 1999 – 2002 (Perído Transição ONU ba Timor Independente), bolu fali naran: Distrito Manatuto, ho sede iha Manatuto-Vila: Sub-Distrito de Manatuto-Vila, Laleia, Lacló, Laclubar, Soibada no Barique; Suco no Aldeia. Narrativa hirak nee, atu ajuda ita hodi hare itoan, hoinsa ita nia divisão administrativa nuda iha tempo neba.

-ATUAL DIVISÃO ADMINISTRATIVA

Agora, bolu fali ona Município, nebe nia nee, fahe ba Posto Administrativo 6, (ho Administração Central Município nian iha Posto Administrativo Manatuto-Vila), tuir Diploma Min. No.199/Gm/MAEOT/IX/09 de 15 de Set. 2009 no Diploma Ministerial No. 49/2016 de 30 de Setembro, nebe forma autoridade Posto Administrativo no aprova nia naran no competência específica sira konaba serviços locais, ho nia difinição nudar serviço extensão Administração Municipal nian no iha missão atu assegura execução competência sira nebe define ona, garante aproximação efetiva serviço administrativo sira ba população no promove participação boot ida

cidadão sira nian iha atividade administrativa. Buat hirak nebe konaba suco nian, iha Diploma Min. No. 16/2017 de 31 de Março ida, fo biban atu hamosu suco foun sira. Ho nunee, hamosu mos suco foun balu, nebe fahe hosi suco balu, hanesan suco Laycore, antiga aldeia hosi suco Iliheu nian, no suco Sikone-Diloli, antiga aldeia hosi suco Uma-Boco nian.

4. Klima

Manatuto em geral, iha clima tropical. Maibe, iha mos clima ho temperatura media iha centro-sul (Laclubar e Soibada) no seluk ho clíma húmido (Laclubar, Manatuto/Cribas, Barique  e Soibada). Clíma maran mak iha  Norte (Manatuto-Vila, Laleia e Lacló).

5. Pontu Interese

Pontu interese husi Manatutu mak hanesan: Be tudak Cribas no Igreja Laklubar. Munisípiu ne’e rasik, kuñesidu ho selebrasaun anuál ne’ebé mak hala’o iha tempu bo’ek, kuñesidu ho dansa suru bo’ek. Hahan tradisionál mak hanesan Balixaun.