Manatuto- 27-08-2025—Representa Prezidente da Autoridade Munisipiu Manatuto,Sekretaria Asuntos Planeamento Investimento Desenvolvimento Integradu (PIDI) Sra.Domingas Gilpia hetan Vizita Cortezia husi Delegasaun Chang De Municipality Porvinci Hunan iha Autoridade Munisipiu Manatuto Segunda Feira Semana ne’e.

Vizita delegasaun husi Provinsia Hunan – China ba iha fatin Agrikultura no hortikultura iha Manatuto ne’e ho objetivu atu observa progresu sira husi rezultadu servisu agrikultura no hortikultura ne’ebé estabelesidu entre Munisipiu Manatuto ho Provincia Hunan ne’bé durante ne’e la’o ho diak tebes. Husi progresu servisu ne’e parte rua koalia mos kona-ba koperasaun ho nia kontinuasaun atu haluan liu tan servisu iha area sira hanesan saúde, Edukasaun, tourismu, servisu agrikultura no hortikultura ba povu Munisipiu Manatuto iha futuru.

Iha vizita kortezia husi delegasaun Provincia Hunan ba Munisípiu manatuto, iha biban ne’e mos Asesór Principal MAE, Abilio José Caitano informa ba media MAE katak koperasaun entre Munisipiu Manatuto ho Provincia Hunan durante ne’e, Munisípiu Manatuto hetan ona benefisiu barak husi Repúblika Popular China , liu-liu iha area agrikultura no hortikultura. Ho nune’e husi parte agrikultura no Komersiu munisípiu Manatuto kontinua propoin atu apoia hadia irigasaun sira ba natar, maibe husi parte delegasaun Hunan afirma katak sei konsulta ho sira nia governu hodi hare kestoens sira ne’ebé mak hato’o husi parte Autoridade Munisípiu Manatuto.

#MEDIA PAM MANATUTO