Manatuto, 16 Juñu 2026 – Decanu Universidade da Paz (UNPAZ) hamutuk ho estudante, nain 25 husi Fakuldade Enfermagem realiza vizita ofisial ba Autoridade Munisípiu Manatuto hodi entrega estudante sira ne’ebé sei hala’o programa estájiu profisionál iha Sentru Saúde Manatuto.

Objetivu husi atividade ne’e maka atu fó oportunidade ba estudante sira atu aplika koñesimentu teóriku no prátiku ne’ebé sira aprende durante prosesu formasaun académika, nune’e bele aumenta sira-nia kapasidade profisionál iha área enfermagem.

Iha enkontru ne’e, parte rua hotu-hotu reafirma kompromisu atu apoia implementasaun programa estájiu ne’e, ne’ebé espera bele fó benefísiu ba estudante sira no kontribui ba melhoria servisu saúde iha Munisípiu Manatuto.

Autoridade Munisípiu Manatuto simu di’ak presença estudante sira no hato’o agradesimentu ba UNPAZ tanba kontinua kontribui iha dezenvolvimentu rekursu umanu liu husi formasaun profisionál ba juventude Timor-Leste.

#MEDIA PAM MANATUTO