Reprezentante husi Presidente Autoridade Munisipál Manatuto, Secretáriu Administrasaun Finansas Sr.Patricio Da Cruz Quintaun prezide serimónia Icar Bandeira RDTL ba semana dahuluk fulan Fevereiru 2026, ne’ebé realiza iha Kampu Karlilu Manatuto Villa

Iha nia diskursu, Sr. Patricio da Cruz Quintaun mos fó hanoin ba preparasaun importante sira iha fulan ne’e. Nia hatete katak, tuir planu governu sentrál, sei iha posibilidade vizita Supreza husi Sua Exelénsia Primeiru-Ministru iha fulan Fevreiru tinan ida ne’e.

Tanba ne’e, nia fó orientasaun ba Diretór Munisipál sira, Xefi Departamentu sira, Xefi Seksaun sira no funsionáriu hotu-hotu atu domina didi’ak sira-nia área kompeténsia, nune’e wainhira iha vizita ofisiál, bele fó resposta klaru, loos no profisionál tuir koñesimentu iha área servisu ida-idak nian.

Serimónia hasa’e Bandeira ne’e partisipa husi:

Diretór Servisu Munisipál, Diretór Servisu Delegasaun , Xefi Departamentu,Korpu Bombeirus Munisípiu Manatuto, Elementu Seguransa, Servisu Floresta, Funsionáriu sira hotu Autoridade Munisipál Manatuto

Serimónia ne’e la’ós dei’t simbolu patriotismu, maibé mos momentu atu hametin disiplina institusionál, unidade no responsabilidade servisu públiku ba dezenvolvimentu Munisípiu Manatuto

Responsabel ba Serimonia Icar Bandeira Ba Semana da huluk ne’e mai husi Diresaun PNDS,ONG,Protesaun Civil, SEFOPE NO Administrasaun Postu Manatuto Villa.

#REMATA

#MEDIA PAM MANATUTO