MANATUTO-16-06-2025-Prezidenti da Autoridade Munisipal de Manatuto Sr.Luis Inacio Henrique Fernandes hamutuk ho Diretor Jerál Institutu Nasional Administrasaun Públika (INAP), Sr. 𝐏𝐨𝐥𝐢𝐜𝐚𝐫𝐩𝐨 𝐀𝐦𝐢𝐥𝐜𝐚𝐫 𝐁𝐨𝐚𝐯𝐢𝐝𝐚, nu’udar koordenador ba Ekipa Asisténsia Téknika hodi Mellora Prestasaun Servisu iha Administrasaun Lokál, halo abertura ba atividade ho Tema “PAPEL MINISTERIU SENTRAL LIU HUSI DELEGASAUN SERVISU TERITORIAL BA MUNISIPIU ATU LORI GOVERNU BESIK LIU BA POVO”. iha salaun Autoridade Munisipal Manatuto.

Iha atividade ida ne’e, partisipa mos husi Prezidente Autoridade Munisipiu Manatuto, Sr. 𝐋𝐮𝐢́𝐬 𝐈𝐧𝐚́𝐜𝐢𝐨 𝐇𝐞𝐧𝐫𝐢𝐪𝐮𝐞𝐬 𝐅𝐞𝐫𝐧𝐚𝐧𝐝𝐞𝐬, Sekretáriu Munisipal Administrasaun Finansas, Planeamentu Investimentu no Dezenvolvimentu Integradu, Asuntu Sosiais no Organizasaun Komunitária, nomos partisipasaun masimu husi Diretur Servisus Munisipal no Diretor Servisu Delegasaun Teritorial, Administrador Postu Administrativu iha Autoridade Munisipiu Manatuto nian.

Iha sorumutuk ne’e, DG-INAP, hato’o diskursu; lori Ministériu Administrasaun Estatál nia naran, nu’udar koordenador ekipa ba atividade “Asistensia Teknika hodi Mellora Prestasaun Servisu iha Administrasaun Lokal” assume responsabildiade lidera ekipa ida-ne’e mai atu fo asistensia Téknika ba prestasaun servisu iha Autoridade Munisipiu Manatuto.

DG-INAP, hateten, prezensa iha Manatuto hanesan parte ida husi kompromisu governu sentrál hanesan tema prinsipal “PAPEL MINISTERIU SENTRAL LIU HUSI DELEGASAUN SERVISU TERITORIAL BA MUNISIPIU ATU LORI GOVERNU SENTRAL BESIK LIU BA POVO” nomós atu hametin liután kooperasaun no koordenasaun liu-liu iha servisus munisipais 19 no PNDS.

Delegasaun servisus munisípiais 19 haktuir Decreto-Lei N.º 84/2023 de 23 de novembro Procede à 5.ª alteração ao Decreto-Lei n.º 3/2016, de 16 de março, “sobre o Estatuto das Administrações Municipais, das Autoridades Municipais e do Grupo Técnico Interministerial para a Descentralização Administrativa” nomós reforsa liután através Diploma Ministerial No 85 /2023 sobre Estabelecimento dos Serviços Municipais das Autoridades Municipais e definição da respetiva organização e funcionamento.

Bainhira ita ko’alia kona ba desentralizasaun, ita la’ós ko’alia de’it kona-ba transfere poder administrativu, maibé oinsa autoridade rasik bele deside, dezenvolve setor hotu-hotu atu hadi’a diretamente povu nia moris. Polítika prosesu desentralizasaun administrativa ida ne’ebé implementa tiha ona iha faze ka etapa tolu maka hanesan: desconcentração territorial, descentralização institucional e descentralização territorial, entrada iha vigór Dekretu-Lei No. 3/2016, loron 16 fulan marsu, hanesan inísiu implementasaun polítika desentralizasaun administrativa, liu husi estabelesimentu kuadru regulamentár faze dahuluk nian ba deskonsentrasaun territoriál.

Presenza ekipa iha ne’e, la’ós de’it ba enkontru rutina, maibé atu observa, avalia no fó akompañamentu ba servisu ida ne’ebé efetivu, liu husi Grupu Tékniku Konjuntu ba apoiu jestaun iha munisípiu ne’ebé sei sai hanesan alvu ba implementasaun servisus delegasaun 19 iha Autoridade Munisípiu Manatuto.

Iha atividade loron dahuluk nian aprezenta mós materia kona-ba DL 84/2023, 23 Novembru, alterasaun dalimak husi Dekretu Lei nú 3/2016, 16 marsu, “Estatutu Autoridade Munisipal no Grupu Tékniku Interministerial”, husi Sr. Tito Jong, Diretor Nasional Governasaun Lokal; Aprezentasaun Rezultadu Relatoriu Avaliasaun, husi Sra. Letecia Barreto, DG-SMAL/DNMAAL; Aprezentasaun Governu Dizital husi Sr. Albertinho Pereira, DGSMAL; Jestaun Finansas Públika husi Sr. Junior Sarmento Xavier, Xefe Departamentu Finansas – DG-SC; no Remata ho sesaun husu no hatan.

Iha okaziaun importante ida ne’e, ekipa sei hala’o atividade durante loron tolu, hahú husi 16 to’o 18 Juñu, ne’ebé planeia tiha ona.

#MEDIA PAMA MANATUTO