𝐌𝐀𝐍𝐀𝐓𝐔𝐓𝐎, 𝟐𝟕 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔

Prezidente da Autoridade Munisipal de Manatuto Sr.Luis Inacio Henrique Fernandes hamutuk ho Sua Exelénsia Ministru Administrasaun Estatál (MAE), 𝐓𝐨𝐦𝐚́𝐬 𝐝𝐨 𝐑𝐨𝐬𝐚́𝐫𝐢𝐨 𝐂𝐚𝐛𝐫𝐚𝐥, akompaña Sua Exelénsia Primeiru-Ministru (PM), 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨, haree direta fatin produsaun oxijéniu no sentru internamentu iha postu administrativu Manatuto-Vila, munisípiu Manatuto.

Oxijéniu ne’e prodús hosi kompañia Ultra Controlo Projectos Industriais, Lda ne’ebé ninia sede iha Portugál. Konstrusaun fatin produsaun oxijéniu ne’e ho númeru kontratu PR#25780-TLS-H-MOH-PO5 ho orsamentu $477,902.20, hahú hosi fulan-Fevereiru to’o Jullu 2025.

Vizita ne’e hafoin “𝐇𝐚𝐫𝐞𝐞 𝐛𝐞𝐬𝐢𝐤 𝐬𝐞𝐫𝐯𝐢𝐬𝐮 𝐦𝐮𝐧𝐢𝐬𝐢𝐩𝐚́𝐥 𝐌𝐚𝐧𝐚𝐭𝐮𝐭𝐨 𝐡𝐨𝐬𝐢 𝐫𝐞𝐳𝐮𝐥𝐭𝐚𝐝𝐮 𝐚𝐯𝐚𝐥𝐢𝐚𝐬𝐚𝐮𝐧 𝐤𝐨𝐧𝐝𝐢𝐬𝐚𝐮𝐧 𝐦𝐢𝐧𝐢𝐦𝐚” molok avansa bá eleisaun Governu lokál ne’ebé sei akontese iha 2027.

Aleinde ne’e, hala’o mós vizita bá konstrusaun fahi-luhan ne’ebé sei utiliza hodi haki’ak fahi iha suku Sau, postu administrativu Manatuto-Vila, munisípiu Manatuto.

Projetu konstrusaun ne’e mai-hosi Programa Nasionál Dezenvolvimentu Suku (PNDS) ne’ebé implementa hosi kompañia EJS hamutuk ho komunidade. Orsamentu ne’ebé PNDS aloka bá projetu konstrusaun ne’e hamutuk $49.769 ho durasaun fulan-tolu.

Akompaña Primeiru-Ministru iha vizita ne’e, Ministru Planeamentu no Investimentu Estratéjiku (MPIE), 𝐆𝐚𝐬𝐭𝐚̃𝐨 𝐅𝐫𝐚𝐧𝐜𝐢𝐬𝐜𝐨 𝐝𝐞 𝐒𝐨𝐮𝐬𝐚, Ministra Saúde (MS), 𝐄𝐥𝐢𝐚 𝐝𝐨𝐬 𝐑𝐞𝐢𝐬 𝐀𝐦𝐚𝐫𝐚𝐥, Ministru Agrikultura, Pekuária, Peskas no Floretas (MAPPF), 𝐌𝐚𝐫𝐜𝐨𝐬 𝐝𝐚 𝐂𝐫𝐮𝐳 no Prezidente Autoridade Munisípiu Manatuto, Luis Inacio Henrique Fernandes.

#MEDIA PAM MANATUTO

#Foto Media MAE