MANATUTO, 29 Maiu 2026 – Prezidente da Autoridade Munisipal Manatuto, ne’ebé reprezenta Sekretáriu Munisipal dos Asuntu Sosiais, Sr. Natalino Martins Carvalho, diriji Reuniaun Konsellu Koordenasaun Munisipál (KKM) iha Salaun Autoridade Munisipal Manatuto.

Iha reuniaun ne’e, membru sira husi KKM diskute no halo aprova ba agenda prinsipál rua. Agenda dahuluk mak aprovasaun ba funsionamentu fasilidade saúde sira atu responde di’ak liu ba nesesidade populasaun, liuliu komunidade sira iha área remota no rural iha Munisípiu Manatuto.

Enkuantu agenda daruak mak aprovasaun ba relatóriu avaliasaun atividade komemorasaun Loron Restaurasaun Independénsia, 20 Maiu 2026, ne’ebé realiza ona iha Munisípiu Manatuto.

Reuniaun ne’e realiza ho objetivu atu asegura implementasaun programa governu nian lao tuir planu no responde efetivamente ba nesesidade komunidade sira iha munisípiu ne’e.

Reuniaun ne’e hetan Partisipasaun masimu Husi Membru KKM 54

#MEDIA PAM MANATUTO