𝐌𝐚𝐧𝐚𝐭𝐮𝐭𝐨, 𝟐𝟎-𝐉𝐚𝐧𝐞𝐢𝐫𝐮 𝟐𝟎𝟐𝟔-

Exelénsia Prezidente Autoridade Munisipál Manatuto sr.luis Inacio henrique fernandes , konvoka reuniaun ho Diretores Servisus Munisipais no APA na’in 6 hodi Distribui envelope fiskal Orsamentu Geral Estadu (OGE) 2025. Iha tinan ne’e Orsamentu ne’ebé aprovadu husi Parlamentu Nasionál nomos promulga husi Sua Exêlensia Prezidente da Repúblika ho total orsamentu ba Autoriadade Munisipál manatuto milluaun $ 9,626,242

Reuniaun ne’e lidera husi Prezidente Autoridade Munisipál Manatuto sr.luis Inacio Henrique fernandes, hateten tinan ida ne’e rigór oituan kona-ba implementasaun ba orsamentu sira nomos ba programa sira ne’ebé maka aprovadu hotu ona, tanba ne’e maka presija tebes diretór idaidak atu hatene sira-nia orsamentu ba kada diresaun ne’ebé sira rasik maka propoen.

Ezekusaun orsamentu ne’e klaru que regras ne’e husi ministeriu finansas ne’ebe fó kona-ba ezekusaun orsamentu ninian nomos ezekusaun ba planu programa sira hotu, ida ne’e konsidera balun regras foun entaun diretores ididak tenke apar ho regras hirak ne’e, ami mos fahe ba kada diresaun no kada postu administrativu kona-ba regras ezekusaun orsamentu,

Aliende ne’e, iha mós aprezentasaun husi Diretór Finansas kona-ba kornograma orsamentu ne’e tamba iha ona regras ezekusaun entaun husi ida ne’e ko’alia kona-ba orsamentu pakote ne’ebé fahe ba kada trimestrál,antes atu ezekuta tenki hatene tuir osan trimestre ida ne’e ezekuta hira, antes ezekuta mós tenki iha ona planu ba atividade saida maka prepara ona ba primeiru trimestre, tamba ne’e haree fila fali ba planu asaun anual tanba iha ne’eba ko’alia kona-ba indikadór katak saida maka atu halo no metas ne’e katak atu halo hira! Tanba ne’e maka atu hafasil liu maka kuandu aprejenta I trimestre liu-liu ba fulan haat ne’e atinji 25% tanba iha orsamentu mos fahe tiha ona ba trimestral IV kada trimetre iha 25% too bainhira tinan ne’e remata kompleta ona ba 100%.

Liuhusi reuniaun ida ne’e mós atu fo hanoin fila fali ba Diretores Servisu Munisipais hotu ba ezekusaun I trimester nian tenki aprezenta sira-nia ezekusaun ne’e too ona % hira tanba ne’e maka diretór sira tenki atentu ba ezekusaun ne’e. Agradese tanba Diretores ho Administradores hotu katak ami tama ona ba mandatu tinan 2 nia laran maibe haree ba sira-nia servisu ne’e dedikadu tebes.

#MEDIA PAM MANATUTO