MANATUTO, 16 Fevereiru 2026: 𝐒𝐞𝐤𝐫𝐞𝐭á𝐫𝐢𝐮 𝐄𝐬𝐭𝐚𝐝𝐮 𝐀𝐬𝐮𝐧𝐭𝐮 𝐓𝐨𝐩𝐨𝐧í𝐦𝐢𝐚 𝐧𝐨 𝐎𝐫𝐠𝐚𝐧𝐢𝐳𝐚𝐬𝐚𝐮𝐧 𝐔𝐫𝐛𝐚𝐧𝐚 (𝐒𝐄𝐀𝐓𝐎𝐔), 𝐆𝐞𝐫𝐦𝐚𝐧𝐨 𝐒𝐚𝐧𝐭𝐚 𝐁𝐫𝐢𝐭𝐞𝐬 𝐃𝐢𝐚𝐬 hamutuk 𝐃𝐢𝐫𝐞𝐭𝐨𝐫 𝐍𝐚𝐬𝐢𝐨𝐧𝐚𝐥 𝐆𝐞𝐬𝐭ã𝐨 𝐇𝐢𝐠𝐢𝐞𝐧𝐞 𝐞 𝐎𝐫𝐝𝐞𝐧 𝐏ú𝐛𝐥𝐢𝐤𝐚 (𝐃𝐍𝐆𝐇𝐎𝐏), 𝐄𝐠𝐚𝐬 𝐉𝐨𝐬𝐞 𝐂𝐚𝐞𝐭𝐚𝐧𝐨, loron segunda-feira, halao sorumutu ho 𝐏𝐫𝐞𝐬𝐢𝐝𝐞𝐧𝐭𝐞 𝐀𝐮𝐭𝐨𝐫𝐢𝐝𝐚𝐝𝐞 𝐌𝐮𝐧𝐢𝐬í𝐩𝐢𝐮 𝐌𝐚𝐧𝐚𝐭𝐮𝐭𝐨, 𝐋𝐮í𝐬 𝐈𝐧𝐚𝐜𝐢𝐨 𝐇𝐞𝐧𝐫𝐢𝐪𝐮𝐞𝐬 𝐅𝐞𝐫𝐧𝐚𝐧𝐝𝐞𝐬 𝐡𝐨 𝐞𝐬𝐭𝐫𝐮𝐭𝐮𝐫𝐚 𝐬𝐢𝐫𝐚 kona-ba Koordenasaun servisu no Orientasaun Politika SEATOU iha Salaun Autoridade Munisípiu Manatuto

Prezensa ida ne’e, tuir orientasaun husi Ministru Administrasaun Estatál, liu husi karta ho numeru referensia 20/M-MAE/I/2026, datadu 14 Janeiro 2026; atu halo koordenasaun servisu ho Autoridade Munisipiu hotu-hotu, hodi hadi’a prestasaun servisu públiku iha área hanesan tuir mai: Ordenamentu Teritóriál (Toponimia); Ijiene no Ordem Públika; Organizasaun Urbana; Jestaun ba Zona Estasionamentu Durasaun Limitada (ZEDL).

Iha enkontru ne’e foka ba diskusaun kona-ba progresu servisu ne’ebé atinji ona, obstakulu no rekomendasaun hodi melhora servisu hirak ne’e iha futuru.

Aleinde Sorumutu ne’e ko’alia mós kona-ba preparasaun ba vizita ofisiál Sua Exelénsia Primeiru-Ministru nian ba munisípiu sira. Vizita sira ne’e sei permite Primeiru-Ministru atu observa diretamente projetu dezenvolvimentu sira ne’ebé hala’o daudaun, avalia progresu iha infraestrutura no prestasaun servisu públiku inklui mos servisu toponimia no organizasaun urbana, no envolve ho autoridade lokál sira kona-ba prioridade dezenvolvimentu sira.

Partisipa iha enkontru ne’e, Presidente Autoridade Munisípiu Manatuto ho estrutura sira, Administrador do Posto (Barique, Laclubar, Laleia, Manatuto, Soibada, Laclo), Lideransa Komunitariu (Chefe do Suku no Chefe Aldeia); Chefe Departamentu no Ekipa tekniku gabinete SEATOU, Segurança (PNTL), no Funsionariu sira.

#MEDIA PAM MANATUTO