Cairui, 28 Jullu 2026 – Direção dos Serviços Municipais de Saúde (DSMS) Manatuto, hamutuk ho Instituto Nacional de Combate ao HIV/AIDS (INCIDA), realiza atividade sosializasaun kona ba prevensaun virus HIV/AIDS ba komunidade iha Suku Cairui, Postu Administrativu Laleia.

Iha atividade ne’e, ekipas saúde husi Postu Saúde Samalai, Postu Saúde Cairui no Servisu Saúde Komunitária (SSK) Laleia la’ós deit fó informasaun kona ba prevensaun HIV/AIDS, maibé mós hala’o teste voluntáriu ba virus HIV ba komunidade.

Dadus husi organizadór sira hatudu katak ema hamutuk 75 partisipa iha teste HIV, enkuantu total partisipante iha atividade ne’e hamutuk 105 ema. Atu aumenta envolvimentu komunidade, organizadór sira mós realiza atividade animasaun no edukativu, inklui programa kanta.

Durante atividade ne’e, mosu diskusaun ne’ebé ativu entre komunidade no oradór sira, ne’ebé fó oportunidade ba partisipante sira atu husu pergunta no hetan klarifikasaun kona ba prevensaun, deteksaun cedo no importánsia husi teste HIV.

Atividade refere hetan prezensa husi autoridade lokal sira, inklui Xefe Suku Cairui, xefe aldeia sira, delegadu sira no lideransa komunitária seluk, ne’ebé hatudu apoiu ba esforsu hodi hasa’e konsiénsia komunidade kona ba saúde públika no prevensaun HIV/AIDS.

#MEDIA PAM MANATUTO