Manatuto, Tersa, 𝟐4 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔 — Vise-Ministru Administrasaun Estatál, S.E. 𝐉𝐚𝐜𝐢𝐧𝐭𝐨 𝐑𝐢𝐠𝐨𝐛𝐞𝐫𝐭𝐨 𝐆𝐨𝐦𝐞𝐬 𝐝𝐞 𝐃𝐞𝐮𝐬, Hamutuk ho Kordenador Avaliasaun Kondisaun Minima, hala’o enkontru koordenasaun ho Prezidente Autoridade Munisípiu Manatuto Sr. Luis Inacio Henrique Fernandes ho estrutura, sobre preparasaun ba vizita ofisiál husi S.E. Primeiru-Ministru, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨, ne’ebé ajenda ona ba Sexta-feira, loron 27 fulan ne’e.

Durante enkontru ne’e, Vise-Ministru subliña importánsia husi preparasaun ne’ebé di’ak no organizadu, hodi destaka katak Primeiru-Ministru nia vizita ne’e nu’udar Avaliasaun Kondisaun Mínima iha tinan ne’e, hodi hare munisípiu ida ne’ebé mak bele ona simu poder lokál ne’ebé tuir planu sei realiza iha tinan oin.

Vise-Ministru mós enkoraja Autoridade Munisipál Manatuto nian atu aproveita oportunidade di’ak husi vizita Xefe Governu nian, hodi halo preparasaun ida ho di’ak, tamba liu husi vizita ne’e mak sei deside munisípiu ida-idak nia kapasidade, liu-liu iha preparasaun hodi hakat ba poder lokál.

Enkontru ne’e marka mós prezensa husi Diretur Jerál no Nasionál sira Ministériu Administrasaun Estatál, Diretur Servisu Munisipál sira, Komandante PNTL Munisípiu Manatuto,Prezidente Veteranus,Administrador Postu Administrativu 6 no Funsionáriu sira.

Hafoin remata enkontru, Vise-Ministru hamutuk ho ekipa husi nasionál, akompaña husi PAM ho nia estrutura halo mós observasaun iha terenu hodi hare direita Fatin Ba Preparasaun Vizita PM

#MEDIA PAM MANATUTO