𝗔𝗨𝗧𝗒π—₯π—œπ——π—”π——π—˜ π— π—¨π—‘π—œπ—¦π—œπ—£π—œπ—¨ π—›π—”π— π—¨π—§π—¨π—ž 𝗛𝗒 𝗦.π—˜ π—¦π—˜π—žπ—₯π—˜π—§π—”Μπ—₯π—œπ—” π—˜π—¦π—§π—”π——π—¨ 𝗕𝗔 π—œπ—šπ—¨π—”π—Ÿπ——π—”π——π—˜-π—¦π—˜π—œ, π—›π—”π—‘π—˜π—¦π—”π—‘ π—œπ—‘π—§π—˜π—₯π—œπ—‘π—” π— π—œπ—‘π—œπ—¦π—§π—₯𝗔 π—¦π—’π—Ÿπ—œπ——π—”π—₯π—œπ——π—”π——π—˜ π—¦π—’π—¦π—œπ—”Μπ—Ÿ 𝗑𝗒 π—œπ—‘π—žπ—Ÿπ—¨π—¦π—”π—¨π—‘ (π— π—¦π—¦π—œ), π—¦π—˜π—Ÿπ—˜π—•π—₯𝗔 π—Ÿπ—’π—₯𝗒𝗑 π— π—¨π—‘π——π—œπ—”Μπ—Ÿ π——π—œπ—™π—œπ—¦π—œπ—˜Μπ—‘π—¦π—œπ—” π—›π—”π— π—¨π—§π—¨π—ž 𝗛𝗒 π— π—”π—Ÿπ—¨π—ž π—˜π— π—” 𝗛𝗒 π——π—œπ—™π—œπ—¦π—œπ—˜Μπ—‘π—¦π—œπ—” π—¦π—œπ—₯𝗔 π—œπ—›π—” π— π—¨π—‘π—œπ—¦π—œπ—£π—œπ—¨ π— π—”π—‘π—”π—§π—¨π—§πŽ Post iha: 3 December 2025

  • Baranda
  • NotΓ­sias
  • 𝗔𝗨𝗧𝗒π—₯π—œπ——π—”π——π—˜ π— π—¨π—‘π—œπ—¦π—œπ—£π—œπ—¨ π—›π—”π— π—¨π—§π—¨π—ž 𝗛𝗒 𝗦.π—˜ π—¦π—˜π—žπ—₯π—˜π—§π—”Μπ—₯π—œπ—” π—˜π—¦π—§π—”π——π—¨ 𝗕𝗔 π—œπ—šπ—¨π—”π—Ÿπ——π—”π——π—˜-π—¦π—˜π—œ, π—›π—”π—‘π—˜π—¦π—”π—‘ π—œπ—‘π—§π—˜π—₯π—œπ—‘π—” π— π—œπ—‘π—œπ—¦π—§π—₯𝗔 π—¦π—’π—Ÿπ—œπ——π—”π—₯π—œπ——π—”π——π—˜ π—¦π—’π—¦π—œπ—”Μπ—Ÿ 𝗑𝗒 π—œπ—‘π—žπ—Ÿπ—¨π—¦π—”π—¨π—‘ (π— π—¦π—¦π—œ), π—¦π—˜π—Ÿπ—˜π—•π—₯𝗔 π—Ÿπ—’π—₯𝗒𝗑 π— π—¨π—‘π——π—œπ—”Μπ—Ÿ π——π—œπ—™π—œπ—¦π—œπ—˜Μπ—‘π—¦π—œπ—” π—›π—”π— π—¨π—§π—¨π—ž 𝗛𝗒 π— π—”π—Ÿπ—¨π—ž π—˜π— π—” 𝗛𝗒 π——π—œπ—™π—œπ—¦π—œπ—˜Μπ—‘π—¦π—œπ—” π—¦π—œπ—₯𝗔 π—œπ—›π—” π— π—¨π—‘π—œπ—¦π—œπ—£π—œπ—¨ π— π—”π—‘π—”π—§π—¨π—§πŽ

Manatutu: 03 Dezembru 2025

ExelΓ©nsia Prezidente da Autoridade Munisipal de Manatuto Sr.Luis Inacio Henrique Fernandes Akompainha Sua ExelΓ©nsia Sekretaria Estadu ba Igualdade (SEI), Elvina Sousa Carvalho, hanesan Interina Ministra Solidaridade Sosial no Inklusaun (MSSI), selebra Loron Mundial DifisiΓ©nsia nian hamutuk ho maluk DifisiΓ©nsia sira iha Munisipiu Manatutu,

Atividade ba selebrasaun loron MundiΓ‘l ema ho difisiensia ba datolu iha Munisipiu Manatuto, hahΓΊ ho Asaun Karitatitiva, misa Agradesimentu no Marsa/lao-ain husi Igreja Paroquial Santo Antonio remata iha Salaun MSSI Manatuto Villa.

Selebrasaun Loron mundial DifisiΓ©nsia nian ne’ebe organiza husi Ministeriu Solidaridade Sosial No Inklusaun Hamutuk ho Asosiasaun DifisiΓ©nsia Timor-Leste, ho Tema Mundial : β€œπ»π‘Žπ‘Ÿπ‘’π‘Ÿπ‘Žπ‘  π‘†π‘œπ‘ π‘–π‘’π‘‘π‘Žπ‘‘π‘’ πΌπ‘›π‘˜π‘™π‘’π‘ π‘–π‘£π‘’ π‘π‘Ž π·π‘–π‘“π‘–π‘ π‘–π‘’Μπ‘›π‘ π‘–π‘Ž β„Žπ‘œπ‘‘π‘– π΄π‘£π‘Žπ‘›π‘ π‘Ž π‘ƒπ‘Ÿπ‘œπ‘”π‘Ÿπ‘’π‘ π‘’ π‘†π‘œπ‘ π‘–π‘Žπ‘™ π‘›π‘œ π‘‡π‘’π‘šπ‘Ž π‘π‘Žπ‘ π‘–π‘œπ‘›π‘Žπ‘™ π‘šπ‘Žπ‘˜ : β€œ πΌπ‘šπ‘π‘™π‘’π‘šπ‘’π‘›π‘‘π‘Žπ‘ π‘Žπ‘’π‘› π‘ƒπ‘™π‘Žπ‘›π‘’ π΄π‘ π‘Žπ‘’π‘› π‘π‘Žπ‘ π‘–π‘œπ‘›π‘Žπ‘™ π‘π‘Ž πΈπ‘šπ‘Ž β„Žπ‘œ π·π‘–π‘“π‘–π‘ π‘–π‘’Μπ‘›π‘ π‘–π‘Ž (𝑃𝐴𝑁-πΈβ„Žπ·) π‘π‘’π‘Ÿπ‘–π‘œπ‘‘π‘’ 20221-2030 β„Žπ‘œ πΎπ‘œπ‘›π‘£π‘’π‘›π‘ π‘Žπ‘’π‘› π‘π‘Ž π‘‘π‘–π‘Ÿπ‘’π‘–π‘‘π‘’ π‘’π‘šπ‘Ž β„Žπ‘œ π·π‘–π‘“π‘–π‘ π‘–π‘’Μπ‘›π‘ π‘–π‘Ž (π‘ˆπ‘πΆπ‘…π‘ƒπ·) π‘–β„Žπ‘Ž 𝑛𝑖𝑣𝑒𝑙 β„Žπ‘œπ‘‘π‘’-β„Žπ‘œπ‘‘π‘’, π‘šπ‘Žπ‘˜ π‘ π‘Žπ‘£π‘’ π‘π‘Ž π‘‡π‘–π‘šπ‘œπ‘Ÿ-𝐿𝑒𝑠𝑑𝑒, β„Žπ‘œπ‘‘π‘– π‘Žπ‘£π‘Žπ‘›π‘ π‘Ž π‘π‘Ž π‘π‘Ÿπ‘œπ‘”π‘Ÿπ‘’π‘ π‘’ π‘†π‘œπ‘ π‘–π‘Žπ‘™ π‘›π‘œ β„Žπ‘Žπ‘π‘’π‘Ÿπ‘Žπ‘  πΌπ‘›π‘˜π‘™π‘’π‘ π‘Žπ‘’π‘› π·π‘–π‘“π‘–π‘ π‘–π‘’Μπ‘›π‘ π‘–π‘Žβ€.

ExelΓ©nsia Prezidente da Autoridade Munisipiu Manatuto Sr.Luis Inacio Henrique Fernandes iha serimonia hateten, Governu LokΓ‘l servisu hamutuk ho Governu SentrΓ‘l MinistΓ©riu Solidaridade Sosial no Inkluzasaun realiza atividade selebrasaun loron Mundial iha Manatuto, hahΓΊ iha dia 02 to’o 03 Dezembru 2025, no ohin konsetra iha fatin ida ne’e nakonu ho maluk defisiΓ©nsia akompaΓ±ia husi inan/aman sira, hau nia parabens espesiΓ‘l ba inan/aman sira ne’ebΓ© iha kbiit hodi bele kuida oan-sira ho pasiensia no nakonu ho domin, situasaun ida ne’e laos ema hotu bele Senti ne’e Planu nai Maromak nian hodi hili inan/aman ida, ho pasiensia kuida oan sira ne’ebΓ© ho kondiasaun difisiensia to’o ohin loron.

Tan ne’e iha selebrasaun ne’e Sua ExelΓ©nsia Sekretaria Estadub a Igualdade-SEI, Elvina Sousa Carvalho hanesan mos Ministra Solidaridade Sosial no Inklusaun (MSSI), iha diskursu hato’o parabens ba Maluk DifisiΓ©nsia sira tomak iha Timor-Leste ne’ebe mak selebra loron importante ne’e.

β€œ Ita Selebra loron importante ne’e hodi rekuinese katak ema ho DifisiΓ©nsia iha Timor-Leste, iha direitu ne’ebe hanesan ho sidadau sira seluk no parte importante husi dezenvolvimentu inkluzivu iha Timor-Leste,”Tenik Sua ExelΓ©nsia Sekretaria Estadu ba Igualdade.

Sua mos afirma katak prinsipa husi selebrasaun loron mundial ne’e mak hodi hasae konsiensia Publiku kona ba ezistensia no direitu ema ho DifisiΓ©nsia hodi asesu ba prestasaun servisu hotu, hanesan mos sidadaun sira seluk, hodi halo advokasai kona-ba bareira sira neebe diskrimina no limita partisipasaun ema ho difisinesia no rekomenda estratejia xave hodi hadiak, promove partisipasaun ema ho difiensia iha moris familia, komunidade no iha sosiedade, promove talentu no abilidade ema ho difinesia sira nu’udar dalan hodi hamenus no halakon diskriminasaun no stigma nomos sira seluk tan.

Tan ne’e Sua ExelΓ©nsia lori IX governu konstitusionΓ‘l nia naran hato’o agradese ba esforsu servisu hamutuk no kolaborasaun entre governu, estadu no sosiedade sivil liu-liu organizasaun ba ema ho difieisnsia, hodi impelenta ona Planu Asaun Nasional ne’ebe iha no Governu no Estado nafatin reafirma katak Governu konta no sura nafatin ho Partisipasaun EHD iha prosesu dezenvolvimentu inkluzivu iha Timor Leste.

Iha Selebrasaun ne’e marka Prezensa husi Ministeriu relevante, Autoridade PNTL, Autoridade LokΓ‘l, Maluk Difisinesia sira husi Munisipiu Manatutu nomos Organizasaun Ema ho DifisiΓ©nsia sira.

#MEDIA PAM MANATUTO

Β© 2025 Administrasaun MunisΓ­piu Manatuto