Manatuto, Tersa, 19 Maiu 2026 — Autoridade Munisipál Manatuto, liuhusi Komisaun Organizadora ba Dias Nasionáis, organiza selebrasaun Loron Restaurasaun Independénsia ba dala 24 ho missa agradesimentu ida ne’ebé prezide husi Amo Selebrante Pe. Mário Cabral iha Parókia Santo António, Manatuto Vila.

Missа ne’e sai hanesan momentu importante ida hodi fó onra no homenagem ba herói sira ne’ebé sakrifika an no luta hodi hetan independénsia no ukun-rasik-an ba povu Timor-Leste.

Partisipa iha selebrasaun ne’e mak Prezidenti Autoridade Munisipál (PAM) Manatuto, Exelénsia Luís Inácio Henrique Fernandes, akompaña husi Sekretáriu Munisipál na’in tolu, diretór munisipál sira, diretór delegasaun territoriál sira, reprezentante autoridade seguransa PNTL, veteranu sira, xefia sira, funsionáriu públiku sira, inan-aman no estudante sira.

Selebrasaun ne’e refleta espírito unidade no patriotizmu hodi kontinua valoriza istória luta libertasaun nasional no kontribuisaun herói sira ba dame no dezenvolvimentu nasaun nian.

#MEDIA PAM MANATUTO