Manatuto, 30/08/2024. Loron 30 Agostu, nudár loron bá Libertasaun Nasionál, no sai hanesan Loron detérminasaun ba vida Nasaun Timor leste nian , tamba iha loron ida ne’e povu tomak bá deside liu husi fó sira-nia votu hodi hili Opsaun Ukun Rasik Án .
Loron ida ne’e lori ita hotu hodi hanoin hikas saida de’it mak akontese iha loron 30 de Agostu 1999 liu ba, molok, durante no depois de referendum ne’ebé rezulta ema Timoroan rihun atus rua mak sai sofre tortura, hetan violasaun sexual, ema muda obrigatóriu husi sira nia hela fatin, oho no barak mós lakon obrigatóriamente no kontinua lakon to’o ohin loron la hatene sira nia paradeiru.
Atu hanoin hikas ba loron 30 Agustu 1999 liu ba, nune’e mak Presidente da Autoridade Munisipal de Manatuto Sr.Luis Inacio Henrique Fernandes, hamutuk ho nia estrutura no mós funsionariu sira, partisipa iha selebrasaun loron Konsulta Popular 30 de Agostu iha Munisipiu Manatuto.
Atividade ne’ebé maka hala’o iha munisipiu Manatuto hodi selebra loron importante ida ne’e maka hanesan selebrasaun Misa, hafoin ne’e kontinu kedas ho kari ai-funan iha Osoariu Manatuto nian no kontinua hikas ho fahe premiu ba manan nain sira,
Selebrasaun Loron Konsulta Popular iha munisipiu Manatuto ne’e rasik partisipa mós husi Ministru MPIE S.E Eng. Gastão Fransisco de Sousa hamutuk ho kargu Diretór no kargu Xefia no Funsionario Sira, Komandante Polisia Manatuto, Padre no Madre, Estudante, no Komunidade sira.