Baucau: Prezidente Autoridade Munisipál Manatuto Sr.Luis Inacio Henrique Fernandes, akompaña Sekretáriu Planeamento (PIDI), Sra.Domingas Gilpia, Xefi Gabinete Hendrik Soekendro, Assesor Principal Luis Antonio Soares hamutuk ho Vise PM ba Asuntu Ekonómiku no Ministro Turizmu no Ambiente, Sr. Fransisco Kalbuadi Lay, Vise-Ministru Saúde, Ministru Petroliu no Rekurzu Minerais, Embaixadora Australia, Prezidente Autoridade Munisípal Baucau, Prezidente ANM.IP, Kompañia Iron Fortune, Kompania Beacon Minerals, Komandante PNTL Baucau, Komandante PNTL Manatuto, Prezidente Autoridade Empreza Publicas, CCI, Diretor Munisípais, Veteranu/a, Administador Postu Munisípais 6, Xefe Suku no Konsellu Suku husi Munisípiu Baucau no Manatuto prezente iha Centro Convenção de Baucau, Segunda-feira 15/04/2024.

Tuir S.E Vise-PM Asunto Ekonómiku, Ministru Turismu no Ambiente Sr. Fransisco Kalbuadi Lay, hateten ohin loron hamutuk iha fatin ida-ne’e emite lisensa prospesaun no peskiza ba minerais metáliku atu reforsa ita-nia komprimisiu ba vizaun ne’ebé governu konstituisionál ba dala IX kona-ba diversifikada ekonomia modernu no ida ne’ebé rekursus natural potensial ida atu dudu kresimentu prospriedade ba ita hotu-hotu iha Timor Leste.

S.E Vise-PM Asunto Ekonomiku hatutan esplorasaun rekurus hirak ne’e importante tebes ita halo ida ne’e ho responsabilidade no sustentabilidade iha ita nia governu, komprimisiu makas atu assegura estrasaun mineral metaliku iha responsável hodi minimiza ba impaktu at ba sistema biodiversidade ne’ebé folin boot.

“Envolvimentu ida ne’e la’os de’it husi governu maibé husi Autoridade no estrutura tomak inklui komunidade sira hamutuk ho Kompañia 2 ne’ebé mak sei halo peskiza iha rai Baucau no Manatuto husu atu kopera no servisu hamutuk. Nune’e, ita bele hetan rezultadu di’ak ba iha ita nia rai”.

Aliende ne’e S.E Ministru Petroliun, Francisco da Costa Monteiro, hato’o nia agradese no kongratula ba Kompañia Iron Fortune, Kompania Beacon Minerals, ne’ebé mak sei haree nafatin Timor-Leste hanesan fatin destinu di’ak ida hodi halo esplorasaun minerais no esplorasaun Petroliun.

Ministru Petroliun mos hatutan daudaun kompañia sira hakarak esplora ita nia minerais iha rai laran, tan ne’e husu ita hotu kolabora ho di’ak. Nune’e, sira nia prosesu esplorasaun ne’e bele la’o ho susesu, iha faze esplorasaun ho komersializasaun.

Iha fatin hanesan Prezidente Autoridade Munisípal Manatuto Sr.Luis Inacio Henrique Fernandes , hateten, Governo Timor- leste halo investimento boot tebes-tebes ba ita nia rai liu-liu ba setor minerais no rekursus humano, governo establese mos instituto publiku iha area geosiginsis atu reforsa indentifika rikusoin saida deit mak iha ita nia rai.

Aliende ne’e Prezidente Autoridade Munisípal Manatuto hatutan ami iha esperansa bot katak atividade ida ne’e sei lori benefisiu bot ba Manatuto Baucau no ba rai Timor-Leste.