𝐌𝐀𝐍𝐀𝐓𝐔𝐓𝐎, 𝐃𝐨𝐦𝐢𝐧𝐠𝐮 𝟐𝟔 𝐌𝐚𝐢𝐮 𝟐𝟎𝟐𝟒—Ministru Administrasaun Estatal, Sua Eselénsia 𝐓𝐨𝐦𝐚́𝐬 𝐝𝐨 𝐑𝐨𝐬𝐚́𝐫𝐢𝐨 𝐂𝐚𝐛𝐫𝐚𝐥, Ministru Agrikultura, Pekuária, Peska no Florestas, Eselénsia 𝐌𝐚𝐫𝐜𝐨𝐬 𝐝𝐚 𝐂𝐫𝐮𝐳, Konselhor Embaxada China, Sr. 𝐒𝐮𝐨𝐜𝐡𝐞𝐧𝐳 𝐙𝐡𝐚𝐨, Sekretáriu Estadu Dezenvolvimentu Lokal, Eselénsia 𝐌𝐚𝐭𝐞𝐮𝐬 𝐖. 𝐝𝐨𝐬 𝐒𝐚𝐧𝐭𝐨𝐬 𝐓𝐚𝐥𝐥𝐨, akompaña hosi Prezidente Autoridade Munisipal Manatuto, Sr. 𝐋𝐮𝐢𝐬 𝐈𝐧𝐚́𝐜𝐢𝐨 𝐇𝐞𝐧𝐫𝐢𝐪𝐮𝐞 𝐅𝐞𝐫𝐧𝐚𝐧𝐝𝐞𝐬, lansa atividade koleta Hare Hybrida ho nia luan 0.8 ektare iha Manatuto Villa liu husi kooperasaun entre Provínsia Hunan ho Munisípiu Manatuto.

Relasaun bilateral entre Repúblika Popular Xina no Repúblika Demokratika Timor-Leste, espesial ho munisípiu Manatuto, aumenta nia parseria estratéjiku ne’ebé luan liu. Nasaun rua ne’e konkorda ona atu reforsa sira-nia kooperasaun amizade entre sira ne’ebé reprezentadu respetivamente husi Provínsia Hunan no Autoridade Munisipal Manatuto, ho finalidade atu dezenvolve programa kooperasaun iha area oin-oin partikular iha Turismu, Interkambiu Kultural, Edukasaun, Agrikultura hanesan Kuda Hare, Kuda Modo, Hortikultura, Pekuaria (hakiak animal) no Akuakultura.

Iha tinan 2014, Sua Eselénsia señor Kay Rala Xanana Gusmão, nu’udar Primeiru Ministru hili Provínsia Hunan hanesan belun ba Autoridade Munisipal Manatuto, no iha tinan 2015, Vise Ministru Administrasaun Estatal, atual Ministru Administrasaun Estatal, señor 𝐓𝐨𝐦𝐚́𝐬 𝐝𝐨 𝐑𝐨𝐬𝐚́𝐫𝐢𝐨 𝐂𝐚𝐛𝐫𝐚𝐥, asina karta de intensoens hodi iha futuru bele asina memorandu entendimentu ida entre Hunan ho Manatuto.

Nu’udar kontinuasaun ba implementasaun geminasaun ne’e depois de tinan-5, iha loron 26 Abril 2019, parte rua asina memorandu ida sobre kooperasaun amizade ne’ebé parte rua kompromete hodi promove futuru dezenvolvimentu iha area balun hanesan Agrikultura, Edukasaun, Siénsia, Téknologia no Interkambiu kultural, ne’ebé reprezenta Manatuto Vise Ministru Administrasaun Estatal no reprezenta husi provínsia hunan señora 𝐖𝐮 𝐋𝐚𝐮, III vise sekretariu partidu iha Provinsia Hunan.

Entretantu iha seremónia ko’a Hare ne’e partisipa mós hosi Xefe Gabinete MAE, Sr. 𝐁𝐞𝐧𝐢𝐠𝐧𝐨 𝐝𝐚 𝐂𝐫𝐮𝐳, Asesor Prinsipal, Sr. 𝐀𝐛𝐢́𝐥𝐢𝐨 𝐉𝐨𝐬𝐞́ 𝐂𝐚𝐞𝐭𝐚𝐧𝐨, Diretor Geral-DGL, Sr. 𝐀𝐧𝐭𝐨́𝐧𝐢𝐨 𝐀𝐮𝐠𝐨𝐬𝐭𝐨 𝐆𝐮𝐭𝐞𝐫𝐫𝐞𝐬, Diretora Geral-SMAL, Sra. 𝐌𝐚𝐫𝐢𝐚 𝐆𝐨𝐫𝐞𝐭𝐭𝐢, Diretor/a Nasional MAE, Sekretarius Servisu Munisipais, Diretor Agrikultura Munisipal, Administrador Postu, Xefe Suku, Veteranus, PNTL, Corpu Guarda Florestal, inklui mós Komunidade Agrikultor Manatuto.