𝐋𝐀𝐂𝐋𝐔𝐁𝐀𝐑, 𝟎𝟒 𝐀𝐛𝐫𝐢𝐥 𝟐𝟎𝟐𝟒-Sua Eselénsia Presidente Autoridade Munisipio Manatuto SE.Luis Inacio Henrique Fernandes, Akompainha Sua Eselénsia Sekretáriu Estadu Asuntu Toponímia no Organizasaun Urbana, 𝐆𝐞𝐫𝐦𝐚𝐧𝐨 𝐒𝐚𝐧𝐭𝐚 𝐁𝐫𝐢𝐭𝐞𝐬 𝐃𝐢𝐚𝐬 ho ekipa, hala’o atividade sensibilizasaun polítika Toponímia no Dekretu Lei Númeru 33 kona-ba “Higiene Orden Públika” ba Autoridade no Komunidade Postu Administrativu Laclubar, Munisípiu Manatuto.
Liu husi intervensaun, Sua Eselénsia SEATOU, hateten, dekretu lei sobre “Higiene Orden Públika” hetan ona alterasaun iha fulan Janeiru liubá, tanba ne’e ba komunidade sira ladún komprende lei ida ne’e, maibé ba funsionariu públiku tomak ho autoriadade lokál sira hotu, iha dever atu hatene kle’an liu kona-ba dekretu lei refere, tanba iha dekretu lei ne’e bandu buat barak.
Sua Eselénsia“Afirma katak dekretu lei ida ne’e regula ita hotu-hotu iha nasaun ida ne’e, kuandu Higiene Orden Públika ne’e ita la organiza didi’ak, sei akontese hanesan ita-nia sidade Dili, ne’ebé ohin loron sai rungu ranga, maibé ita agradese nafatin ba Nonu Governu tanba tula hela fi’ar ne’e ba Ha’u nia kabas ho estrutura Toponímia nian tomak.
S. E. SEATOU husu ba Laclubar oan sira, no mós Manatuto oan sira tomak, atu hatudu ezemplu di’ak no mantein disiplina, hodi labele okupa espasu públiku, animal sira tenke tau iha luhan, labele halo uma iha trotoar leten, no tenke fan sasan iha merkadu, tuir regras ne’ebé hatuur ona iha dekretu lei númeru 33.
𝐼ℎ𝑎 𝑓𝑎𝑡𝑖𝑛 ℎ𝑎𝑛𝑒𝑠𝑎𝑛, 𝑃𝐴𝑀-𝑀𝑎𝑛𝑎𝑡𝑢𝑡𝑜, 𝗟𝘂ì𝘀 𝗜𝗻à𝗰𝗶𝗼 𝗙𝗲𝗿𝗻𝗮𝗻𝗱𝗲𝘀 𝗛𝗲𝗻𝗿𝗶𝗾𝘂𝗲, 𝑚ó𝑠 ℎ𝑎𝑡𝑒𝑡𝑒𝑛, 𝑜ℎ𝑖𝑛 𝑆𝑒𝑘𝑟𝑒𝑡à𝑟𝑖𝑢 𝐸𝑠𝑡𝑎𝑑𝑢 𝑂𝑟𝑔𝑎𝑛𝑖𝑧𝑎𝑠𝑎𝑢𝑛 𝑈𝑟𝑏𝑎𝑛𝑎 𝑚𝑎𝑖 𝑓ó ℎ𝑎𝑢 𝑛𝑖𝑎 𝑡𝑒𝑚𝑝𝑢 𝑜𝑖𝑡𝑜𝑎𝑛 𝑡𝑎𝑚𝑏𝑎 𝑛𝑎’𝑖 𝑢𝑙𝑢𝑛 𝑏𝑜’𝑜𝑡 𝑖ℎ𝑎 𝑀𝐴𝐸 𝑛𝑖𝑎𝑛, 𝑠𝑖𝑟𝑎 𝑚𝑎𝑖 𝑎𝑡𝑢 𝑛𝑢𝑛𝑒’𝑒 𝑠𝑖𝑟𝑎 𝑏𝑒𝑙𝑒 𝑎𝑗𝑢𝑑𝑎 𝑓𝑎ℎ𝑒 𝑖𝑛𝑓𝑜𝑟𝑚𝑎𝑠𝑎𝑢𝑛 𝑙𝑖𝑢-𝑙𝑖𝑢 𝑠𝑒𝑣𝑖𝑠𝑢 𝑠𝑖𝑟𝑎 𝑇𝑜𝑝𝑜𝑛𝑜𝑚𝑖𝑎 𝑛𝑖𝑎𝑛 𝑖ℎ𝑎 𝑠𝑖𝑑𝑎𝑑𝑒 𝑙𝑎𝑟𝑎𝑛.
Entretantu, atividade sensibilizasaun ne’e hala’o iha salaun foun edifisiu Administrasaun Postu Administrativu Laclubar, marka prezensa husi DJ-TOU, Administrador Postu Administrativu Soibada, Barique no Laclubar, Amu Paróku Laclubar, Autoridade Lokál , Juventude, Lia Na’in no Komunidade sira.
