Ohin 25 Janeiru 2023, Sua Exelensia Vice Ministru Administrasaun Estatal Sr.Lino de Jesus Torezaun hamutuk ho Prezidente Autoridade Munisipal Dili,Baucau, Ermera,ho Bobonaro inklui Administrador Munisipio 10 mak hanesan Administrador Munisipio Manatuto, Lospalos, Viqueque, Manufahi, Ermera, Liquisa, Aileu, Ainaro ho Administrador Munisipio Atauru hala’o lansamentu fatuk dahuluk ba Konstrusaun Edifisiu Administrasaun Munisipio Manatuto hanesan faze preparasaun ba Programa Decentralizasaun no Poder Lokal iha tinan 2024. Edifisiu ne’e ho medida 25X50 M no bele akumula Funsionario Publiku 200 iha laran hodi hala’o servisu. konstrusaun ne’e ho prazu tinan rua, kompanhia promete sei finaliza obra ne’e ho kualidade nomos tuir prazu ne’ebe determina.