MANATUTO, 23 Jullu 2026

Prezidente Repúblika, José Ramos-Horta ho Primeiru-Ministru (PM), Kay Rala Xanana Gusmão hala’o serimónia lansamentu fatuk dahuluk bá Projetu Solar Fotovoltaiku (PV) ho sistema armazenamentu enerjia no sistema SCADA bá interkoneksaun ho rede transmisaun elétrika, iha Suku Lifau, Postu Administrativu Laleia, Munisípiu Manatuto, kinta (23/07).

Projetu ne’e sei instala sentrál solar ho kapasidade 72 megawatts (MW) no sistema armazenamentu enerjia iha bateria ho kapasidade 36 megawatts-ora (MWh), atu fornese eletrisidade bá rede nasionál, diversifika fonte enerjia no hamenus dependénsia Timor-Leste bá kombustível importadu.

Prezidente Repúblika, José Ramos-Horta, parabeniza IX Governu Konstitusionál lideradu hosi PM Xanana tanba konsege lori projetu investimentu estratéjiku ida-ne’e bá oin.

Xefe Estadu hateten projetu hanesan ne’e presiza tempu, koordenasaun no involvimentu hosi ajénsia internasionál no investidór privadu.

“𝐄𝐥𝐞𝐭𝐫𝐢𝐬𝐢𝐝𝐚𝐝𝐞 𝐦𝐚𝐤 𝐬𝐞𝐢𝐭𝐨́𝐫 𝐢𝐝𝐚 𝐧𝐞’𝐞𝐛𝐞́ 𝐢𝐦𝐩𝐨𝐫𝐭𝐚𝐧𝐭𝐞 𝐭𝐞𝐛𝐞𝐬 𝐛𝐚́ 𝐝𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮. 𝐈𝐭𝐚 𝐛𝐞𝐥𝐞 𝐡𝐚𝐫𝐞𝐞 𝐩𝐫𝐨𝐠𝐫𝐞𝐬𝐮 𝐧𝐞’𝐞𝐛𝐞́ 𝐥𝐚’𝐨 𝐦𝐚𝐤𝐚’𝐚𝐬 𝐧𝐨 𝐤𝐨𝐧𝐭𝐢𝐧𝐮𝐢𝐝𝐚𝐝𝐞 𝐢𝐦𝐩𝐥𝐞𝐦𝐞𝐧𝐭𝐚𝐬𝐚𝐮𝐧 𝐏𝐥𝐚𝐧𝐮 𝐄𝐬𝐭𝐫𝐚𝐭𝐞́𝐣𝐢𝐤𝐮 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐍𝐚𝐬𝐢𝐨𝐧𝐚́𝐥 𝟐𝟎𝟏𝟏–𝟐𝟎𝟑𝟎,” Ramos-Horta hateten.

Kona-bá ne’e PM Xanana esplika projetu ne’e hanesan investimentu importante bá sistema elétriku nasionál no bá futuru dezenvolvimentu ekonomia Timor-Leste.

Governu kontinua empenha atu garante fornesimentu eletrisidade ida fiável bá uma-kain, eskola, sentru saúde, instituisaun públika no empreza sira iha país tomak.

“𝐀𝐠𝐨𝐫𝐚 𝐢𝐭𝐚 𝐩𝐫𝐞𝐬𝐢𝐳𝐚 𝐫𝐞𝐟𝐨𝐫𝐬𝐚 𝐬𝐢𝐬𝐭𝐞𝐦𝐚 𝐧𝐚𝐬𝐢𝐨𝐧𝐚́𝐥 𝐞𝐥𝐞𝐭𝐫𝐢𝐬𝐢𝐝𝐚𝐝𝐞 𝐧𝐨 𝐩𝐫𝐞𝐩𝐚𝐫𝐚 𝐛𝐚 𝐟𝐮𝐭𝐮𝐫𝐮. 𝐈𝐭𝐚 𝐭𝐞𝐧𝐤𝐞 𝐝𝐢𝐯𝐞𝐫𝐬𝐢𝐟𝐢𝐤𝐚 𝐢𝐭𝐚-𝐧𝐢𝐚 𝐟𝐨𝐧𝐭𝐞𝐬 𝐞𝐧𝐞𝐫𝐣𝐢𝐚 𝐧𝐨 𝐫𝐞𝐝𝐮́𝐬 𝐝𝐞𝐩𝐞𝐧𝐝𝐞́𝐧𝐬𝐢𝐚 𝐛𝐚́ 𝐤𝐨𝐦𝐛𝐮𝐬𝐭𝐢́𝐯𝐞𝐢𝐬 𝐢𝐦𝐩𝐨𝐫𝐭𝐚𝐝𝐮𝐬. 𝐓𝐚𝐧𝐛𝐚 𝐧𝐞’𝐞 𝐏𝐫𝐨𝐣𝐞𝐭𝐮 𝐒𝐨𝐥𝐚𝐫 𝐅𝐨𝐭𝐨𝐯𝐨𝐥𝐭𝐚𝐢𝐤𝐮 𝐢𝐡𝐚 𝐋𝐚𝐥𝐞𝐢𝐚 𝐢𝐦𝐩𝐨𝐫𝐭𝐚𝐧𝐭𝐞 𝐭𝐞𝐛𝐞𝐭𝐞𝐛𝐞𝐬,” PM Xanana hateten.

Xefe Governu halo estimasaun katak projetu ne’e sei hamenus gastus kombustível entre $25 to’o $30 milloens kada tinan, rekursu ne’ebé bele rediresiona bá saúde, edukasaun, infraestruturas no prioridade nasionais seluk.

Aleinde benefísiu finanseiru, projetu ne’e sei fó formasaun bá tékniku EDTL durante faze instalasaun, operasaun no manutensaun, no mós sei apoia formasaun no investigasaun bá estudante timoroan sira iha área enerjia renovável.

Projetu ne’e sei kria empregu durante períodu konstrusaun ne’ebé previstu dura entre fulan 18 no 24.

Projetu ne’e implementa tuir modelu Independent Power Producer (IPP), liuhusi empreza Manatuto Renewable Power, ne’ebé harii husi ITOCHU, hosi Japaun, no EDF hosi Fransa.

Embaixadór Fransa iha Timor-Leste, Fabien Penone, hateten projetu ne’e sei hasa’e asesu bá eletrisidade ida konfiável, hamenus emisaun CO₂ no redúz dependénsia bá kombustível importadu.

Nia konsidera envolvimentu EDF hanesan sinál ida forte bá kooperasaun ekonómika entre Fransa ho Timor-Leste.

Embaixadór Japaun, Yasushi Yamamoto, afirma katak Governu Japaun apoia projetu ne’e liuhosi finansiamentu JICA, no konsidera inisiativa ida-ne’e hanesan ezemplu di’ak hosi kooperasaun entre seitór públiku no privadu atu promove enerjia renovável no seguransa enerjétika.

Prezidente Komisaun Ezekutivu EDTL, E.P., Paulo da Silva, esplika projetu ne’e uza modalidade IPP, ne’ebé signifika investimentu, konstrusaun, operasaun no manutensaun halo hosi seitór privadu, enkuantu EDTL sosa eletrisidade ho presu 6,5 centavus bá kada kWh durante períodu kontratu tinan 25.

Nia akresenta, aleinde poupansa kombustível to’o $30 milloens kada tinan, EDTL mós sei bele aplika bá programa karbon kréditu internasionál ho apoiu hosi Banku Dezenvolvimentu Aziátiku (ADB).

Projetu ne’e sei sai mós sentru formasaun no peskiza bá tékniku EDTL no estudante sira.

Projetu ne’e hetan finansiamentu hosi seitór privadu internasionál ho valór to’o $85,6 milloens, liuhosi ITOCHU hosi Japaun no EDF hosi Fransa.

Serimónia lansamentu ne’e partisipa hosi membru Governu, membru Parlamentu Nasionál, korpu diplomátiku, autoridade defeza no seguransa, no komunidade Suku Lifau, Laleia.

(Média-GPM)